Læknablaðið - 01.05.2018, Qupperneq 39

LÆKNAblaðið 2018/104 259
Í framfarasamfélögum víða um heim
virðist allri leiðsögn snúið á hvolf og sið-
venjum kastað fyrir róða. Það sem áður
sneri upp snýr nú niður. Hjarðir allt eins
leiddar af kálfum. Fullorðið fólk situr
eins og barðir hundar undir yfirgangi
og ósvífni afkvæma sinna og mælir hér
einn iðrandi syndari. Í leiðsagnarleysi
nútímans vex úr grasi fjöldi meðalskussa
sem hafa heyrt það alla sína tíð að þeir
séu Guðs útvaldir snillingar. Persónuleg
þægindi í valfrjálsum og þjáningarlausum
heimi er krafa ofar öllum kröfum. Í slík-
um heimi fær hinn frómi gyðingur aldrei
hljómgrunn með þá skoðun að reglufesta
með tilheyrandi þjáningum sé ekki bara
mikilvægur hluti lífsins heldur búi þar
lífið sjálft! Er hægt að ræða af einhverri
stillingu við fólk sem ekki þekkir slíkan
hugarheim og útskýra að umskurður
sveinbarna sé kjarni umfangsmikils aga-
kerfis sem krefst þess að ungum sé það
allra best að sverjast til samfélags með
kostum og göllum og hlíta afdráttarlausri
leiðsögn þeirra sem á undan ganga.
Ég hljóp framhjá Kaffivagninum og út
á Granda. Við norðvesturhorn hans stóð
kunningi minn og reykti. Hann er fyrrum
fréttamaður og glöggur samfélagsrýnir. Á
leið minni að Þúfunni hafði lostið niður í
höfuð mér vitrun líkt og hjá Páli forðum.
Vitrunin var í formi rökleiðslu sem var
nokkurn veginn á þessa leið: Það er óvit-
laust að blíðka almættið í hvikulum og
óvissum heimi. Slík er veröld akuryrkju-
manna, hirðingja og veiðimanna. Mann-
fórnir eru sennilega ævaforn siður til þess
að sýna staðfastan ásetning og freista
þess að lenda gæfumegin í lífinu. Það
getur þó ekki verið sjálfbær gjörningur að
fórna lífi sonar. Með slíkri flónsku kæm-
ist erfðaefnið aldrei spönn frá rassi. Hér
mundi í staðinn duga að fórna einhverjum
táknrænum parti sonarins og sýna um
leið staðfestu. Ekki er verra að slík fórn
snerti mikilvægan líkamshluta og hver fer
nær því en sproti og stafur erfðaefnisins.
Umskurð tel ég því ígildi sonarfórnar
Abrahams þótt í smáu sé.
Þessum kunningja mínum, við Kaffi-
vagninn, trúði ég umsvifalaust fyrir vitr-
un minni og honum fannst ég þyrfti að
skrifa um hana lærða ritgerð. Ég spurði
hvort hann myndi styðja afstöðu mína og
röksemdafærslu ef hún birtist sjónum al-
mennings. Ég taldi fullvíst að afstaða mín
gæti valdið miklu uppnámi í íslensku sam-
félagi. „Munt þú verja hana með lífi þínu?“
spurði ég. Hann hikaði við og sagðist fyrst
ætla að klára sígarettuna og máltíðina
áður en hann hugleiddi að gangast undir
svo bindandi sáttmála.
B R É F T I L B L A Ð S I N S
Dagskrá mótaraðarinnar
❍ 18. maí
Hvaleyrarvöllur, Hafnarfirði
❍ 29. júní
Hlíðavöllur, Mosfellsbæ
❍ 25. júlí
Brautarholtsvöllur, Kjalarnesi
❍ 31. ágúst
Leirdalsvöllur, Garðabæ
Mynd úr langri golfsögu lækna,
tekin sólarmegin í lífinu í Skotlandi.
Á myndinni eru vanir menn, frá
vinstri: RÞ, SH, FV, SJ, MJ, PS, ÓE,
GB, BG, RS, KJ, ÓZÓ.
Úr myndasafni Ólafs Z. Ólafssonar.
Félagsmenn Læknafélags Íslands sem spila golf ættu að gleðjast því golf-
mótaröðin 2018 verður enn veglegri en áður. Fjögur golfmót verða haldin á
árinu, á fjórum frábærum golfvöllum.
Mótaröðin hefst í maí á Hvaleyrarholti í Hafnarfirði hjá Golfklúbbnum Keili,
júnímótið verður í Mosfellsbæ hjá Golfklúbbi Mosfellsbæjar, í júlí verður mót á
Kjalarnesi hjá Golfklúbbnum Brautarholti og lokamótið verður í Garðabænum
hjá Golfklúbbi GKG.
Allir keppendur fá teiggjafir. Veglegir vinningar verða í boði fyrir efstu sætin.
Nánari upplýsingar þegar opnað verður fyrir skráningu.
GOLF LÍ Í SUMAR