Tímarit Hjúkrunarfélags Íslands - 01.03.1972, Blaðsíða 35

NIÐURSTÖÐUR OG
GREINAR GERÐ
VARÐANDIKÖNNUN MÖGULEIKA
HJÚKR UNARNÁMS
Á HÁSKÓLASTIGI
Til menntamálaráðuneytisins.
Nefnd sú, er menntamálaráðuneytið skipaði
þann 6. nóvember 1970 til að kanna möguleika
á hjúkrunarnámi á háskólastigi hér á landi (þ.
e. hjúkrunargrunnámi og framhaldsmenntun
hjúkrunarkvenna innan háskóla), skilar hér
með niðurstöðum könnunar sinnar ásamt grein-
argerð um starfsemi nefndarinnar.
I. Inngangur.
í nefndina voru skipuð: Þorbjörg Jónsdóttir,
skólastjóri Hjúkrunarskóla Islands, formaður
(skipuð án tilnefningar), Snorri Páll Snorrason,
dósent (tilnefndur af Háskóla Islands), María
Pétursdóttir, formaður Hjúkrunarfélags íslands
(tilnefnd af Hjúkrunarfélagi Islands), Páll Sig-
urðsson, ráðuneytisstjóri (tilnefndur af heil-
brigðis- og tryggingamálaráðuneytinu) og Elín
Eggerz Stefánsson, hjúkrunarkona (skipuð án
tilnefningar).
Nefndin kom saman til fundar í fyrsta sinn 2.
desember 1970. Haldnir voru tveir fundir á ár-
inu 1970, því næst tveir fundir í janúar 1971.
Or því varð ærið hlé á nefndarfundum, eða þar
til 14. júní 1971. Tafir urðu af hálfu Háskóla
Islands vegna afgreiðsluerfiðleika varðandi nýja
þjóðfélagsfræðideild, er talin var geta skipt
hugsanlega hjúkrunarnámsbraut svo miklu, að
vert væri að bíða átekta. Sú bið varð lengri en
vænta mátti, og reyndu nefndaraðilar að fylgja
málunum eftir af fremsta megni allan tímann.
1 allt hefur nefndin komið saman til funda 12
sinnum.
Þörf nefndarinnar fyrir upplýsingar hefur í
aðalatriðum reynzt tvíþætt. Annars vegar eru
upplýsingar frá íslenzkum aðilum, þeim er þegar
annast hjúkrunarfræðslu í landinu, ásamt upp-
lýsingum þeirra aðila, er hugsanlega gætu tekið
að sér að einhverju eða öllu leyti hjúkrunar-
fræðslu á háskólastigi. Hins vegar eru upplýs-
ingar erlendra aðila, er þegar annast hjúkrunar-
fræðslu á háskólastigi eða eru slíkum málum vel
kunnugir og gætu því orðið vegvísir að tillögum
nefndarinnar.
II. Upplýsingar nefndarinnar.
Hjúkrunarfræðsla í Hjúkrunarskóla íslands
tekur m. a. nokkurt mið af kröfum Evrópuráðs-
ins til hjúkrunargrunnnáms, en í kröfum ráðsins
felst m. a. eftirfarandi:
Námið skal vera:
1535 bóklegar stundir.
2300 verklegar stundir.
765 stundir að auki, sem geta verið ýmist
bóklegar eða verklegar.
4600 stundir alls.
Áherzla er lögð á, að verklega námið sé undir
leiðsögn kennara.
Samanburður á Norðurlöndum sýnir eftirfar-
andi:
Danmörk: 1527 5000
Finnland: 1650 2630
Noregur: 1370 3540
Svíþjóð: 1398 3200
ísland: 1530 4284
Ath. Hér er ekki
6527 stundir alls
4280 stundir alls
4910 stundir alls
4598 stundir alls
5814 stundir alls
námstímans er undir leiðsögn kennara.
Við verklegt nám hjúkrunarnema á Islandi
skortir hjúkrunarkonur til leiðsagnar bæði á
sjúkrahúsum og við heilsuverndarstörf. Við-
leitni til að draga úr óæskilegri notkun hjúkrun-
arnema sem vinnukrafts á sjúkrahúsum, svo
sem m. a. var reynt með tilkomu sjúkraliða, hef-
TÍMAEIT HJÚKRUNARFÉLAGS ÍSLANDS 25