Fréttablaðið - 25.11.2017, Blaðsíða 84
Formaður húsfélagsins er fyrsta skáldsaga Frið-geirs Einarssonar sem hlaut mikið lof fyrir smá-sagnasafn sitt á síðasta ári: Takk fyrir að láta mig
vita. Skáldsagan fjallar um mann
sem flytur í blokkaríbúð systur
sinnar á meðan hann kemur undir
sig fótunum. Þetta átti að vera tíma-
bundin ráðstöfun, en fyrr en varir er
húsfélagið lent á hans herðum.
Blaðamaður tók Friðgeir spjalli á
göngu í miðborginni.
Er bókin kómedía eða kannski
harmleikur? „Eiginlega bæði, eins og
lífið er kannski. Ég held það fari eftir
því hvernig þú ferð fram úr á morgn-
ana hvort þér finnst þetta fyndið eða
sorglegt. Mér finnst þetta vera bæði
fyndin og sorgleg saga. Hún fjallar
um mann sem ætlar sér kannski
ekki margt þegar sagan byrjar en
svo endar hann í þessu hlutverki og
verður formaður húsfélagsins. Sagan
fjallar um það hvernig lífið gleypir
mann.“
Þótt þetta sé þín fyrsta skáldsaga,
þá er þetta engin frumraun? „Nei, ég
gaf út smásagnasafn í fyrra en svo
hef ég starfað í leiklist í meira en
áratug. Í sjálfstæðu senunni, í leik-
hópnum Kriðpleir síðustu fimm ár.“
Um vinnuferlið segist Friðgeir
rýna vel í textann. Skrifa hluta sög-
unnar aftur og aftur þar til hann er
ánægður með þá.
„Sjálfshatrið er eitt af atvinnu-
tækjunum. Allavega fyrir mig, ég
skrifa hlutina aftur og aftur. Ég hef
lært að meta þennan eiginleika í
seinni tíð. Ég sé það stundum á verk-
um listamanna þegar þeir hafa hlíft
sér. Sérhlífni á það til að skemma
verk sem annars hefðu kannski
orðið góð.“
Segirðu þá upphátt „Nei, þessi þarf
að leggjast í meira hatur“? „Já, þessi
manneskja þarf að hata sig meira.
Það er hollt í hófi að hata sjálfan sig.“
Nú áttu eftir þig tvö útgefin verk,
eru ritstörfin að fanga þig? Er þetta
eins og að verða formaður húsfélags?
Nema í bókmenntaheimi? „Tja, ég er
allavega mættur á húsfundinn. Nei,
þetta er betra líf en það. Þetta er eitt-
hvað sem ég hef mikla löngun til
að gera. Ég barma mér yfir öðrum
hlutum, svo sem að vera fastur í
umferð, leita að tilboðsvörum í
Krónunni, gera skattskýrslur. En ég
hef aldrei sinnt formennsku í hús-
félagi reyndar.“
Er þetta að einhverju leyti ádeila
á það hvernig við lifum lífinu? „Ekki
beinlínis. Ég er að minnsta kosti ekki
að gagnrýna lög um fjöleignarhús.
Það búa frekar að baki hugleiðingar
um það hvernig lífið er. Fólk leitast
við að komast í draumafríið, finna
draumastarfið og draumaíbúðina.
Lífið á að vera ævintýri en svo er
meginþorri þess sem við gerum
frekar leiðinlegt, jafnvel óbærilegt.“
Þú varst fenginn til að gefa nem-
endum í Listaháskólanum góð ráð
við skólasetninguna í haust. Þú
gerðir það og það sló í gegn á sam-
félagsmiðlum. Varstu að tala til sjálfs
þín þegar þú varst yngri? „Það eru
margir ólíkir einstaklingar í lista-
háskólanum og mér fannst ég ekki
geta gefið eitthvert eitt ráð. Ég gaf
því nokkuð mörg.“
Þau voru hundrað!? „Já, ég tíndi
saman hundrað atriði, stór og lítil.
En öll sæmilega mikilvæg. Það er
náttúrulega ekki hægt að kenna
allt í Listaháskólanum. Mér flaug
það í hug þegar ég var að taka ráðin
saman. Ég var á sýningarferðalaginu
og týndi brottfararspjaldinu sem var
nauðsynlegt að skila inn upp á ein-
hverja fjármögnun að gera. Þetta
eru bæði praktísk atriði og ljóð-
rænni atriði. Ég var nú bara að taka
þátt í kvikmynduðu verkefni í gær
þar sem eitt ráðanna sem ég lagði
til átti við. Fólk var orðið svangt á
tökustað. Fólk verður pirrað þegar
það er svangt, mjög einfalt atriði
sem margir gleyma nú samt.“
Í öðru ráði tekur þú einmitt fram
að þegar það eru hafðar til veitingar
á tökustað hafi ekki allir smekk fyrir
majónessalötum úr Bónus? „Já, held-
ur betur og það er byggt á sannsögu-
legum atburðum. Það eru alls ekki
allir sem hafa smekk fyrir majónes-
salati úr Bónus, sér í lagi ekki þegar
fólk er að vinna frítt.“
En hvað er svona uppáhaldsráðið
þitt til nemenda á þessum lista? „Ég
nefni það að listamenn séu yfir-
höfuð ekki letingjar. Það er útbreidd
mýta sem er fjarri sanni. Það eru
alveg jafnmargir latir í stétt lista-
manna og öðrum stéttum. Svo finnst
mér líka mýtan um að listamenn
þurfi alltaf að vera fullir og dópaðir
alveg jafn lífseig. Það hentar alls ekki
öllum, þó það henti einhverjum.“
Mættur á húsfund
Ný skáldsaga Friðgeirs Einarssonar fjallar um sambýli ókunnugra,
nauðsynlegt viðhald fasteigna og margslungið tilfinningalíf íbúanna.
