Ófeigur - 15.07.1947, Qupperneq 13

ÖFEIGUR
13
mundi ekki lánast, í aðsteðjandi fátækt og gegn þögul-
um andblæstri gamalla nemenda. En málinu var ekki
sinnt, og tækifærið gekk úr greipum rektors. Mun nú
svo komið, að ekki þýðir annað en að taka mál skólans
upp að nýju á þjóðlegum grundvelli. Skólinn hefur verið
vanræktur, en úr því má bæta. Alþingi þarf að leggja
fram fé til að kaupa hús og lóðir að Þingholtsstræti. Á
þessu landi þarf að reisa íbúðir fyrir rektor og fleiri
kennara, íþróttahús, vinnustofur, lesstofur og heima-
vistir fyrir aðkomunemendur. En hitt má aldrei við-
gangast, að sögufrægasta hús í bænum verði rifið af
léttúð einhvers ráðherra eða þjónustu við óvini lands
og þjóðar. Færi illa á því að eyðileggja myndarlegasta
skólahús í bænum, þar sem um langa stund má hafa
bóklega kennslu fyrir 300 nemendur.
XII.
Rektorar menntaskólanna eru þjóðkunnir og þjóð-
nýtir menn, en mjög ólíkir um skapgerð og starfshætti.
Öll skólamennska Sigurðar er einstefnuakstur. „Ung
var ég Njáli gefin“, sagði Bergþóra. Sigurður hefur
snemma tekið að sér skólann á Akureyri og vígt hon-
nm alla orku sína. Skólinn er honum allt. I landsmálum
er Sigurður á móti kommúnistum, en styður borgara-
flokkana til skiptis, eftir viðhorfi þeirra til .skólans í
hvert sinn. Hann er með öllu, sem hann telur, að auki
veg skólans og héraðsins. Ef Itali sá, sem flutti Móna
Lísu úr safninu í París, hefði hengt málverkið upp í
kórnum í Möðruvallakirkju í Hörgárdal, mundi Sigurði
hafa þótt leitt, ef svo ágætur gripur hefði flutzt aftur
úr nálægð skólans. Með þessum einhug hefur Sigurður
skólameistari grundvallað skóla með sterkum menn-
ingar- og erfðavenjum. Pálmi Hannesson tilheyrir ann-
ari kynslóð. Hann á í stríði við margháttaðar gáfur og
sundurleitar stefnur. Hann er mikill sveitamaður, hesta-
maður, ferðamaður, vísindamaður, ræðumaður, rithöf-
undur og kann vel að vera með þeim mönnum, sem eru
tignir í eðli og framkomu. En hann kynntist „vorúðan-
um“ rússneska á námsárum sínum í Danmörku og hefir
ör eftir í sál sinni frá þeirn tíma líkt og maður, sem
hefur yfirunnið berklasýki í bernsku, en ber þó þess
merki í heilsufari alla æfi. Pálmi er með vissum hætti
hættulega ríkur erfingi, sem er í erfiðleikum að ávaxta
s