Gripla - 20.12.2015, Qupperneq 175

175
syneme stanke. vnde de vyende hadden ok voer vele kranken ghemaket.
vnde erer eyndeel ghedodet. do sprak sunte Philippus to deme volke.
Wille gy volghen mynes rades. so wert alle dat wedder komen. dat de duuel
ghedaen heft. De doden scholen wedder vp staen mit der hulpe godes. Do
sprack dat volk. Wy willen dy gherne volghen. vnde wat du vns sechst.
des loue wy dy woel. Do leet sunte Philippus den affgot vth der kerken
breken. vnde heet en eyn kruce in de stede setten. vnde sprak. se scolden an
god louen. do brak dat volk den affgod nedder. vnde makeden ein kruce
in de stede. Do waert dat kranke volk ghesund. vnde van den tekene leten
syk vele mynschen dopen. dar na sprack de leue sunte Philippus to deme
draken. jk ghebede dy by vnseme leuen heren jhesu christo. dat du in de
wostenye gheist vnde kommest nummermeer wedder dar vth. Do vloch
de drake wech. vnde quam nycht wedder in dat sulue land. dar na sprak
de leue sunte Philippus to den doden mynschen. Jck ghebede iuw by den
namen vnses heren Jhesu cristi. dat gy wedder leuendich werden vnde
ghesunt vpstaen. Dar na preddikeden se. dat se wedder leuendich worden
weren. van der gnade godes. vnde dat vnse here ihesus cristus de ware
leuendyghe godes sone were. wente se hadden dat wol bevunden de wyle
dat se doet weren ghewest. vnde allent dat se seden. dat loueden vrouwen
vnde man. vnde vele mynschen worden louich. Do wygede sunte Philippus
ok vele bisschope vnde prestere vnde beuoel en dat se den cristene louen
lereden vnde preddykeden Do dar de cristene loue wol bestedighet was. do
voer sunte Philippus in Asiam. vnde lerede dar ok deme volke den cristene
louen. dar na toch he in Gerapolim. vnde lerede dar ok den cristene louen.
vnde quam to samariam. vnde preddikede vnde dede dar vele tekene. vnde
lozede de beseten van den bozenghesten. vnde makede ok de kranken
ghesunt. vnde vordreef syne tijt myt gode. Unde he hadde twe dochter. de
bekereden ok vele volkes. vnde iuncfrouwen. vnde lereden se dat se gode
deneden went an er ende.
do sunte Philippus steruen wolde. do sande he vor souen daghen na
bisscopen vnde na presteren. vnde sprak. Jk segge iuw dat yck na souen
daghen sterue. darumme scole gy der lere nicht vorgheten de yk yuw ghe-
l ert hebbe. vnde scolen mit iuwer lere de cristenheit vormeren. wente iuw
mach nemant wedderstan. wente god is mit iuw. vnde god mote iuwer
plegen. to der tijd was he .lxxxvij. iar olt. vnde leuede salichliken went an
syn ende. de hillighe apostel sunte philippus waert an ghegrepen in der
LOW GeRmAN LeGeNds OF tHe APOstLes . . .
GRIPLA XXVI. - 12.12.B.indd 175 12/13/15 8:24:49 PM