Morgunblaðið - 24.05.2018, Blaðsíða 4

4 FRÉTTIRInnlent
MORGUNBLAÐIÐ FIMMTUDAGUR 24. MAÍ 2018
Smiðjuvegi 2, Kópavogi - www.grillbudin.is - Sími 554 0400
Grillbúðin
Frá Þýskalandi
Nr. 12952 - Án gashellu - Svart
79.900
Opið virka daga 11-18
Laugardaga 11-16
•Afl 10,5 KW
• 3 brennarar
• Brennarar úr ryðfríu stáli
• Postulínsemalerað eldhólf
• Grillgrindur úr pottjárni
• PTS hitajöfnunarkerfi
• Kveikja í öllum tökkum
• Tvöfalt einangrað lok
• Stór posulínshúðuð efri grind
• Hitamælir
• Auðveld þrif - Bakki fyrir fitu
undir öllu grillinu
• Grillflötur 65 x 44 cm
Niðurfellanleg
hliðarborð
Vönduð
yfirbreiðsla fylgir
l i
Þýsk gæði
í yfir 50 ár
reykur var greinilega farinn að sjást
út um glugga hjá okkur. Þegar þeir
urðu varir við mig á ganginum hlupu
þeir af stað.“
Slökkviliðsmenn komu fljótlega á
staðinn og réðu niðurlögum eldsins í
eldhúsinu. Þar er allt gjörónýtt. Hiti
var gífurlegur, allt plast bráðnaði
eins og nærri má geta og eiturgufur
mynduðust í íbúðinni. Segir Helgi
Freyr þau feðgin því mjög heppin að
hafa komist út í tæka tíð.
Altjón, sem svo er kallað, varð í
íbúðinni, fjölskyldan missti því nán-
ast allt sitt og býr nú heima hjá föð-
urömmu Helga Freys.
Einstaka hlutir sem voru inni í
skápum niðri við gólf virðast hafa
sloppið, annað ekki. „Allt fyrir ofan
hnéhæð er kolsvart.“
Mátti ekki tæpara standa
Lögregluþjónninn komst fljótt
upp á þriðju hæð. „Við vorum leidd
niður á fyrstu hæð til nágranna, þar
sem við vorum í eina tvo tíma á með-
an slökkviliðið var að vinna í íbúð-
inni. Þegar pabbi og mamma komu
heim úr vinnunni sáu þau því alla
íbúa hússins nema okkur tvö, sem
var þeim mikið áfall.“
Helgi Freyr þorir ekki að hugsa
þá hugsun til enda hefði dóttir hans
ekki tekið upp á því að troða kexi
upp í föður sinn þennan föstudags-
morgun. „Ég veit bara að við vorum
mjög heppin. Ég hefði hugsanlega
ekki vaknað í tæka tíð nema vegna
þess að hún gerði þetta.“
koma sjálfum mér í gang. Það fyrsta
sem ég sé á leiðinni á klósettið er að
eldhúsið stendur í ljósum logum.“
Helga brá illilega í brún. „Ég sá
að ástandið var orðið þannig að ég
gat ekkert gert. Eldurinn var allt of
mikill.“
Sú litla hafði fiktað í eldavélinni,
kveikt á hellu og við það kviknaði í
pítsukassa sem þar var. Á bekknum
við hlið eldavélarinnar var djúp-
steikingarpottur, eldur komst í hann
og þess vegna varð ástandið jafn
slæmt og raun ber vitni, að sögn
Helga Freys.
„Ég greip stelpuna, reif af henni
símann, stökk með hana út úr íbúð-
inni og náði að hringja í 112. Af
ganginum framan við íbúðina sé ég
yfir á lögreglustöðina þar sem tveir
lögregluþjónar voru í glugganum;
Skapti Hallgrímsson
skapti@mbl.is
Helgi Freyr Sævarsson og Aþena
Rós, þriggja ára dóttir hans, sluppu
naumlega út af heimili sínu á Akur-
eyri þegar eldur kviknaði þar að
morgni síðasta föstudags. Fyrstu
fréttir hermdu að enginn hefði verið
heima þegar eldurinn varð laus, en
svo var aldeilis ekki.
