Morgunblaðið - 24.05.2018, Blaðsíða 59

Kæra Marta María.
Ég er aðeins að vesenast.
Mig vantar gluggatjöld í
svefnherbergið. Einhverjir
myndi ráðleggja mér að
láta sérsníða rúllugardínu
úr myrkraefni en mig lang-
ar í meiri hlýleika. Ég er
búin að mála herbergið í
gráum tón sem ég er ánægð
með. Hverju myndi Smart-
land mæla með? Hvernig
gluggatjöld á ég að fá mér?
Kveðja, XX
Sæl XX.
Það er hægt að fara ýms-
ar leiðir þegar kemur að
gluggatjöldum. Mestu máli
skiptir að þú veljir þér
gardínur fyrir þig og sért
ekki að hugsa um hvað öðr-
um finnst. Hörgardínur
hafa verið ákaflega vinsæl-
ar en hérlendis er hægt að
fá þær til dæmis í IKEA og
kosta þær ekki mjög mikið.
En svo er líka hægt að fá flottar myrkragardínur í Rúmfatalagernum eða
láta sérsauma þær í Vogue eða Z-brautum og gluggatjöldum. Ég myndi velja
gardínur sem eru nánast í sama lit og veggurinn eða allavega í sama litatóni.
Þær mega vera aðeins dekkri eða aðeins ljósari. Kannski hefði verið betra að
velja lit á herbergið og gluggatjöld á sama tíma en fyrst þú ert búin að mála
þá þýðir ekki að spá í því. Nema þú nennir að mála aftur!
Það að kaupa gardínur og efni og kappa til að setja í loftið er hagkvæm
lausn. Hún er líka hagkvæm að því leytinu til að þú getur tekið gluggatjöldin
með þér ef þú flytur. Hér eru nokkrar myndir þar sem gluggatjöld eru notuð
á sjarmerandi hátt.
Gangi þér sem allra best.
Kveðja, Marta María
Hvernig gluggatjöld á ég að velja?
Tvær tegundir Það er alltaf fallegt að blanda saman tveimur
tegundum af gardínum. Annars vegar þunnum ljósum glugga-
tjöldum og hinsvegar örlítið þyngri sem koma yfir. Með þessu
sést minna inn til fólks en birtan flæðir inn í herbergið.
Sami litur Það er fallegt að hafa gluggatjöldin í sama lit
og veggurinn, bara í örlitið ljósari tón.
Hör Gluggatjöld úr hörefni hafa notið mikilla vinsælda
upp á síðkastið. Þau er hægt að fá til dæmis í IKEA.
Sniðugt Ef það er lítið pláss má alltaf nota
gardínur til að stúka herbergi af.
Í hverri viku berast spurningar frá lesendum Smart-
lands sem vantar ráð varðandi heimili sitt. Hér kem-
ur spurning frá konu sem er týnd í frumskógi glugga-
tjaldanna og veit ekki hvað hún á að velja. Farðu inn á
Smartland-heimili á Facebook til að sjá fleiri spurn-
ingar og svör og fá góðar hugmyndir fyrir heimilið.
MORGUNBLAÐIÐ FIMMTUDAGUR 24. MAÍ 2018
Laugavegi 178 | 105 Reykjavík | sími 551 3366 | www.misty.is