Morgunblaðið - 17.05.2018, Síða 32

32 FRÉTTIRInnlent
MORGUNBLAÐIÐ FIMMTUDAGUR 17. MAÍ 2018
BAKSVIÐ
Sigtryggur Sigtryggsson
sisi@mbl.is
Umhverfis- og skipulagsráð
Reykjavíkur hefur tekið neikvætt í
tillögu um uppbyggingu á Miðbakka
við Gömlu höfnina í Reykjavík. Mið-
bakki er í hjarta hafnarinnar, fyrir
framan Hafnarhúsið og Hafnarhvol.
Það voru PKdM Arkitektar ehf.
sem lögðu fram fyrirspurnina fyrir
hönd Geirsgötu 11 ehf. sem er félag
í eigu Guðmundar Kristjánssonar,
forstjóra Brims hf. Það félag á sam-
nefnda húseign, Geirsgötu 11.
„Það er mat skipulagsfulltrúa að
þó svo að götusýn við Geirsgötu geti
vel tekið á sig breytta mynd með
frekari uppbyggingu við götuna þá
sé hér verið að sýna of mikið bygg-
ingarmagn,“ segir í umsögn skipu-
lagsfulltrúa Reykjavíkur um fyrir-
spurnina.
Húsið á Geirsgötu 11 var byggt
árið 1982. Þar voru fyrst vöru-
geymslur Ríkisskipa, en síðar var
þar fiskvinnsla Jóns Ásbjörnssonar
hf. og Fiskkaupa hf. sem seldu
Brimi hf. húsið. Það hefur staðið að
mestu autt undanfarið og var farið
að láta á sjá. Húsið var málað fyrir
fáeinum árum.
„Fjölsóttur áfangastaður“
„Markmiðið er að Miðbakki verði
að öflugu sjálfbæru borgarumhverfi
og vinsæll fjölsóttur áfangastaður í
miðborginni þar sem fjölbreytt
starfsemi þrífst með vönduðu mann-
gerðu umhverfi í góðri tengingu við
höfnina og náttúruna og skapi sér
þar með sérstöðu sem spennandi
staður, fullur af iðandi mannlífi og
nýjum tækifærum,“ segir m.a. í hug-
myndum PKdM að nýju deiliskipu-
lagi fyrir Miðbakkann. Þarna verði
fjölbreytt hefðbundin hafnarstarf-
semi með áherslu á þjónustu við
skemmtiferðaskip, fiskiskip og báta,
menningarstarfsemi og ferðaþjón-
ustu. Verslun og þjónusta og hótel
og veitingastaðir séu heimil á þessu
svæði.
Hugmyndin er að rífa Geirsgötu
11 og í staðinn rísi fjölnota hús sem
m.a. nýtist fyrir móttöku og aðkomu
farþegaskipa og tengda þjónustu.
Einnig sem upplýsinga- og þjónustu-
miðstöð ásamt markaðstorgi fyrir
fjölbreytta viðburði árið um kring,
s.s. tónleika, fiskimarkað og sýning-
arsvæði í góðri tengingu við nálæg
útisvæði. Vitinn, nýr áfangastaður
fyrir borgarbúa sem og ferðamenn,
verði kennileiti í borginni. Hann
muni draga fólk að svæðinu og skapa
ramma fyrir nýjar upplifanir.
Alls gerir hugmyndin ráð fyrir sjö
nýbyggingum, tveimur stærri hús-
um og fimm minni. Byggingamagn
ofanjarðar var áformað 20.500 fer-
metrar og bílageymsla og bygg-
ingamagn neðanjarðar 7.460 fer-
metrar, eða alls 27.760 fermetrar.
Nýtingarhlutfall ofanjarðar 2,75.