Feðginin búa ásamt foreldrum
Helga á þriðju hæð fjölbýlishúss við
Helgamagrastræti, næsta húss ofan
við lögreglustöðina.
Þegar Helgi Freyr varð eldsins
var greip hann dóttur sína og hljóp
út. Hann var nýlega vaknaður og á
nærbuxum einum fata.
Tróð kexi upp í pabba sinn
„Ástæðan fyrir því að við vorum
bæði heima er að sú litla átti tíma
hjá lækni um tíuleytið,“ segir hann.
Foreldrar Helga héldu til vinnu
laust fyrir klukkan átta. „Sú litla
hafði laumast fram um nóttina og
skriðið upp í hjá þeim. Mamma og
pabbi vöktu mig áður en þau fóru en
þar sem Aþena Rós var steinsofandi
lagði ég mig aftur. Ég vaknaði svo
við að hún var að troða kexi upp í
mig. Þá áttaði ég mig á því að hún
hefði verið frammi að dunda sér,
eins og hún gerir stundum; hún fer
stundum fram án þess að vekja mig.
Við spjölluðum saman smástund í
rúminu, ég set svo Latabæ í gang í
símanum hennar og fer fram til að
Morgunblaðið/Skapti Hallgrímsson
Sluppu naumlega Helgi Freyr Sævarsson og þriggja ára dóttir hans, Aþena Rós, á heimili ömmu Helga í gær.
Vorum mjög heppin
 Sluppu naumlega úr brennandi íbúð  Helgi Freyr Sæv-
arsson hljóp út á brókinni með þriggja ára dóttur í fanginu
Morgunblaðið/Skapti
Eldur Slökkviliðið að störfum í fjöl-
býlishúsinu við Helgamagrastræti.
Kosið er til sveitarstjórna næstkom-
andi laugardag og segir Helga Björk
Laxdal, skrifstofustjóri borg-
arstjórnar, allan undirbúning ganga
vel í Reykjavík. „Það má segja að við
séum orðin vel sjóuð í þessu og því
gengur þetta allt saman mjög vel,“
segir hún í samtali við Morg-
unblaðið.
Alls eru nú 16 framboð til borg-
arstjórnar og verður kjörseðillinn af
þeim sökum í lengri kantinum. „Það
þurfti smá tilfæringar út af kjörseðl-
inum – hann er það stór. En við er-
um hins vegar búin að taka þetta allt
saman út, sjá hvort seðillinn komist
ekki örugglega fyrir á borði inni í
kjörklefa og svo ofan í kassanum.
Þetta á því allt saman að ganga
upp,“ segir Helga Björk og bætir við
að ekki hafi verið þörf á því að
minnka letur á seðlinum þrátt fyrir
fjölda framboða.
Þá segir hún kjörseðilinn vera tví-
brotinn. „Aðalvandamálið við stærð-
ina er umfang og þyngd seðlanna.
Það þarf því að hafa það í huga þeg-
ar verið er að afhenda kjörgögnin.“
Fundað með starfsfólkinu
Í gær var haldinn stór kynningar-
fundur fyrir þá sem standa munu
vaktina á kjördag og er áformað að
halda annan sambærilegan fund
með starfsfólki í dag. „Við gerum
ráð fyrir því að allt muni ganga vel á
laugardag. Utankjörfundaratkvæði
verða svo flokkuð í Ráðhúsinu á
föstudag – allt samkvæmt venju,“
segir hún. khj@mbl.is
Undirbúning-
ur gengur vel
 Kjörseðillinn í Reykjavík langur og
tvíbrotinn en kemst þó fyrir á borði
Morgunblaðið/Eggert
Lýðræði Alls eru 16 flokkar sem
nú bjóða fram í höfuðborginni.
