Breiðfirðingur - 01.04.1998, Qupperneq 166

164
BREIÐFIRÐINGUR
ströndinni sem er víðast hömrum girt í sjó fram. Fyrst blasir við
gömul lending, Móðuvör. Fyrir ókunnuga er ekki gott að gera sér
grein fyrir að þaðan hafi bátum verið lent eða ýtt úr vör, svo
hrikalegt er þama. Yerbúðarústir eru vestar upp á melnum. Þar
sem ströndin vísar aðeins til suðurs em göng niður í gegnum
klettabeltið, alveg niður að sjó. Þarna em klettaflúðir sem aðdjúpt
er að og því álitlegt að renna þar fyrir físk þegar vel stendur á.
Þegar komið er aftur úr Smugunni, svo sem þessi staður er nefnd-
ur, er áframhaldið með bjargbrúnina á hægri hönd en til vinstri
eru grónar gmndir og hraunbollar. Brátt er komið að hárri vel
hlaðinni vörðu sem nefnd er Oddný. Engar sögur fara af tilurð
hennar né aldri en Oddný hefur verið notuð sem kennileiti til að
miða á Skarðsvík. Eftir stuttan spöl frá Oddnýju er komið að
þeim stað sem mestan áhuga vakti á svæðinu. Staðurinn var kall-
aður Sólsetursbogi. Nafnið kom til af því að síðsumars er þetta
svæði mikið sótt af ferðafólki og þó sérstaklega útlendingum sem
þykir staðurinn góður til að fylgjast með þegar sólin sest við hafs-
brún út af Breiðafirði. Sjálfur Sólsetursboginn var steinbogi fram-
an í bjarginu utan við ketil eða vog sem er þama í bjargið og sjór
gengur inn í. I veggjum ketilsins em syllur sem fara mátti eftir að
boganum. Sólsetursboginn hvarf í hafið í stórbrimi veturinn 1996.
Flér má skipta liði, ef það býðst, einhver fari og sæki bílinn
en aðrir haldi áfram eftir bjarginu eða um hraunið út að næsta
áfangastað, Skarðsvík.
2. Skarðsvík og umhverfi.
Skarðsvík er einn af þekktari stöðum undir Jökli. Víkin er
fengsæl fiskislóð þar sem þorskur, ýsa og koli gefa sig til. Oft
má sjá fiskibáta við veiðar á Skarðsvík. Sjálfsagt er að hefja
gönguferðina í víkurbotninum. Þar er gul skeljasandsfjara girt
klettadröngum að austan og vestan. Þetta svæði er mikið notað
á góðviðrisdögum. Klettarnir mynda skjól þótt gola sé. Þama
er því gott að baða sig í sól og sandi og þau sem eru bröttust
geta sullað í sjónum sem gera þarf þó með varúð.
Hraunið upp af Skarðsvíkinni er sérstaklega fallegt. Þar eru
hraunbollar, sprungur og gjár, skjólgóðar lautir með gróður-