Ófeigur - 15.07.1947, Blaðsíða 7

ÖFEIGUR
7
hvern lítinn hluta vallarins í Reykjavík fyrir smávélar
til innanlandsþarfa, en breyta vellinum annars í hús-
stæði, ekki sízt fyrir þurrkhús, þar sem saltfiskur væri
á vorin og sumrin þurrkaður við hverahita og búinn und-
ir markað í heitum löndum. Það fé, sem þjóðin kann að
geta eytt til flugvalla, ber að nota til flugvita og lend-
ingarbóta út um land í stað þess að reyna að halda við
hjá Reykjavík tveim stórvöllum með tilkostnaði, sem
er óbær fyrir þjóðina. Innan skamms mun fátæktin
knýja jafnvel hina grunnfærustu og gálausustu
ráðherra inn á þá leið, sem ég benti á í haust,
sem leið, og leiði hér rök að. Biðin er nú búin að kosta
landið sjö milljónir. Ef til vill þarf að bæta við öðrum sjö,
áður en brunnur heimskulegrar eyðslu er byrgður.
VIII.
Kommúnistar og nokkrir aðrir menn hafa látið sér
til hugar koma að leggja sveitirnar í eyði, en láta hluta-
félög og bæjarfélög framleiða alla mjólk og aðrar hvítar
vörur til innanlandsþarfa. Hafa þessir menn fjölyrt um,
að mjólkin frá sveitaheimilum væri of dýr og ekki nógu
góð. í Vestmannaeyjum gerðu kommúnistar í bæjar-
stjóm og þeirra fylgifiskar þjóðnýtt fjós til að sanna,
að ekki þyrfti bænda með. Hver líter úr þessu búi kost-
ar um 2 kr., en auk þess þarf bærinn að gefa 2 kr. með
hverjum líter. Starfsfólkið fær taxtakaup og auka-
þóknun fyrir vinnu á sunnudögum, snemma á morgna
og seint á kvöldum. Þannig skapast 4 kr. verð á líter, og
er þó ekki talið verð ræktarlands og bygginga. I Reykja-
vík hafa kommúnistar krafizt þess, að bærinn hefði
stórbú á Korpúlfsstöðum til þess að framleiða bæði
góða mjólk og ódýra. Voru hvergi betri skilyrði til þjóð-
nýtingar við mjólkurframleiðslu. Bærinn hafði keypt
flestar bújarðir Thor Jensen og hin miklu gripahús og
hlöður, sem hann reisti á Korpúlfsstöðum með miklum
kostnaði. En Mbl-menn þæfðust fyrir og báru ýmsu við.
Ein skýringin var sú, að bezt væri að nota túnið til
hrossabeitar eftir slátt til að halda mosanum í skefj-
um, enda á sá gróður bezt heima þar, sem bændur safna
skeggi. Þegar höfuðstaðurinn hikaði, gengu 20 fram-
takssamir læknar í borginni fram fyrir skjöldu í þessu
mjólkurmáli. Vildu þeir sýna, að þeir hefðu kynnt sér
ritgerðir Kiljans um búvöruframleiðslu hér á landi og
2*