Fréttablaðið - 25.11.2017, Blaðsíða 16

www.bjarmaland.is sími 770 50 60
bjarmaland@bjarmaland.is
FRAMHALD JÓLA Í MOSKVU
4. - 8. janúar I 4 nætur
Gullni þríhyrningurinn og strandir GOA
24. mars – 4. ápril I 11 nætur
PÁSKAR Á INDLANDI
352 000
VERÐ
kr.
166 300
VERÐ
kr.
ÚT Í HEIM MEÐ OKKUR!
Dagskrá:
Staða og starfsemi Gildis
Árni Guðmundsson, framkvæmdastjóri
Látið lífeyrissjóðina okkar í friði
Þorsteinn Víglundsson, alþingismaður
Sjóðfélagar eru hvattir til að mæta.
Stjórn Gildis — lífeyrissjóðs
Hótel Reykjavík Natura, fimmtudaginn 30. nóvember kl. 17.00
Gildi–lífeyrissjóður
Sjóðfélagafundur
Lífeyrissjóður www.gildi.is
▪
▪
Egyptaland Minnst 235 eru látnir
og yfir hundrað sárir eftir að árás
var gerð á mosku í þorpinu Bir al-
Abd nyrst á Sínaískaga í Egypta-
landi í gær. Þriggja daga þjóðarsorg
hefur verið lýst yfir í landinu vegna
árásarinnar.
Árásin fór þannig fram að sprengja
sprakk við moskuna áður en fjögur
ökutæki renndu upp að henni. Út úr
þeim stigu menn sem hófu skothríð
á þá sem þar voru staddir. Talið er
að skotmark árásarinnar hafi verið
stuðningsmenn öryggissveita stjórn-
valda en þeir lágu á bæn á þeim tíma
sem látið var til skarar skríða.
Ekki liggur fyrir hverjir voru þar
á ferð en egypsk stjórnvöld hafa
frá árinu 2013 staðið í baráttu við
herskáa öfgamenn íslamista á svæð-
inu. Átökin hófust eftir að íslamist-
anum Mohamed Morsi var bolað úr
stóli forseta landsins. Að minnsta
kosti þúsund meðlimir öryggissveita
landsins hafa fallið í bardögunum.
Fjöldi fallinna vígamanna liggur
ekki fyrir.
Aukin harka hefur færst í bar-
áttuna undanfarnar vikur. Yfirlýst
neyðarástand hefur verið á Sínaí-
skaganum frá því að 31 hermaður
féll í sprengjuárás árið 2014. Þá lýsti
forseti landsins, Abdul Fattah al-Sisi,
svæðinu sem „útungunarstöð fyrir
hryðjuverkamenn“.
Engir fjölmiðlar hafa fengið
aðgang að svæðinu undanfarin ár.
Gildir það einnig um miðla í eigu
egypska ríkisins. Lítið er því að fá
um upplýsingar frá svæðinu utan
þeirra tilkynninga sem herinn
sendir frá sér.
Ef tala látinna fæst staðfest er
um að ræða mannskæðustu árás í
nútímasögu Egyptalands. Sú næst-
mannskæðasta var árásin á flugvél
Metrojet árið 2015. Flugvélin var
sprengd yfir norðanverðum Sínaí-
skaga og fórust 224 í þeirri árás.
Þá er árás gærdagsins jafnframt sú
fyrsta þar sem vígamenn ráðast á
safnaðarmeðlimi inni í mosku.
Abdel Fattah el-Sisi, forseti
Egyptalands, boðaði þjóðaröryggis-
ráðið á fund stuttu eftir árásina. Lof-
aði Sisi að bregðast við árásinni af
„mikilli hörku“.
Ýmsir þjóðarleiðtogar tóku í sama
streng og Sisi, meðal annars Donald
Trump Bandaríkjaforseti. „Hryllileg
og löðurmannleg árás á saklausa og
varnarlausa Egypta. Heimurinn má
ekki umbera hryðjuverkamenn. Við
þurfum að beita hernaðarafli gegn
þeim og afsanna þeirra öfgafullu
hugmyndafræði,“ tísti Trump.
Ahmed Aboul Gheit, leiðtogi
