Úr þjóðarbúskapnum : framvindan ... og horfur .. - 31.03.1982, Page 29

29
Samneysla
Enn sem komið eru vísbendingar um þróun samneyslu á líðandi ári mjög af
skornum skammti, en allt bendirþó til, að um nokkraaukningu hafi veriðað ræða.
Áætlunin fyrir árið 1981 er því óbreytt frá því sem upphaflega var gert ráð fyrir í
spám í fyrra eða 2% aukning.
í þjóhagsspá þessa árs er miðaö við nokkra aukningu samneyslu í hátt við
áætlanir fyrir síðastliðin tvö ár. Fjárlög ársins 1982 fela í sér nokkra aukningu
samneyslu og auk þess er talið að samneysluútgjöld sveitarfélaga muni aukast
nokkuð, niiðað við þær útgjaldaáætlanir sem þekktar eru. í spánni er því gert ráð
fyrir 2% aukningu samneyslu á árinu 1982.
Fjánmmamyndun
í fjárfestingar- og lánsfjáráætlun fyrir árið 1982 voru settar fram spár um þróun
fjármunamyndunar árin 1981 og 1982 og gerð ítarleg grein fyrir horfununr í þeim
efnum. Var þá gert ráð fyrir, að fjármunamyndunin drægist saman um 4% á árinu
1981 og var það svipuð niðurstaða og í þjóðhagsáætlun þess árs, en fyrir árið 1982
var spáð 6% sanrdrætti. Núverandi áætlanir um árið 1981 eru reistar á bráða-
birgðatölum um ýmsa mikilvæga þætti fjármunamyndunarinnar, en í ýmsum
greinum er þó enn byggt á áætlunum, eins og jafnan þegar svo skammt er liðið frá
áramótum.
Niðurstaða þeirra bráðabirgðatalna og áætlana fyrir árið 1981, sem hér er sett
fram, er all frábrugðin þeirri spá, sem gerð var á liðnu hausti. í stað samdráttar,
þykir nú sýnt að um aukningu hafi verið að ræða. Er fjárfestingin nú talin hafa
aukist um 2% eftir tæplega 9% aukningu árið 1980. Breytinguna frá haustspánni
má einkum rekja til aukningar í fjárfestingu atvinnuveganna í stað þess samdrátt-
ar, sem reiknað var með í haust. Að töluverðu leyti felst þessi breyting í innflutn-
ingi fjárfestingarvöru umfram fyrri áætlanir, en aukning vöruinnflutnings síðustu
mánuði ársins var langt umfram það sem spáð var á liðnu hausti.
Fjárfesting atvinnuveganna er nú talin hafa orðið um 6% meiri á árinu 1981 en
á árinu 1980, en í fyrri áætlunum hafði verið gert ráð fyrir töluverðum samdrætti
(12V2% í lánsfjáráætlun 1981 og 8% í haustspá). Ýmsir liðir voru vanáætlaðir í
fyrri spám, ekki síst innflutningur flutningatækja. Mikið var keypt til landsins af
flutningatækjum á árinu 1980 og því fremur búist við að úr drægi 1981, enda
virtist innflutningur flutningatækja fyrri hluta ársins benda til þess. Síðari hluta árs
varð raunin hins vegar allt önnur en ætlað hafði verið, og nú er þessi liður talinn
hafa aukist um 12%. Svipuðu máli gegnir um innflutning ýmissa vélaogtækja, en
hann jókst afar mikið á árinu 1980 og var af þeim sökum búist við minni eftirspurn
á síðastliðnu ári. Framvindan fyrri hluta ársins benti og til samdráttar en síðari
hluta ársins jókst innflutningur af þessu tagi að miklum mun, og fyrir árið allt er nú
talið, að um 8% aukningu hafi verið að ræða. Samkvæmt framansögðu má ætla, að
gengisþróunin á árinu hafi ekki síður haft áhrif á eftirspurn eftir innfluttum