Gripla - 20.12.2015, Page 173

173
hebben in de helle ghevoret. do quam sunte iacob tohant. vnde vorde my
vor gode. dar beclagheden my de vyende vmme myne sunde. Do vorwarff
my sunte jacob van gode dat yk wedder leuendich wart Do worden de
mynschen ghans vro. vnde dankeden gode. vnde sunte jacob.
to ener tijd reeden dre riddere van Lugdun to sunte Jacob. Do quam
ene vrouwe to en. de bad den enen ridder dorch sunte Jacobs willen. dat
he wolde eren sak vp syneme perde voren. dat dede he. Unde darna quaz
he tho enem kranken den settede he ock vp dat pert. vnde droch synen
stock mit der vrouwen sak. vnde ghink suluen to vote. Do wart he krank
van hette vnde modicheyt. Unde do he in galicien quam. do spreken syne
ghesellen he scolde bychten. vnde scolde godes licham nemen. do lach he
dre daghe ane sprake. vnde konde nicht bychten. vnde an dem .iiij. morghen
wart he so krank. dat syne ghesellen vp ene wachteden. vnde meneden he
wolde vort steruen. do suchtede he gans swarliken vnde sprak. jk danke
gode vnde deme leuen heren sunte Jacob. wente yk bin mit syner hulpe
van den vyenden vorlozet. wente do yk nicht bychten wolde. do quemen
de bozengheste. vnde bunden my dat yk nicht spreken konde myner zelen
salicheit. Do quam sunte jacob to my. vnde droch der vrouwen sack in der
luchteren hant. vnde den staff in der vorderen hant den hadde he vor eyn
speet. vnde den sak vor enen schylt. vnde leep tornichlyken yeghen de bo-
zengheste. vnde vorschrekkede se. vnde voryaghede se. Unde nu my sunte
jacob mit synen gnaden vorlozet heft. vnde mi mine sprake heft wedder
ghegheuen. so sendet drade na eneme bychtuader. wente ik sterue tohand.
darna sprak he to enem ghesellen. Urunt du scalt dyneme heren nicht
meer denen. wente he is vordomet. vnde steruet drade enes bozen dodes.
darna bichtede he alle syne sunde. vnde entfenk alle syn godes recht. vnde
staff altohant do sprak de gheselle to synem heren. wo he em gesecht
hadde. des wolde he em nycht louen. vnde beterde syk nycht. do wart he
drade doer gesteken in dem strijde. dat he starf.
do men screef na cristus boert .xj. hundert jar. do wanderde eyn bor-
gher van ener stad de heet Parimon. to sunte jacob. vnde bad nicht anders.
wen dat he vort meer van synen vyenden nicht ghefangen worde. vnde
bad nicht vmme syner zelen salicheyt. Do he nu wedder to husz wanderde
dorch Cecilien. do wart he vp deme mere van den heyden ghefangen do
reep he ouer sunte jacob an mit groter andacht. vnde bad dat he ene vorlo-
zede. do openbarde syk em sunte jacob. vnde sprak. do du in myner ker-
LOW GeRmAN LeGeNds OF tHe APOstLes . . .
GRIPLA XXVI. - 12.12.B.indd 173 12/13/15 8:24:49 PM