Breiðfirðingur - 01.04.1998, Blaðsíða 159

MINNINGAR FRÁ BREIÐAFIRÐI
157
þurfti ég að greiða 2 krónur á dag fyrir fæði. Aðbúnaðurinn af
hálfu vegagerðarinnar var, að lögð voru til botnlaus tjöld og
ekkert annað. Þetta sama haust fór ég suður til Reykjavíkur til
náms í Kennaraskólanum. Ég fór með bíl frá Akureyri til
Reykjavrkur. Þetta mun hafa verið fyrsta sumarið, sem bílfært
var alla leið milli þessara staða. Farinn var þá Kaldidalur, og
var þetta tveggja daga ferð. Gist var í Grænumýrartungu. Þess
skal getið, að gisting og fæði var innifalið í fargjaldinu, sem
var 80 krónur. Með öðrum orðum. Það tók mig 20 daga að
frádegnu fæði að vinna fyrir farinu milli Akureyrar og Reykja-
víkur. Geta menn svo gert sér til gamans að bera þetta saman
við daginn í dag.
Til gamans skal þess svo getið, að ég byrjaði kennslu sem
farkennari að afloknu kennaraprófi haustið 1932. Laun mín
fyrsta kennsluárið voru 640 krónur og frítt fæði.
Af Ólafi í Elliðaey
Einhverju sinni þegar Eggert heimsótti Olaf í Elliðaey, varð
þeim skrafdrjúgt svo þeir gleymdu tímanum og var orðið
nokkuð rokkið þegar Eggert fer að huga að heimferð. Ólafur
fylgir honum til sjávar og leiðast þeir niður túnið og fjöruna.
En þegar minnst varir er Ólafur kominn á hækjur sínar og
gengur örna sinna þarna í fjörunni en heldur á meðan í hönd-
ina á Eggerti og ræðast þeir við á meðan um landsins gagn og
nauðsynjar.
Það var oft að menn gengu örna sinna í fjörunni; enda engin
vatnsklósett þá í eyjunum og næsta flóð skolaði kúknum burt
og var því fjaran hrein á næsta útfalli, og þessi staður því hið
þrifalegasta náðhús.
Skráð hefur BBG