Morgunblaðið - 10.06.2017, Qupperneq 6

6 FRÉTTIRInnlent
MORGUNBLAÐIÐ LAUGARDAGUR 10. JÚNÍ 2017
Vilhjálmur A. Kjartansson
vilhjalmur@mbl.is
Dæmi eru um töluverða lækkun á
verði áfengis í verslun Fríhafn-
arinnar á Keflavíkurflugvelli að und-
anförnu, að sögn Arnars Sigurðs-
sonar, vínsala og innflytjanda hjá
Sante Wines.
„Dom Perignon-flaska sem var
seld á um 20 þúsund krónur fyrir
ekki svo löngu er komin niður í tæp-
ar 15 þúsund krónur,“ segir Arnar
sem telur að rekja megi lækkanir
Fríhafnarinnar til opnunar Costco.
„Ég hef rýnt í verð í Costco og al-
menningur er að átta sig á því hvað
er nær því að vera eðlilegt verð á
áfengi hér á landi. Þú getur rétt
ímyndað þér hvaða áhrif raunveru-
legt viðskiptafrelsi hefði á þennan
markað.“
Vísa til gengisþróunar
Spurður hvort verð Fríhafn-
arinnar, Costco og ÁTVR sé sam-
anburðarhæft segir hann eðlilegra
að horfa á muninn milli ÁTVR og
Costco.
„Í Fríhöfninni eru hvorki lagðir á
skattar né tollar. Það skekkir allan
samanburð. Milli Costco og ÁTVR
er eini munurinn að löggjafinn
treystir engum nema eigin fyrirtæki
til að selja almenningi áfengi í smá-
sölu. Annars er verðið sambæri-
legt.“
Sigrún Ósk Sigurðardóttir, að-
stoðarforstjóri ÁTVR, segir verð í
verslunum fyrirtækisins vera í hönd-
um innflytjenda, ekki verslunar-
innar.
„Innflytjendur stjórna verði á sín-
um vörum og geta breytt verðinu
einu sinni í mánuði. Við höfum ekki
orðið vör við miklar verðbreytingar
núna um mánaðamótin,“ segir Sig-
rún Ósk.
Þorgerður Þráinsdóttir, fram-
kvæmdastjóri Fríhafnarinnar, segir
verðlækkanir stafa af gengisþróun.
„Við erum ekki í samkeppni við
Costco heldur aðrar fríhafnir. Geng-
isþróun hefur því mest áhrif á vöru-
verð hjá okkur en verð byrjaði að
lækka strax um áramót,“ segir Þor-
gerður.
Telur Costco hafa áhrif á áfengisverð
 Fríhöfnin hefur lækkað verð á áfengi en vísar til gengisþróunar  ÁTVR ræður ekki eigin verði
Verðmunur á áfengi í Costco og ÁTVR
Costco ÁTVR Verðmunur
Baron De Ley Reserva 2.149 2.699 550 kr. 26%
BarefootWhite Zinfandel 1.166 1.299 134 kr. 11%
Torres Vina Sol 1.250 1.670 420 kr. 34%
Casillero del Diablo 1.417 1.950 534 kr. 38%
Campo Viejo Tempranillo 1.499 1.999 501 kr. 33%
Campo Viejo Gran Reserva 2.167 2.899 733 kr. 34%
Tanqueray No. 10 7.299 9.399 2.100 kr. 29%
Captain Morgan 6.699 7.995 1.296 kr. 19%
Jameson 5.799 6.399 600 kr. 10%
Smirnoff 4.755 7.499 2.744 kr. 58%
Dagur Rauða nefsins var í gær. Viðburðurinn er á veg-
um UNICEF, Barnahjálpar Sameinuðu þjóðanna, en
áhorfendur voru hvattir til þess að hringja í símver og
gerast heimsforeldrar. Í því felast mánaðarleg framlög
til samtakanna, sem nýtt eru þar sem þörfin er mest.
RÚV hélt úti beinni sjónvarpsútsendingu þar sem
listafólk skemmti áhorfendum og hjálpaði til í símveri,
þ. á m. Gunnar Hansson leikari, sem hér er í forgrunni.
Morgunblaðið/Ófeigur
Dagur Rauða nefsins á vegum UNICEF var í gær
Fjölmargir gerðust heimsforeldrar
Til stendur að rífa húsnæði Kárs-
nesskóla við Skólagerði í Kópavogi.
Þetta kemur fram í tillögu starfs-
hóps um húsnæðismál skólans, sem
samþykkt var í menntaráði bæjarins
á fimmtudag. Ástæðan er mygla,
rakaskemmdir og leki sem fyrir-
finnst í húsinu en að sögn Ármanns
Kr. Ólafssonar bæjarstjóra þótti
ekki svara kostnaði að ráðast í end-
urbætur á húsinu. Betra væri að rífa
það og hefjast handa við byggingu
nýs. Kársnesskóli er í tveimur bygg-
ingum. Sú myglaða við Skólagerði
hýsti áður nemendur í 1.-4. bekk en í
næstu götu, Vallargerði, eru nem-
endur 5.-10. bekkjar.
