Morgunblaðið - 24.05.2018, Blaðsíða 43

Íbúar í Reykjavík voru 126.041 þann 1. janúar 2018.
Útvarsprósentan í borginni er 14,52%.
606 frambjóðendur eru á þeim 16 listum sem bjóða fram í Reykjavík,
en 23 munu taka sæti sem borgarfulltrúar eftir kosningar.
Kjörsókn í sveitarstjórnarkosningunum árið 2014 var 62,9%.
Reykjavík
MORGUNBLAÐIÐ FIMMTUDAGUR 24. MAÍ 2018
Alexander Gunnar Kristjánsson
alexander@mbl.is
Bættar almenningssamgöngur og
áhyggjur af húsnæðismarkaðnum eru
þau mál sem helst brenna á ungum
kjósendum í Reykjavík sem blaða-
maður tók tali í Háskóla Íslands.
„Það er bara mjög fínt að vera
ungur í Reykjavík,“ segir Arnór Jó-
hannsson, 21 árs háskólanemi úr
Laugardalnum. Stutt sé í alla þjón-
ustu og skólann, auk þess sem borg-
inni takist að hafa nokkurs konar
stórborgarblæ yfir sér án þess þó að
vera jafn yfirþyrmandi og alvöru
stórborgir. „Reykjavík kemst upp
með að hafa svo lítið, en vera samt al-
veg nógu góð,“ segir Arnór sposkur.
Hann býr í foreldrahúsum og sér
ekki fram á að flytja út í náinni fram-
tíð. Hann hefur áhyggjur af
húsnæðismarkaðnum og því að hag-
kvæmt húsnæði sé af skornum
skammti.
Hann er ekki sá eini. Í sama
streng tekur Álfheiður Edda Sig-
urðardóttir, sem einnig er í HÍ.
„Það er svo sem fínt að búa hjá
mömmu og pabba meðan maður hef-
ur ekki efni á að flytja út,“ segir Álf-
heiður. Hún viðurkennir þó að það
gæti hugsanlega verið einfaldara að
koma undir sig fótunum ef hún færi
betur með peninga.
Samgöngumál eru báðum of-
arlega í huga fyrir kosningarnar. „Ég
er hrifin af öllum sem vilja auka tíðni
strætóleiða,“ segir Álfheiður. „Kerfið
er allt í lagi en vagninn mætti koma
oftar.“ Undir það tekur Arnór. Bæta
þurfi umferðina í borginni, laga veg-
ina og tryggja að strætó gangi tíðar.
- En hvernig bætir maður um-
ferðina?
„Það er einmitt góð spurning, og
örugglega mjög erfitt,“ segir Arnór.
„Ég ætla ekki að þykjast vita eitt-
hvað sem ég veit í raun mjög lítið um.
En ég þykist vita, eða vona í það
minnsta, að hún gæti verið betri.“
Hann segist opinn fyrir borgarlínu.
Það sé kostur sem þurfi að skoða.
„Ég held að við þurfum að spyrja
okkur hvort hún muni gera lífið auð-
veldara í Reykjavík.“
Mínimalisminn heillar
Álfheiður og Arnór segjast bæði
ætla að kjósa. Álfheiður hefur kynnt
sér stefnuskrá flestra flokka fyrir
kosningarnar og segist nokkurn veg-
inn vera búin að taka ákvörðun, þó að
hún sé ekki alveg niðurnjörvuð.
„Ég stefni að því að kjósa flokk
með mínímalíska stefnu. Helst eyða
sem minnstu í óþarfa og gera eitt-
hvað gott við peningana,“ segir hún.
Sveitarfélög hafi tilhneigingu til að
eyða peningum í óþörf verkefni sem
gagnist fáum. „Þess vegna gæti ég til
dæmis ekki hugsað mér að kjósa
Vinstri græn. Mér finnst þau boða
allt of mikil svoleiðis útgjöld.“
Arnór hefur einnig gert upp hug
sinn og segir samgöngu- og hús-
næðismál vera þau mál sem hann
hafi helst litið til við ákvörðunina,
enda eigi þau að vera helstu viðfangs-
efni sveitarstjórna.
Minni áhugi á borg en þingi
Arnór og Álfheiður eru sammála
um að áhugi á borgarstjórnarkosn-
ingunum sé mun minni en á þing-
kosningunum í fyrra. „Í kringum mig
finnst mér eins og flestir hafi þegar
gert upp hug sinn, en þeir sem hafi
ekki gert það ætli bara ekki að
kjósa,“ segir Arnór.
Álfheiður segir hugsanlegt að
áhugaleysið stafi af því að hagsmuna-
mál ungs fólks séu frekar á könnu al-
þingis en borgarinnar og nefnir sem
dæmi fjármögnun háskólanna og
námslánakerfið. Leik- og grunn-
skólar og útsvarsprósenta séu mögu-
lega ekki helstu hugðarefni ungu
kynslóðarinnar.
Arnór Jóhannsson
Stærsta áskorun ungs
fólks að flytja að heiman
Álfheiður Edda Sigurðardóttir
 Gott að vera ungur í Reykjavík  Bæta þarf samgöngur
Eva segir að miðað við skoðana-
kannanir muni nýir flokkar koma
mönnum að í borgarstjórn. Hún
kveðst ekki hafa áhyggjur af því að
fjölgun framboða fæli kjósendur frá,
eins og einhverjir hafi lýst áhyggjum
af. „Það er athyglisvert að það er
nokkurn veginn hægt að skipta þess-
um flokkum í tvo hópa, hægri og
vinstri. Þegar þú ert með líka flokka
eins og Framsókn og Miðflokkinn
getur atriði eins og það hver leiðir
listann farið að hafa mikil áhrif.
Þetta verði því meira í átt að per-
sónukjöri en áður, en það hefur hing-
að til ekki verið sterkt hér. Þá fer
fólk líka mögulega að huga að því
hversu mikla möguleika viðkomandi
flokkur á á að ná inn manni áður en
það ráðstafar atkvæði sínu.“
Eva segir aðspurð að kosninga-
baráttan hafi verið með hefð-
bundnum hætti og mótast af mál-
efnum.
Hefðbundin barátta
„Ég held að þessi kosningabar-
átta hafi verið mjög týpísk fyrir
sveitarstjórnarkosningar. Það hafa
ekki verið neinar stórar vendingar
og engir stórir skandalar. Það er
verið að kjósa um stefnu í hefð-
bundnum en mikilvægum málum og
því hefur þetta verið svolítið þurrt
og litlaust. Það má líka alveg líta á
það sem kost.“
Morgunblaðið/Valli
Mannfjöldaþróun á höfuðborgarsvæðinu
Hlutfall Reykvíkinga af íbúum höfuðborgarsvæðisins 1998-2018
125
100
75
50
25
0
.000
Íbúafjöldi Hlutfall
70%
65
60
55
50
45
Íbúafjöldi í Reykjavík Hlutfall af íbúum höfuðborgarsvæðisins
1998 2000 2002 2004 2006 2008 2010 2012 2014 2016 2018
Heimild: Hagstofan
65,1%
56,7%
Bæjarlind 2, 201 Kópavogur | SÍMI 577-4700 | bilalindin.is
Svampþvottastöð
Afkastamikil sjálfvirk
þvottastöð sem getur þvegið
allt að 50 bíla á klukkustund.
Opið virka daga kl. 8 -19
helgar kl. 10 – 18.