Morgunblaðið - 30.11.2017, Side 50

50
MORGUNBLAÐIÐ FIMMTUDAGUR 30. NÓVEMBER 2017
„Hornið er fjölskyldufyrirtæki. Ég
lauk námi í matreiðslu á Hótel Sögu
og fór svo ásamt konu minni til
Danmerkur. Þar starfaði ég í nokk-
ur ár, meðal annars á ítölskum veit-
ingastöðum á Strikinu í Kaup-
mannahöfn. Ég hitti Guðna
Erlendsson frænda minn þarna úti
og við ræddum möguleika á að opna
ítalskan matsölustað þegar við
kæmum heim til Íslands. Guðni rak
Hornið með mér í fáein ár en svo
flutti hann til Danmerkur,“ segir
Jakob H. Magnússon sem á og rek-
ur þennan vinsæla stað ásamt konu
sinni Valgerði Jóhannsdóttur og
börnum þeirra Ólöfu, Hlyn Sverri
og Jakobi.
„Hornið var fyrsti staðurinn í
Reykjavík sem bauð upp á ítalskan
matseðill. Við fengum léttvínsleyfi –
en ekki mátti veita vín milli klukkan
13.00 og 15.00 á miðvikudögum.
Campari var þá það sterkasta sem
féll undir slíkt leyfi, síðar fengum
við fullt vínveitingaleyfi.
Sáralítið var um veitingastaði í
Reykjavík þegar við opnuðum
Hornið og þóttu það því töluverð
tíðindi. Okkur Guðna leist vel á
staðsetninguna hér í Hafnarstræti
15. Við innréttuðum húsnæðið í
samræmi við hugmyndir okkar og
staði í Kaupmannahöfn sem buðu
upp á ítalskan matseðil.
Hornið þótti nýjung og varð fljót-
lega vinsæll staður, ekki síst fyrir
fjölskyldufólk. Margir þekktu þá lítt
til ítalskrar matseldar, höfðu t.d.
aldrei smakkað lasagne, spaghetti
bolognese né pizzur – en voru fljótir
að komast á bragðið. Merkilegt
þótti að geta horft á bakarana mat-
reiða pizzurnar. Ennþá eru hér rétt-
ir sem voru á fyrsta matseðlinum,
svo sem þeir fyrrnefndu og einnig
djúpsteiktur Camembert og sniglar.
Hér áður var stundum erfitt að fá
sniglana. Ég keypti þá frá Dan-
mörku. Nú er hægt að fá allt sem
maður vill, hráefnisúrvalið hefur
breyst mikið.“
Ítalskt kaffi og djassmúsik
Hornið bauð frá byrjun upp á
ítalskt kaffi – einn staður í Reykja-
vík bauð þá upp á slíkt – Mokka-
kaffi. Við komum með stóra, ítalska
kaffivél – það þótti flott. Stundum
þurfti ég að fara til útlanda eftir
varahlutum í vélina. Fyrst keyptum
við sjálfir kaffibaunir – nú er allt
slíkt löngu liðin tíð.
Fyrstu áratugina voru Íslend-
ingar í meirihluta viðskiptavina, út-
lendingar voru nánast eingöngu á
ferli í miðbænum yfir sumartímann.
Það hefur aldeilis breyst. Ég er í
sveinsprófsnefnd í matreiðslu og sé
ég þar margar nýjungar.“
Hornið hefur, að sögn Jakobs, frá
upphafi gengið mjög vel og gerir
enn. „Fólk er að koma og fara allan
daginn frá því opnað er klukkan
11.00 morgnana og fram til þess að
lokað er á kvöld klukkan 23.30,“
segir hann.
„Við eigum marga fasta við-
skiptavini sem koma hingað að stað-
aldri. Sem dæmi má nefna fjóra fé-
laga sem koma hingað á
þriðjudögum í hádeginu og sitja þá
jafnan við sama borðið. Þeir eru
fastheldnir á þá rétti sem þeir
borða og fá alltaf frítt kaffi í kaup-
bæti upp á gamlan og góðan vin-
skap.“
Samtalið við Jakob fer fram í sal
við hliðina á aðalsalnum. „Þessi sal-
ur bættist við seinna. Einnig höfum
við um langt árabil rekið Djúpið hér
niðri, þar hafa verið sýningar og
fleira, í þó nokkur ár var þar Jass-
búlla,“ segir Jakob og brosir. Hann
segist enn reka Djúpið og hafa þar
„pínulitla grasrótarmúsik“ – eins og
hann orðar það.
