Læknablaðið - 01.11.2016, Blaðsíða 29

LÆKNAblaðið 2016/102 501
Á síðasta aðalfundi Læknafélags Íslands var samþykkt
breytingartillaga stjórnar á lögum félagsins varðandi stjórnar-
kosningar. Framvegis mun öllum fullgildum félagsmönnum í
Læknafélagi Íslands, meira en 1100 læknum, gefast kostur á taka
þátt í rafrænni atkvæðagreiðslu við val á formanni og öðrum
stjórnarmönnum. Kosið verður í fyrsta skipti samkvæmt þessum
nýju reglum haustið 2017. Þá verða kosnir formaður félagsins,
gjaldkeri og fjórir meðstjórnendur. Með þessari breytingu er
horfið frá því sem verið hefur við lýði undanfarna áratugi, að
einungis tilnefndir aðalfundarfulltrúar, 70-80 læknar samtals,
kjósi stjórnarmenn félagsins.
Aðdragandi þessara breytinga er alllangur. Á aðalfundi
Læknafélags Íslands haustið 2014 var eftirfarandi ályktunartillaga
samþykkt:
Aðalfundur Læknafélags Íslands, haldinn 25. og 26. september 2014
að Hlíðasmára í Kópavogi, felur stjórn félagsins að skipa fimm manna
nefnd til að gera tillögur um hvernig heildarskipulagi læknasamtak­
anna verði best fyrir komið til framtíðar. Sérstaklega verði hugað að
aðildarfélögunum og stöðu þeirra, fyrirkomulagi aðalfundar og kosn­
ingum til æðstu embætta félagsins. Nefndin skal leggja tillögur sínar
fyrir stjórn félagsins eigi síðar en 1. febrúar 2016.
Snemma árs 2015 skipaði stjórn Læknafélags Íslands 5 manna
starfshóp, undir forystu Magnúsar Páls Albertssonar bæklunar-
læknis, sem vinna átti að tillögugerð í anda ofangreindrar álykt-
unar. Nefndin skilaði áliti í ágúst 2016 og voru tillögurnar kynnt-
ar fyrir læknum á sérstöku málþingi sem haldið var í tengslum
við aðalfundinn 2016. Ekki voru að þessu sinni lagðar fyrir
aðalfundinn heildstæðar tillögur um breytingar á Læknafélagi
Íslands. Var það bæði vegna tímaskorts og þess að talin var þörf
á víðtækri umræðu um málið. Þess vegna var það mat stjórnar
að eðlilegast væri að hún beitti sér fyrir breytingum á kosninga-
reglum félagsins, það væri gott upphafsskref. Stjórn Læknafélags
Íslands telur að nýju reglurnar um stjórnarkjör séu lýðræðislegri
en eldri reglur og að þær séu í góðu samræmi við óskir lækna. Að
auki eru þær í takti við það sem önnur stéttarfélög gera varðandi
stjórnarkjör.
Rafræn kosning á að fara fram með góðum fyrirvara fyrir
aðalfund og niðurstaðan skal tilkynnt á aðalfundi, í fyrsta sinn
haustið 2017. Meðal nýmæla sem af þessum breytingum leiða má
nefna að stjórn Læknafélags Íslands hættir að stilla upp „lista
stjórnar“ eins og gert hefur verið hingað til. Á þeim lista hafa
verið þeir læknar sem sitjandi stjórn leggur til að stýri félaginu
á komandi kjörtímabili. Þess í stað mun stjórn félagsins skipa
þriggja manna kjörnefnd sem hefur það hlutverk með höndum að
auglýsa eftir framboðum og halda utan um framkvæmd kosning-
anna.
Eins og fram kemur í aðalfundarályktuninni frá 2014 er nýtt
kosningafyrirkomulag einungis ein af þeim breytingum sem
stefna skal að á næstunni. Annað sem huga þarf að er breytt fyr-
irkomulag aðalfundar. Á að hverfa frá fulltrúafyrirkomulaginu og
hafa í staðinn opinn aðalfund þar sem allir félagsmenn sem mæta
hafa jafnan tillögu- og atkvæðisrétt? Eða er ástæða til að ganga
alla leið og gera öllum læknum kleift að taka þátt í aðalfundar-
störfum með rafrænum hætti og jafnframt að greiða atkvæði
um framkomnar tillögur? Slíkt fyrirkomulag væri nýstárlegt því
hingað til hefur hin almenna regla verið talin sú að félagsmenn
eða fulltrúar þeirra þurfi að vera á aðalfundi til að taka þátt í at-
