Breiðfirðingur - 01.04.1998, Blaðsíða 117

FUGLALÍF í STAGLEY Á BREIÐAFIRÐI
115
saman aftur á tímabilinu 1947-1979. Þegar Bergsveinn Skúla-
son (1964) kom í eyna 1952 var þar mikið lundavarp.
Vorið 1975 áætlaði ég lundavarpið um 5000 pör, en þetta
var einungis gróf ágiskun. Þá varp lundi aðallega á suðaustan-
verðri eynni. Sumarið 1982 varp lundi allan eyjarhringinn og
sums staðar langt upp á eyjuna, einkum þó um miðbik hennar.
Þetta ár var stærð varpsins ekki metin né hefur það verið gert
síðar.
Teista Cepphus grylle. Nærri einu hlunnindin sem getið er
úr Stagley í sýslulýsingum frá 1744-49 eru af teistu. Þar segir
Ólafur Ámason að nokkuð af teistukofu fáist á sumrin. Engin
ástæða er að ætla annað en að teista hafi orpið í eynni allar
götur síðan, þótt Ólafur Sívertsen (1840) geti hennar ekki. NJ
kveður teistuvarp alla tíð hafa verið strjált og að mestu í
grjóturðum og aldrei nytjað af þeim feðgum á árunum 1947-
1979.
Ekki er kunnugt um tilraun til að meta stærð varpsins fyrr
en 1975. Þá urpu 20-30 pör, einkum á klöppunum á norðan-
verðri eynni þar sem eru ákjósanlegar varpholur. Nákvæm
talning fór fram 1982 og þá sáust 114 fullorðnir fuglar (og 2
ársgamlir að auki). Gera má ráð fyrir að eitthvað af varpfugl-
um hafi verið úti á miðum við fæðuöflun þegar talning fór
fram (á tímabilinu kl. 11.15 til 13.00). Á móti kemur að ein-
hverjir fuglanna hafa verið geldir, svo ég tel láta nærri að í
Stagley hafi verið um 60 varppör árið 1982.
Snjótittlingur Plectrophenax nivalis. Fyrsta skráning á snjó-
tittlingum í Stagley er frá vorinu 1975. Þá fannst hreiður (21.
maí) og 2-3 pör sáust á flögri í klettunum að norðanverðu (25.
maí).
Árið 1982 sáust tvö pör, einn karlfugl og að auki eitt hreið-
ur með 4 ungum. Þannig voru líklega 4 varppör þetta ár. HG
sá ætíð nokkur pör ár hvert á tímabilinu 1979-1996.
Maríuerla Motacilla alba. Árið 1975 fannst eitt maríuerlu-
hreiður og par sást á flögri um eyna. Einnig varð vart við einn
fugl sumarið 1982. Þetta eru einu skráningarnar á maríuerlu úr
Stagley.