Við Geirsgötu áttu nýbygging-
arnar á Miðbakka að taka mið af
byggingarstíl og skala gamalla pakk-
húsa, vöruhúsa og fiskvinnsluhúsa
við höfnina til þess að styrkja sam-
ræmda götumynd Geirsgötu og
skapa samhengi milli sögunnar og
umhverfisins og brú á milli fortíðar
og framtíðar.
Hafnarkanturinn átti ávallt að
vera aðgengilegur almenningi. Að-
gangur að skemmtiferðaskipum
verði með hjálp landgöngubrúa frá
þjónustumiðstöð og frá nýrri
bryggju/flotbryggju.
Fyrir liggur rammaskipulag fyrir
Miðbakkann og Faxaflóahafnir hafa
látið vinna deiliskipulag. Þar er gert
ráð fyrir að byggingamagn fyrir
Geirsgötu 11 verði óbreytt. Gísli
Gíslason hafnarstjóri segir að í til-
lögum PKdM sé byggingamagn of
mikið auk þess sem tilllagan geri ráð
fyrir framkvæmdum út fyrir lóða-
mörk.
Hugmynd að skipulagi hafnað
 Skipulagsyfirvöld borgarinnar tóku neikvætt í tillögu um uppbyggingu á Miðbakka við Gömlu
höfnina  Byggingamagn talið of mikið  Ráðgerðu menningarstarfsemi, hafna- og ferðaþjónustu
Tölvumynd/PKdM
Miðbakkinn Húsin sjö sem hugmyndin gekk út á eru fremst á hafnarbakkanum. Þau áttu taka mið af byggingarstíl húsa sem fyrir eru við höfnina.
Morgunblaðið/Eggert
Geirsgata 11 Húsið var byggt árið 1982 og var upphaflega vöruskemma
Ríkisskipa. Um árabil verkaði Jón Ásbjörnsson saltfisk í húsinu.
eftir fundinn en þá var komið annað
hljóð í strokkinn og hann taldi hug-
myndina ekki ganga upp lengur.
„Þetta er okkar upphaflega hug-
mynd að tengja sjávarútveginn við
ferðamennina og leyfa þeim að borða
Þetta er ekki í fyrsta skipti sem rætt
hefur verið um að hleypa meiri lífi í
umrætt svæði á Miðbakkanum.
Á fundi stjórnar Faxaflóahafna 7.
febrúar 2014 var hugmynd Brims hf.
að breyttri nýtingu og breyttu útliti
hússins Geirsgata 11 tekin fyrir en í
henni var gert ráð fyrir að í húsinu
yrði fiskvinnsla, sýningarrými fyrir
almenning um sjávarútveg, fiskmark-
aður og útimarkaður, skrifstofur fyr-
irtækisins, veitingasala og aðstaða
fyrir sjóstangveiðifólk. Hafnarstjórn-
in tók jákvætt í tillöguna um breyt-
ingar á húsinu og lýsti sig reiðubúna
til viðræðna um framhald málsins,
samkvæmt fundargerð stjórnarinnar.
Morgunblaðið ræddi við Guðmund
Kristjánsson í Brimi nokkrum dögum
það sem kemur úr hafinu. En með
nýjasta skipulagi Reykjavíkurborgar
þar sem á að fylla alla höfnina af
íbúðablokkum þá verður engin fisk-
vinnsla eða útgerð í höfninni,“ sagði
Guðmundur í viðtalinu.
Margþætt Svona átti Geirsgata 11 að líta út samkvæmt hugmyndum 2014.
Starfsemi tengd vinnslu á fiski
 Eigandinn hætti
við áformin 2014
Rauðagerði 25 · 108 Reykjavík · Sími 440 1800 · www.kaelitaekni.is
Okkar þekking nýtist þér
Þín eigin skrifborðskæling!
Stjórnaðu hitastiginu við
vinnustöðina þína.
Kælitæki, rakatæki og lofthreinsitæki,
allt í einu tæki. Til í hvítu og svörtu.
Kynningarverð aðeins kr. 37.227 m.vsk.