Dagblaðið Vísir - DV - 07.12.2018, Qupperneq 42

Tómstundir og útivist 7. desember 2018KYNNINGARBLAÐ
Ungbarnasund er eitt það fallegasta sem foreldri og barn geta upplifað saman
á ævinni. Ólafur Ágúst Gíslason
ungbarnasundkennari, með meiru, er
með dásamleg ungbarnasundnámskeið
í boði fyrir nýbakaða foreldra á
Reykjalundi. „Ungbarnasund er
skemmtileg leið til þess að tengjast
ungbörnum sínum og auka öryggi
þeirra í vatni. Í mörgum tilfellum hefur
ungbarnasundið fyrirbyggjandi áhrif
á vatnshræðslu. Enn fremur hjálpar
það foreldrum að umgangast börnin
á öruggan hátt í vatninu. Þetta er
raunar eins og fyrsta líkamsrækt
barnsins. Vatnið gefur öðruvísi eftir en
andrúmsloftið, veldur meira viðnámi við
líkamann sem orsakar meiri áreynslu
fyrir barnið og eykur þá styrk barnsins
og jafnvægi. Einnig örvar vatnið
barnið, eykur einbeitingu og styrkir
ónæmiskerfið. Útkoman er í langflestum
tilfellum að barnið sefur og borðar betur
og líður almennt betur. Ávinningurinn er
eiginlega með ólíkindum,“ segir Ólafur.
Óskastund með fjölskyldunni
„Ég hef verið með námskeiðin í hartnær
17 ár og undantekningarlaust myndast
skemmtileg stemning. Í flestum tilfellum
drífur fólk sig ekki heim eftir námskeiðið
heldur staldrar við, fer í pottinn með
börnin og spjallar saman. Mjög oft
er fólk svo að koma með annað og
þriðja barn í námskeiðin því það
tókst svo vel með það fyrsta,“ segir
Ólafur. Ungbarnasundnámskeiðin eru
sannkölluð gæðastund fyrir fjölskyldur
þar sem foreldrar og börn njóta
samverunnar í rólegu og þægilegu
andrúmslofti.
Líkamsrækt B&Ó
Garðbæingar ættu margir hverjir að
kannast við Ólaf enda starfaði hann
í fjöldamörg ár sem íþróttakennari
í Garðaskóla í Garðabæ. Hann er
menntaður íþróttakennari og kennir
námskeið við Líkamsrækt B&Ó í Ásgarði í
Garðabæ. „Við erum með þetta saman,
ég og Elín Birna Guðmundsdóttir, sem er
íþróttakennari að mennt. Hún er einnig
ungbarnasundkennari. Saman erum
við með námskeið í Líkamsræktinni fyrir
um 120 manns, bæði karla og konur.
Birna sér um kvennanámskeiðin, en
konurnar eru 60 talsins. Sjálfur er ég
með líkamsræktarnámskeið fyrir um 60
karla á mjög breiðu aldursbili. Sá yngsti
er fertugur og sá elsti er 82 ára,“ segir
Ólafur.
„Tímarnir samanstanda af
fjölbreyttum líkamsæfingum þar sem
hver og einn ræður sínum hraða.
Tímarnir byggjast upp á upphitun,
lóðaæfingum, tvímenningsæfingum
eða fjölbreyttri stöðvaþjálfun í
30–35 mínútur þar sem er af ýmsu
skemmtilegu að taka. Einnig er spilaður
körfubolti. Karlarnir komast yfirleitt í
mikið keppnisskap við það og er fátt
skemmtilegra en að sjá unglingana
brjótast fram hjá þeim. Í lokin er teygt vel
á og margir hverjir skella sér í laugina,
heita pottinn eða þann kalda eftir á,“
segir Ólafur.
Félagsskapurinn skiptir máli
Námskeiðin snúast ekki eingöngu um
líkamlega áreynslu heldur finnst Ólafi
mikilvægt að virkja félagslega þáttinn.
„Það gerir þetta að miklu meira en
bara líkamsrækt, 50% líkamsrækt
og 50% félagsskapur. Við vorum t.d.
með haustfagnað síðasta miðvikudag
þar sem kom zumba-kennari sem
kenndi stórskemmtileg dansspor.
Síðan var farið út í Stjörnuheimili þar
sem kokkur kom og eldaði fyrir okkur
dýrindis máltíð. Saman áttum við öll
stórskemmtilega kvöldstund. Einnig
höfum við farið saman í jeppaferðir á
haustin, gönguferðir á sumrin, verið
með vorfagnaði og haldið helgistund í
Maríuhellum í Heiðmörk á aðventunni
eftir um klukkustundar gönguferð. Í ár
er hún á morgun, 8. desember,“ segir
Ólafur.
Ungbarnasund Óla Gísla fer
fram í stórglæsilegri innisundlaug
endurhæfingarmiðstöðvarinnar að
Reykjalundi. Næsta námskeið byrjar 11.
desember og stendur fram til 15. janúar.
Líkamsrækt B&Ó er staðsett
íþróttamiðstöðinni Ásgarði í Garðabæ.
Nánari upplýsingar má nálgast á
likamsraekt.is (http://likamsraekt.is/)
Sími: 847-2916
Netfang: oligisla@hotmail.com og
oligisla@ungbarnasundolagisla.is n
Ungbarnasund og
„old boys“ líkamsrækt