Hljómar hreinlega eins og umfjöllun um allra manna hversdag. Enda
takast flestir á við grámóskulega áþján og skyldur af ýmsu tagi.
„Lífið á að vera ævintýri en svo er meginþorri þess sem við gerum frekar leiðinlegt, jafnvel óbærilegt, segir Friðgeir. Fréttablaðið/SteFán
Hollráð Friðgeirs
Á skólasetningu Listaháskólans
í haust gaf Friðgeir nemendum
ráð. Hann tiltók 100 atriði sem
gætu nýst þeim. Hér eru nokkur
þeirra:
l Ef maður er stjórnandi í verk-
efni er sniðugt að gefa fólki
pásur með reglulegu millibili,
manni hættir til að gleyma sér
af því að það er svo gaman að
stjórna.
l Fagmennska er ofmetin, en
nauðsynleg upp að vissu marki.
l Það þýðir ekkert að óska sér að
eitthvað sé gott, maður verður
bara að vinna í því þangað til
það er orðið gott.
l Það er í alvöru hægt að vinna
of mikið.
l Það er hægt að undirbúa sig of
mikið.
l Það er samt miklu algengara að
fólk undirbúi sig of lítið.
l Þegar maður er að lesa upp les
maður eiginlega alltaf allt of
hratt. Maður heldur að öllum
þyki það sem maður er að
segja svo leiðinlegt.
l Stundum eru áhorfendur
með fýlusvip þó að þeim þyki
gaman.
l Frestun er alvöru vandamál.
Það er ekki til nein töfralausn
á því.
l Að koma skakkt að hlutunum
er yfirleitt áhugaverðara en að
koma beint að þeim.
l Það getur verið að ég þekki ein-
hverja lata listamenn en þau
eru ekki löt af því að þau eru
listamenn.
l Þegar maður er að biðja fólk
um að gera eitthvað ókeypis
eða fyrir lítinn pening er
sniðugt að bjóða upp á eitt-
hvað að borða.
l Þegar maður er að gera kvik-
myndað verkefni er nauðsyn-
legt að hafa mat á tökustað.
l Þegar maður er að bjóða fólki
upp á eitthvað að borða er ekki
sniðugt að kaupa það ódýr-
asta í Bónus. Mörgum finnst
Bónus samlokubrauð og Bónus
majónessalat ógeðslegt.
l Stundum er skýrara að senda
ímeil í staðinn fyrir að halda
fund.
l Stundum er skýrara að senda
ímeil í staðinn fyrir að gera
listaverk.
l List sem er gerð sérstaklega til
að vera pólitísk list er oftast
frekar fyrirsjáanleg og væmin.
Maður verður að passa sig.
Kristjana Björg
Guðbrandsdóttir
kristjana@frettabladid.is
Eyesland . Grandagarði 13 og Glæsibæ, 5. hæð . sími 510 0110 . www.eyesland.is
Frábært
verð á glerjum
Einfókus gler
Verð frá kr. 16.900,-
Margskipt gler
Verð frá kr. 41.900,-
Gleraugnaverslunin Eyesland býður mikið úrval af
gæðagleraugum fyrir krakka á góðu verði
– og þú færð frábæra þjónustu.
Verið velkomin!
Rock Star umgjarðir
kr. 11.900,-
2 5 . n ó v e m b e r 2 0 1 7 L A U G A r D A G U r36 H e L G i n ∙ F r É T T A b L A ð i ð
2
5
-1
1
-2
0
1
7
0
4
:3
1
F
B
1
1
2
s
_
P
0
9
3
K
.p
1
.p
d
f
F
B
1
1
2
s
_
P
0
8
4
K
.p
1
.p
d
f
F
B
1
1
2
s
_
P
0
2
0
K
.p
1
.p
d
f
F
B
1
1
2
s
_
P
0
2
9
K
.p
1
.p
d
f
A
u
to
m
a
tio
n
P
la
te
re
m
a
k
e
: 1
E
5
3
-2
2
4
4
1
E
5
3
-2
1
0
8
1
E
5
3
-1
F
C
C
1
E
5
3
-1
E
9
0
2
7
5
X
4
0
0
.0
0
1
4
B
F
B
1
1
2
s
_
2
4
_
1
1
_
2
0
1
C
M
Y
K