Tímarit hjúkrunarfræðinga - 01.03.2000, Page 28

auk þess aö veita mikilvægan grunn í aðferðafræði,
stefnumörkun og endurskoðun aðferða og leiða.
Við skipulagningu námsins höfum við leitast við að
stuðla að sveigjanleika þannig að hver og einn geti valið
áherslur í Ijósi áforma um frekara nám og starf. Augljós-
lega er þetta nám enn í mótun og erum við að prófa okkur
áfram. Eftir fyrsta kennsluárið var tekin ákvörðun um að
opna námskeiðin. Nú er hægt að skrá sig í einstök nám-
skeið án þess að hafa hlotið formlega inngöngu í námið.
Hámarksfjöldi í hvert námskeið eru þó yfirleitt 15 nem-
endur og enn hefur ekki þurft að koma til fjöldatakmark-
ana. í vetur nýttu margir hjúkrunarfræðingar sér þennan
möguleika og hafa skráð sig í einstök námskeið.
Næsta vetur vonumst við til að geta fjölgað valkostum
hvað rannsóknarverkefni snertir en þá munu fleiri kennarar
bætast í hóp þeirra sem leiðbeina í lokaverkefnum. Jafn-
framt verður leitast við að fjölga valnámskeiðum innan
námsbrautarinnar og í samstarfi við aðrar deildir. [ vetur sá
Marjory White, sem var Fulbright-kennari, um námskeiðið
„Langvinn veikindi og viðfangsefni fjölskyldunnar". Herdís
Sveinsdóttir sér um námskeiðið „Heilbrigði kvenna" sem er
þverfaglegt námskeið, sótt af nemendum í Ijósmóður-
fræðum, meistaranámi í hjúkrunarfræði og nemendum í
kynjafræði. Ásta Thoroddsen hefur skipulagt námskeiðið
„Upplýsingatækni í hjúkrun". í því námskeiði er hún á
margan hátt að brjóta upp á nýmælum í námsbraut í
hjúkrunarfræði, bæði hvað varðar innihald og kennslu-
aðferðir, en stór hluti kennslunnar fer fram um netið. Þetta
námskeið er samstarfsverkefni Ástu og hjúkrunarfræðinga
í Svíþjóð og Noregi ásamt Connie Delaney sem er dósent
við háskólann t lowa í Bandaríkjunum. Vonumst við til að
geta haldið áfram að bjóða þetta námskeið á næstu árum.
í megindráttum hefur námið gengið vel og hver og einn
hefur getað sniðið það að sínum aðstæðum og áherslum.
Nemendum í fyrsta árganginum tókst að fá inngöngu í
námskeið við Hálsevárd-háskólann í Gautaborg til að
uppfylla skilyrði okkar um námsdvöl í útlöndum. Námskeiðin
þar henta afar vel því hvert námskeið tekur yfirleitt aðeins 1 -
4 vikur. Fyrir þá sem hafa möguleika á lengri námsdvöl
erlendis eru ýmsir möguleikar, s.s. í Bandaríkjunum, Eng-
landi og á Norðurlöndunum. Einn nemandi fór til University
of Minnesota og tók sumarnámskeið þar. Leitast er við að
vinna með hverjum nemanda til að finna hentugan valkost.
NEMENDUR f FYRSTA ÁRGANGI
MEISTARANÁMS í HJÚKRUNARFRÆÐI
Meistaranemandi: Ingibjörg Elíasdóttir
Leiðbeinandi: dr. Rúnar Vilhjálmsson, prófessor, náms-
braut í hjúkrunarfræði
Heiti verkefnis: Vinnuálag og heilsufar.
Rannsóknin er megindleg og byggist bæði á kenningu
Karaseks (1979/1990) um áhrif sálræns vinnuálags og
28
sjálfstjórnar í vinnu á heilsufar og á rannsóknum House og
fl. (1979) um afleiðingar fjölmargra þátta vinnuumhverfis á
heilbrigði. Tilgátan er að mikið vinnuálag og lítil sjálfstjórn í
vinnu auki kvíða, þunglyndi og líkamlega vanlíðan. Úrtakið
er vinnandi fólk, á aldrinum 18 til 65 ára, sem vinnur 20
klst. eða meira á viku og er ekki í skóla. Það var valið með
einfaldri tilviljunaraðferð úr þjóðskrá.
Meistaranemandi: Ingibjörg Hjaltadóttir
Leiðbeinandi: Margrét Gústafsdóttir, dósent, námsbraut í
hjúkrunarfræði.
Heiti verkefnis: Reynsla líkamlega fatlaðra aldraðra
einstaklinga af lífsgæðum á hjúkrunarheimili. Rannsóknin
er eigindleg.
Tilgangur rannsóknarinnar: Að kanna lífsgæði aldraðra
einstaklinga sem dvelja á hjúkrunarheimili og hvaða þættir
hafa helst áhrif á þau. Leitað verður svara við eftirfarandi
spurningum: Hvaða merkingu leggur hinn aldraði einstakl-
ingur í gæði lífs? Hvaða áhrif hefur líkamleg færni á þætti
sem tengjast lífsgæðum? Hvernig hafa aðstæður á hjúkr-
unarheimilinu áhrif á þætti sem tengjast lífsgæðum? Hvaða
áhrif hafa samskipti starfsfólks, aðstandenda og vina á
lífsgæði einstaklingsins? Hefur virkni einstaklingsins áhrif á
lífsgæði? Með því að fá svör við þessum spurningum má
varpa Ijósi á þá þætti er tengjast og geta stuðlað að
auknum lífsgæðum aldraðra á hjúkrunarheimilum. Nýjar
upplýsingar um þessa þætti og rödd þátttakenda, sem
endurspeglast í niðurstöðum rannsóknarinnar, geta því
stuðlað að bættri umönnun aldraðra á hjúkrunarheimilum.
Þátttakendur: Þátttakendur í rannsókninni verður aldrað
fólk er dvelst á hjúkrunarheimilum. Það þarf að vera
andlega skýrt og geta tjáð sig þrátt fyrir líkamlega fötlun.
Meistaranemandi: Gyða Baldursdóttir
Leiðbeinandi: dr. Helga Jónsdóttir, dósent, námsbraut í
hjúkrunarfræði.
Heiti verkefnis: Hjúkmn á bráðamóttöku: Hvaða þættir um-
hyggju finnast skjólstæðingum á bráðamóttöku skipta mestu?
Kenning Jean Watson um umhyggju er notuð sem
fræðilegur bakgrunnur rannsóknarinnar og mælitækið er
fengið frá Bandaríkjunum. Tilgangur rannsóknarinnar er að
finna hvað skjólstæðingum finnst felast í umhyggju og
hvaða þætti hennar þeir telja mikilvægasta. Með því að
afla þeirrar vitneskju er vonast til að hægt verði að bæta
þjónustu við skjólstæðinga og auka þar með ánægju
þeirra. Rannsóknin er megindleg, mælitækið er spurninga-
listi, sem sendur verður heim til skjólstæðinga bráða-
móttökunnar u.þ.b. tveimur vikum eftir útskrift af deildinni.
Úrtakið verður líklega um 300-350 manns frá 18 ára aldri.
Meistaranemandi: Sigrún Gunnarsdóttir
Leiðbeinandi: dr. Kristín Björnsdóttir, dósent, námsbraut í
hjúkrunarfræði.
Tímarit hjúkrunarfræðinga ■ 1. tbl. 76. árg. 2000