Gripla - 20.12.2015, Síða 174

GRIPLA174
ken werest. do bedestu allene vmme dynes lyues vrygheyt. vnde vorghetest
dyner zelen salicheyt. darumme bistu so vakene ghefangen worden. doch
darvmme dat god barmehertych is. so heft he nu my to dy ghesant. dat ik
dy vorlozen scal darna toch he dorch der heyden lant. vnde naz der keden
eyn deel mit sik to eneme warteken vnde wanneer ene eyn vangen wolde.
wen se de keden seghen. so vruchteden se syk vnde vloen. So quam he ane
schaden wedder to husz. dat nam alle den mynschen wunder.
do men screef na cristus boert .m. cc. vnde .xxxviij. jar. do was ein sim-
pel man vp ener borch de heet Pratum. vnde licht twyscken florens vnde pi-
storium. desse man entfenghede syneme heren sijn korne. darumme dat he
em syn erue nam. do venk men ene an sunte jacobs auent. vnde vorordelde
ene darumme to deme dode. vnde bunden ene eneme perde an synen stert.
vnde wolden ene darna vorbernen. do beuoel he syk sunte iacob mit groter
andacht. dat he em tho hulpe queme. Do slepede me ene lange in enem
hemde. vnde ouer scharpe stene. do halp em sunte iacob dat em nicht wee
scach. vnde krech nene wunden. vnde dat em syn hemde nee vorsereghet
waert. Darna bant me ene. vnde makede eyn groet vuer. vnde warp ene dar
in do reep he sunte jacob mit groter andacht an. vnde do halp he em. dat
dat holt vnde de bande vorbrenden. vnde dat em an synem hemde noch an
synem liue neen leed ghescach. Darna wolde me en anderwerf in dat vuer
werpen. do nam ene dat volk myt walt. vnde vorlozeden ene. vnde spreken.
See gy nicht dat god mit em is. vnde helpt em dorch synes deners wyllen
sunte jacobs. Unde laueden den almechtyghen god vnde sunte jacob van
deme groten tekene.
[AM 667 V 4to 4ra begins] Philippus de was eyn cristen. vnde hadde god
leef. vnde denede em mit vlyte dach vnde nacht. vnde waert van gode in
dat lant Sithia ghesant. dar preddykede he twyntich iar Wente dat volck
weren alle heyden in der stad. doch preddykede he myt der hulpe godes so
lange. dat he se to dem cristen louen brochte. do dat de vorsten vornemen.
do leten se ene vangen mit eren deenren vnde vorden ene ghebunden to
ener sule. de was deme affgode Marti ghemaket. vnde de affgod stunt dar
bouen. do spreken de vorsten to Philippo. Wultu leuen. so offere den
affgode. vnde de wile do se dat spreken. do ghink eyn drake vth der sule.
vnde dodede deme ouersten bysscope twe soens. vnde der vorsten twe.
vnde de drake stanck so ghans ouel. dat dar vele volkes krank waert van
GRIPLA XXVI. - 12.12.B.indd 174 12/13/15 8:24:49 PM