Ófeigur - 15.07.1947, Qupperneq 11

ÓFEIGUR
11
Rússa. Bjuggust margir við, að Brynjólfur mundi nota
aldursákvæðið til að koma Sigurði frá skólanum og
setja Rússaþjón í staðinn. Það varð þó ekki. í stað þess
horfðu ráðherra og skólameistari í fyrstu hvor á annan
líkt og tvö ljón, sem mætast óvænt. Tvær brýr lágu
miíli þeirra ráðherra og skólameistara og varð það til
sameiningar. Sigurður fekk aldrei eins mikið fé til þarfa
skólans og hann vildi. Brynjólfur gat aldrei fengið nóg
tækifæri til að eyða auði kapitalistanna í landinu. Vinir
Sigurðar höfðu séð fyrir, að honum kynni að stafa hætta
af aldurslögunum. Fengu þeir, skömmu áður en Bryn-
jólfur kom í stjórnina, nálega alla þingmenn borgara-
flokkanna til að skora á skólameistara að halda áfram
starfi sínu, meðan hann væri hestfær og gæti gengið um
lóð skólans. Var Sigurði þannig með alþingisdómi lyft
1 eldlegum vagni yfir hverfulleika aldurslaganna. En
þegar til kom, stóð Sigurði lítil hætta af Brynjólfi. Hann
var greiður í svörum um fjárbænir til skólans, svo að
fáir höfðu veitt skólameistara betri svör, og varð auð-
urinn þar manna sættir. Báðir vildu ala upp sem
flesta stúdenta. Skólameistari trúir á gildi þess náms,
en Brynjólfur veit, að því fleiri sem atvinnulausir strand-
menn eru á háskólabrautinni, því fleiri undirforingja
og áróðursmenn fá leiðtogar ævintýraflokka. Hér var
því um takmarkaða samleið að ræða.
Þegar Sigurður frétti, að Brynjólfur væri farinn úr
stjórnarráðinu og Eysteinn kominn í staðinn, brá hann
skjótlega við og flaug til Reykjavíkur. Þurfti hann að
fá á fjárlögum stórfé til að gera höll nemenda fokhelda.
Tækist það myndi verkinu lokið, hvað sem skólameist-
arinn héti. Sigurður Guðmundsson lítur á menntamála-
ráðherra eins og stríðsfús herkonungur á landamerkja-
kastala nábúaþjóðanna. Skólameistari sezt um þessi
vígi og lætur skiptast á stórskotahríð og áhlaup. Þeir,
sem þekkja bardagatækni Sigurðar, eins og sá sem þetta
ritar, gefast strax upp og ápara á þann hátt stríð, sem
lýkur ætíð með algerðum sigri skólameistara. Jón Þor-
láksson og Magnús Guðmundsson veittu viðnám í fyrstu.
Eysteinn hafði fyrr á árum verði mikill gæzlumaður
fimmeyringa, og mun Sigurður hafa búizt við seigri mót-
stöðu. En Eysteinn var nú mjög breyttur og setti metnað
sinn í að standa hvergi að baki Brynjólfi eða Áka um
rausn, eins og eftirminnilegast hefur komið í ljós á flug-