kvæðagreiðslu. Hver sem niðurstaðan verður þarf að meta af yfir-
vegun kosti og galla ólíkra aðferða áður en ákvörðun er tekin.
Að mínu mati er það nauðsynlegt næsta skref að skoða grunn-
uppbyggingu Læknafélags Íslands. Núverandi skipulag byggir á
svæðafélögum. Þetta fyrirkomulag hefur í stórum dráttum verið
óbreytt frá þeim tíma þegar læknar á Íslandi voru tiltölulega fáir
og búsetudreifing þeirra önnur en hún hefur orðið á seinni árum.
Nú eru flestir læknar búsettir á höfuðborgarsvæðinu og starfa
þar og eru þess vegna í Læknafélagi Reykjavíkur. Læknar gerast
ekki beint félagar í Læknafélags Íslands heldur verða þeir það í
gegnum sitt svæðafélag (til dæmis í gegnum aðild að Læknafélagi
Reykjavíkur, Læknafélagi Vesturlands og svo framvegis). Ég tel
að skoða megi að læknar verði beint félagsmenn í Læknafélagi Ís-
lands og þeir velji sér síðan sérgreinafélag og/eða hagsmunahóp,
allt eftir því sem hverjum og einum hentar best. Dæmi um slíka
hagsmunahópa lækna gætu verið sjúkrahúslæknar, stofulæknar,
heimilislæknar, almennir læknar, læknar í dreifbýli og svo fram-
vegis.
Á síðasta aðalfundi samþykktum við læknar tímamóta-
breytingar á fyrirkomulagi stjórnarkosninga í félaginu. Á næstu
árum þurfum við að huga að frekari breytingum með það fyrir
augum að styrkja Læknafélagið. Tryggja þarf að allar breytingar
sem gerðar eru á skipulagi Læknafélags Íslands styrki og efli
samtakamátt lækna sem stéttar. Kjarabarátta lækna veturinn
2014-2015 sýndi hversu mikilvæg samstaða lækna er og hversu
miklu hún getur áorkað.
Þorbjörn Jónsson formaður
Orri Þór Ormarsson varaformaður
Björn Gunnarsson gjaldkeri
Magdalena Ásgeirsdóttir ritari
Agnar H. Andrésson
Arna Guðmundsdóttir
Hjalti Már Þórisson
Jóhanna Ósk Jensdóttir
Þórarinn Ingólfsson
Stjórn LÍ
Ú R P E N N A S T J Ó R N A R M A N N A L Í
Lýðræðislegra Læknafélag Íslands
Þorbjörn Jónsson
sérfræðingur í ónæmisfræði
og blóðgjafarfræði
Formaður Læknafélags Íslands
thorbjor@landspitali.is
Í pistlunum Úr penna stjórnarmanna LÍ birta þeir sínar eigin skoðanir en ekki félagsins.
* Eliquis : Hemill með beina verkun á storkuþátt Xa, sem er ætlaður til:
- Forvarnar gegn heilablóðfalli og segareki í slagæð hjá fullorðnum sjúklingum með gáttatif sem ekki tengist hjartalokusjúkdómum
(non-valvular atrial fibrillation, NVAF) ásamt einum eða fleiri áhættuþáttum, svo sem sögu um heilablóðfall eða tímabundna blóðþurrð
í heila (transient ischaemic attack, TIA), aldur ≥ 75 ára, háþrýstingi, sykursýki eða hjartabilun með einkennum (NYHA flokkur ≥ II). 1
- Meðferðar við segamyndun í djúplægum bláæðum (DVT) og lungnasegareki (PE) og forvarnar gegn endurtekinni segamyndun í
djúplægum bláæðum og lungnasegareki hjá fullorðnum (báðir styrkleikar).
1
- Forvarnar gegn bláæðasegareki (VTE) hjá fullorðnum sjúklingum sem hafa gengist undir valfrjáls mjaðmarliðskipti eða hnéliðskipti
(eingöngu fyrir Eliquis 2,5 mg).
1
Heimild: 1. Samantekt á eiginleikum lyfs fyrir Eliquis.
Maí 2016

Forvörn gegn endurtekinni
segamyndun í djúplægum
bláæðum og lungnasegareki
Meðferð við
lungnasegareki
Eliquis® er örugg og
Meðferð við segamyndun
í djúplægum bláæðum
Nú geta enn fleiri sjúklingar haft gagn
af meðferð með Eliquis ®
Forvörn gegn heilablóðfalli
og segareki í slagæð
hjá sjúklingum með
gáttatif sem ekki tengist
hjartalokusjúkdómum

Forvörn gegn
bláæðasegareki
eftir valfrjáls
mjaðmarliðskipti
Forvörn gegn
bláæðasegareki eftir
valfrjáls hnéliðskipti

árangursrík meðferð með
nokkrar ábendingar *1
®
®
®
PFI-16-10-01 EUAPI759