Breiðfirðingur - 01.04.1998, Qupperneq 51

/
Ari Ivarsson
Jólastemming af Rauðasandi
Þegar mér á gamalsaldri verður litið um öxl og rifja upp lífið á
Rauðasandi þegar ég var að alast upp þar á 4. og 5. áratug ald-
arinnar, verður mér stundum hugsað til þess hversu mikið fé-
lagslíf var þarna og einnig menningarlíf, það mikið að óvíða
var hér um slóðir annað eins.
I þessu pári ætla ég að rifja upp jólasamkomurnar sem þar
voru haldnar í meira en þrjá áratugi. Þessar samkomur sem
raunar voru alltaf kallaðar jólatrésskemmtunin voru ávallt á
vegum Ungmennafélagsins Vonar sem starfaði með talsverð-
um blóma frá því um 1910 og allt fram undir miðja öldina,
með misjöfnum krafti þó.
Aðeins þarf að staldra við og huga betur að þessu félagi.
Það hélt fyrst fundi sína á bæjunum til skiptis, og þá helst á
bæjum frá Saurbæ að Stökkum, enda voru þeir miðsvæðis.
Um 1915 er brotist í því að hefja byggingu Félagshússins
Saurbæjarmegin við landamerki Saurbæjar og Stekkadals og það
er orðið nothæft um 1919. Þetta hús, þó lítið væri á okkar
mælikvarða, var notað til alls samkomuhalds þama en stundum
var fjölmenni á sumarsamkomum sem vom árviss viðburður.
Þess utan hýsti það Farskóla Rauðasands um langt skeið.
Þar voru oft um 15 börn við nám, sum handan úr Patreksfirði
og jafnvel man ég tvö úr Reykjavík sem af einhverjum ástæð-
um höfðu vetrardvöl á Rauðasandi.
Ljóst er af fundargerðum Vonar að þessi jólasamkoma var
hafin áður en þetta hús var tekið í notkun og þá á einhverjum
bænum, sennilega helst Saurbæ, því þar voru húsakynni
ríflegri en víðast var til sveita.