Helgi Bjarnason
helgi@mbl.is
Sveitarstjórn Skagafjarðar hefur fall-
ið frá lagningu Blöndulínu 3 á svo-
nefndri Efribyggðarleið og leggur í
staðinn fram tillögu um að nýja
byggðalínan fari um svonefnda
Héraðsvatnaleið. Tillaga sveitar-
stjórnar er til athugunar hjá Skipu-
lagsstofnun og verður síðar send til
umsagnaraðila og auglýst opinber-
lega.
Blöndulína 3 á að liggja frá Blöndu-
virkjun til Akureyrar. Byggðalínan á
þessari leið er orðin veik og á öflugri
raflína að bæta úr. Hugmyndir
Landsnets um línustæði mættu mik-
illi andstöðu í Skagafirði og hluta
Eyjafjarðar og hefur þess verið kraf-
ist að hún verði lögð í jörðu. Landsnet
telur ekki tæknilega möguleika á
nema stuttum spotta af jarðstreng á
þessari leið.
Sveitarfélagið Skagafjörður hefur
undanfarna mánuði unnið að breyt-
ingum á aðalskipulagi til að koma
Blöndulínu 3 inn á skipulag. Í vinnslu-
tillögu voru kynntir báðir eldri kost-
irnir, Efribyggðarleið og Héraðs-
vatnaleið og að auki Kiðaskarðsleið.
Samanburður á kostum
Eftir ítarlega rannsókn og saman-
burð á kostunum varð það niðurstaða
sveitarstjórnar Skagafjarðar að fara
Héraðsvatnaleið. Allir fulltrúar í
sveitarstjórn samþykktu það nema
fulltrúi Vinstri grænna, sem sat hjá.
Viggó Jónsson, formaður skipulags-
og byggingarnefndar, segir að vatns-
vernd og gróður á efri leiðinni hafi
ráðið mestu um að ákveðið var að fara
neðri leiðina. Hún er að miklu leyti í
farvegi Héraðsvatna. Ákveðið var að
leggja jarðstreng á um 3 km kafla þar
sem línan þverar Skagafjörð, frá Hús-
eyjarkvísl norðan Saurbæjar og aust-
ur fyrir Vindheima. Viggó viðurkenn-
ir að raflínan muni blasa við veg-
farendum um hringveginn. Í því tilliti
hefði verið betra að fela hana með
fjöllunum á Efribyggðarleið. Hann
tekur fram að ný sveitarstjórn muni,
að fengnum umsögnum, ákveða end-
anlega línuleið.
Tillaga um raflínu við Héraðsvötn
 Sveitarstjórn Skagafjarðar fellur frá áformum um að Blöndulína 3 verði á Efribyggð  Tillaga um
Héraðsvatnaleið er til skoðunar hjá Skipulagsstofnun og síðan verður auglýst eftir athugasemdum
Aukið öryggi
» Með Blöndulínu 3 eykst af-
hendingaröryggi raforku á
Norðurlandi til muna. Línan er
með 220 kV spennu, mun öfl-
ugri en núverandi byggðalína.
» Jafnframt er fyrirhugað að
byggja nýtt tengivirki í Varma-
hlíð og leggja rafstreng í jörðu
til Sauðárkróks.
Á kjördag, næstkomandi laugar-
dag, má búast við talsverðri
rigningu á sunnan- og vestan-
verðu landinu, samkvæmt upp-
lýsingum frá Veðurstofu
Íslands. Norðaustanlands gera
veðurfræðingar ráð fyrir hægri
suðaustlægri átt og skýjuðu
veðri eftir hádegi. Ekki er þar
gert ráð fyrir mikilli úrkomu.
Hiti verður víða á bilinu 8 til 12
stig, en 12 til 17 stig norðaust-
antil á landinu.
Víða gert ráð
fyrir rigningu
KOSNINGAVEÐUR