Bæjaryfirvöld hafa þegar fest
kaup á 12 færanlegum kennslu-
stofum sem komið verður fyrir á lóð
skólans við Vallargerði, og stefnt er
að því að kaupa átta til viðbótar.
Kostnaðurinn við hverja kennslu-
stofu er á bilinu 25-30 milljónir
króna. agunnar@mbl.is
Kársnes-
skóli verð-
ur rifinn
Morgunblaðið/Eggert
Myglaður Kársnesskóli í Kópavogi.
 Mygla í húsinu
„Það er alveg ljóst að þessar hertu ör-
yggisreglur eru að gera mjög mikið,“
segir Einar Á. E. Sæmundsen,
fræðslufulltrúi hjá þjóðgarðinum á
Þingvöllum, en umtalsverð fækkun
hefur orðið á ferðum kafara í Silfru.
Er það afleiðing nýju hertu örygg-
isreglnanna sem tóku gildi í mars sl.
„Ég hef heyrt tölur um 30-40% fækk-
un,“ segir Einar og bætir við: „Regl-
urnar hafa í raun náð því markmiði
sínu að tryggja að þeir sem fari þarna
niður séu með þekkingu og reynslu til
þess að kafa.“
Hertu öryggisreglurnar felast m.a.
í því að fækka köfurum á hvern leið-
sögumann, setja skilyrði um reynslu
af köfun í þurrbúningi, að krefjast
læknisvottorðs um líkamlegt og and-
legt heilbrigði og krafa um að kafarar
séu syndir. „Köfun er náttúrulega
áhættuiðja og við getum aldrei úti-
lokað nein slys,“ segir Einar.
„Það er hins vegar alveg öruggt að
nýju reglurnar hafa gríðarlega mikið
að segja.“
Að sögn Einars hafa ekki orðið
nein slys svo hann viti af sem hafa
ratað til Neyðarlínunnar síðan örygg-
isreglurnar voru hertar.
Í síðustu viku var sett af stað verk-
efni þar sem úttekt er gerð á öllum
fyrirtækjum sem bjóða upp á köfun í
Silfru.
„Við höfum unnið að verklagi þar
sem við vinnum með neyðarviðbrags-
aðilum og fagmönnum í köfun sem
munu núna í sumar, fram til lok
ágúst, gera tilviljunarkenndar úttekt-
ir við Silfru. Þeir munu fara yfir gát-
lista og ganga úr skugga um að fyr-
irmælum sé fylgt,“ segir Einar.
„Reglurnar hafa komið ágætlega
út og fækkað óhöppum,“ segir Héð-
inn Ólafsson, eigandi DiveIceland-
.com, en hann hefur í 16 ár boðið upp
á köfun í Silfru.
„Við höfum vissulega tekið eftir
fækkun hjá okkur, þar sem gerðar
eru meiri kröfur til kafara,“ bætir
Héðinn við. urdur@mbl.is
Slysum fækkar við Silfru
 Umtalsverð
fækkun á köfurum
vegna nýrra reglna
Morgunblaðið/Ómar
Köfun Hertar öryggisreglur við
köfun í Silfru hafa reynst vel.
Spár gera ráð fyrir góðu veðri, sér-
staklega sunnan- og vestanlands,
um helgina. Veðurfræðingur á
Veðurstofu Íslands gerir ráð fyrir
smá norðangolu en birtu og hita
þegar Ísland tekur á móti Króatíu á
Laugardalsvelli á sunnudagskvöld.
„Horfurnar fyrir morgundaginn
eru góðar,“ sagði Hrafn Guðmunds-
son, veðurfræðingur á Veðurstofu
Íslands, í samtali við mbl.is.
„Á morgun er norðaustlæg átt í
kortunum, rólegur vindur nema
kannski seinni partinn. Yfirleitt er
úrkomulítið og það gæti sést til sól-
ar, mest hér vestanlands en einnig á
Norðurlandi,“ segir Hrafn.
„Hitinn gæti farið upp í 16 gráður
þar sem best lætur,“ en spár gera
ráð fyrir besta veðrinu suðvestan
til.
Það verður eitthvað hvassara á
sunnudag, þungbúið á Norður- og
Austurlandi en úrkomulítið. „Það
verður bjart sunnan- og vestanlands
og þar verður besta veðrið.
Hitinn gæti farið upp í 17 gráður
þar, en það verður mun svalara
norðanlands.“
Hrafn gerir ráð fyrir norðangolu
þegar Ísland tekur á móti Króatíu í
undankeppni HM í knattspyrnu
karla á sunnudagskvöld en leik-
urinn hefst klukkan 18.45 á Laug-
ardalsvelli. „Það verður bjart og
milt og hitinn ætti að ná alveg 15
gráðum, þannig að þetta verður
ágætisveður.“
Hlýindin
halda áfram
inn í helgina
 Spáð góðu veðri
fyrir landsleikinn