Arababandalagsins, fordæmdi
árásina einnig. „Hrikalegur glæpur
sem sýnir enn á ný fram á að íslam
á ekkert skylt við öfgafulla hug-
myndafræði hryðjuverkamanna.“
Jens Stoltenberg, framkvæmda-
stjóri Atlantshafsbandalagsins, var
afgerandi: „Ég fordæmi þessa villi-
mannlegu hryðjuverkaárás á mosku
á Sínaískaga. Hugur minn er hjá
öllum þeim sem árásin hefur áhrif
á og Egyptum öllum.“ Egyptaland
er ekki aðili að NATO en George H.
W. Bush útnefndi ríkið sérstakan
bandamann NATO 1989.
johannoli@frettabladid.is
thorgnyr@frettabladid.is
Þjóðarsorg í
Egyptalandi
Að minnsta kosti 235 fórust í árás á norðurhluta
Sínaískaga. Hart hefur verið barist á svæðinu frá
árinu 2013. Árásin er sú mannskæðasta í nútíma-
sögu Egyptalands. Forsetinn lýsti yfir þjóðarsorg.
Sjúkraliðar fá leiðsögn á vettvangi á Sínaískaga í gær. NordicphotoS/AFp
SimbabvE Emmerson Mnangagwa
var settur í embætti forseta Simb-
abve í gær. Tók hann þar með form-
lega við af Robert Mugabe sem sagði
af sér fyrr í vikunni eftir að herinn
hneppti hann í stofufangelsi og tók
völdin í landinu. Mugabe hafði ríkt
alla lýðveldissögu ríkisins.
Hinn nýi forseti sagði í inn-
setningarræðu sinni að hann liti á
Mugabe sem læriföður sinn. Mnang-
agwa hafði verið varaforseti Simb-
abve þar til Mugabe rak hann úr
embætti á dögunum, líklegast til
þess að styrkja stöðu forsetafrúar-
innar Grace Mugabe í baráttunni
um forsetastólinn.
Lofaði Mnangagwa Mugabe í bak
og fyrir í ræðunni þrátt fyrir það.
„Hann leiddi okkur í sjálfstæðis-
baráttunni og axlaði ábyrgð á afar
erfiðum tímum. Fyrir mér er hann
eins og faðir, lærifaðir, félagi og leið-
togi.“
Þá lofaði hann að verða forseti
allra Simbabvemanna. „Ég verð að
þjóna öllum ríkisborgurum, burtséð
frá litarhætti, trú, ættbálki eða skoð-
unum.“
Mnangagwa, oft kallaður „krókó-
díllinn“ vegna miskunnarleysis og
kænsku, er þó enginn nýgræðingur
þegar kemur að stjórnmálum. Hann
hefur verið í ríkisstjórn eða á þingi
í 37 ár, allt frá því Simbabve varð
lýðveldi.
Í umfjöllun BBC er Mnang-
agwa sagður tengjast verstu ódæðis-
verkum Mugabe-stjórnarinnar. Fór
hann meðal annars fyrir njósnadeild
ríkisstjórnarinnar á níunda áratugn-
um og átti sinn þátt í að þúsundir
almennra borgara voru drepnar.
Hann hefur þó sjálfur neitað þeim
ásökunum og sagt herinn einan hafa
staðið að árásunum. – þea
Mnangagwa lofar að þjóna öllum
Emmerson Mnangagwa, nýr forseti Simbabve. NordicphotoS/AFp
2 5 . n ó v E m b E r 2 0 1 7 l a U g a r d a g U r16 f r é t t i r ∙ f r é t t a b l a ð i ð
2
5
-1
1
-2
0
1
7

0
4
:3
1
F
B
1
1
2
s
_
P
1
1
2
K
.p
1
.p
d
f
F
B
1
1
2
s
_
P
0
9
7
K
.p
1
.p
d
f
F
B
1
1
2
s
_
P
0
0
1
K
.p
1
.p
d
f
F
B
1
1
2
s
_
P
0
1
6
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
1
E
5
2
-F
F
B
4
1
E
5
2
-F
E
7
8
1
E
5
2
-F
D
3
C
1
E
5
2
-F
C
0
0
2
7
5
X
4
0
0
.0
0
1
1
A

F
B
1
1
2
s
_
2
4
_
1
1
_
2
0
1
C
M
Y
K