Breiðfirðingur - 01.04.1991, Side 25
fSNÓKSDAL
23
öruggri gæslu. Biður konungur Daða og Pétur að veita til-
hjálp og aðstoð við handtökuna, svo að ekki þurfi að senda
erlent lið til landsins, sem yrði til tjóns þeim og allri
alþýðu.44
Ekki varð úr því, að hirðstjóri tæki Jón biskup Arason
höndum og er líkast því sem Jón og synir hans færist í auk-
ana. Þeir ríða með miklu liði til alþingis 1550 og ráða þar
einir öllu. Hirðstjórinn er liðfár. Þá nær Jón biskup Skálholti
á sitt vald, hreinsar dómkirkjuna, lætur grafa upp villumann-
inn, sem kaþólskir kölluðu Gissur Einarsson, og réttir við
klausturlifnað í Viðey og á Helgafelli. Var þá margt starfað,
sem biskup hefði kosið að kæmist af um sumarið 1548, þegar
Daði í Snóksdal stóð fyrir með vopnuðu liði í kirkjugarð-
inum í Skálholti. Því hafði Jón biskup ekki gleymt né heldur
synir hans, og var orðið tímabært að lægja rostann í Snóks-
dalsbónda. Á Jón Arason að hafa sagt: „Nú hef ég undir mér
allt ísland, utan hálfan annan kotungsson.“ Telja sumir að
með hálfa kotungssyninum eigi biskup við Daða í Snóksdal.
Þá er komið að lokaþætti þessa hildarleiks, Sauðafellsför
Jóns biskups Arasonar og sona hans og aftökunni í Skál-
holti. Bein tildrög fararinnar voru þau, að Hólafeðgar höfðu
fengið Orfn Sturluson lögmann til að stefna þing á Sauða-
felli, þar sem dæmt yrði um mál Daða í Snóksdal. Á Sauða-
felli hafði Daði bú og taldi sig réttan eiganda, en biskups-
sonur Ari gerði tilkall til jarðarinnar. Var staðurinn síst fall-
inn til sátta, hefði það verið ætlunin.
Hólafeðgar riðu norðan í sláttarlok og höfðu lið heldur
lítið. Segir Daði í framburði sínum, að þeir hafi riðið heim
á garð sinn, Sauðafell í Breiðafjarðardölum, með 90 manns,
og hafi Ari lýst Sauðafell eign sína. Reið Daði upp til Sauða-
fells með flokk manna, og varð fundur hans við þá feðga
óskipulegur, ef marka má frásögn Daða. Hefur hann eftir
Birni biskupssyni, að hann hafi sagt: „Þér er betra, Daði, að
fara heim aftur og binda inn nautin.“ En Daði skipaði
feðgum brott af Sauðafelli. Þessi tíðindi urðu 2. dag októ-
bermánaðar 1550.45