Hvað um breytingarnar sem hafa
orðið í miðbænum?
„Mér líka þær vel. Það hefur ver-
ið skemmtilegt að fylgjast með þró-
uninni í veitinga- og hótelbrans-
anum á síðustu árum og það eru að
koma íbúðir hérna í nágrenninu –
fyrir utan allt annað. Eitt hefur þó
ekki breyst – Hornið er ennþá mik-
ill fjölskyldustaður. Við lögðum upp
með að hafa Hornið fremur ódýran
stað og höfum fylgt þeirri stefnu.
Ég er enn að vinna hérna á Horn-
inu og er vel sáttur við það lífsstarf
sem ég valdi mér. Á Horninu er enn
allt með ítölskum blæ, ég var um
tíma á Ítalíu til að læra málið og hef
haft ítalskt starfsfólk. Nágrennið
hefur verið mikið endurnýjað, svo
sem Hafnarstrætið. Gaman verður
að fá glæsilegt hótel hér á hafn-
arbakkann. Mikið skjól hefur skap-
ast af nýbyggingunum og gott að
geta boðið fólki að borða og fá sér
kaffi hér fyrir utan á sumrin. Horn-
ið er löngu orðið einn af horn-
steinum gamla miðbæjarins – „hér
hefur ekkert breyst“, segja gamlir
kúnnar gjarnan og eru ánægðir með
það.“
gudrunsg@gmail.com
Stofnun Þeir eru fáir veitingastaðirnir í Reykjavik sem eru jafn rótgrónir
og Hornið. Margir eiga góðar minningar þaðan og eiga sína uppáhaldsrétti.
Morgunblaðið/Kristinn Magnússon
Breytingar „Margir þekktu þá lítt til ítalskrar matseldar, höfðu t.d. aldrei smakkað lasagne, spaghetti bolognese né
pizzur – en voru fljótir að komast á bragðið,“ segir Jakob um matarmenningu borgarinnar þegar staðurinn opnaði.
Kunnuglegt Að innan hefur veitingastaðurinn alltaf þótt einstaklega notalegur. Ítalskur sjarminn leynir sér ekki og gerir ljúffengar máltíðirnar þeim mun ánægjulegri.
Veitingastaðurinn Hornið ber sannarlega nafn
með rentu enda vel staðsettur á horni Hafn-
arstrætis og Pósthússtrætis. Eigandinn man
tímana tvenna í miðbænum þar sem flest
hefur breyst – nema staðurinn hans.
Hornið er vinsæll fjölskyldustaður
MIÐBORGIN
SÖLUAÐILAR
Reykjavík: Gullbúðin Bankastræti 6 s:551-8588 | Gullúrið Mjódd s: 587-410 | Meba Kringlunni s: 553-1199
Michelsen Úrsmiðir Kringlunni s: 511-1900 | Michelsen Úrsmiðir Laugavegi 15 s: 511-1900
Kópavogur: Klukkan, Hamraborg 10 s: 554-4320 | Meba Smáralind s: 555-7711
Hafnarfjörður: Úr & Gull Firði-Miðbæ Hafnarfjarðar s: 565-4666
Keflavík: Georg V. Hannah, úrsmiður Hafnargötu 49 s: 421-5757 | Akureyri: Halldór Ólafsson úrsmiður Glerártorgi s: 462-2509
Akranes: Guðmundur B. Hannah, úrsmiður Suðurgötu 65 s: 431-1458 | Egilsstaðir: Klassík Selási 1 s:471-1886
Selfoss: Karl R. Guðmundsson, úrsmiður Austurvegi 11 s: 482-1433 | Vestmannaeyjar: Geisli Hilmisgötu 4 s: 481-3333