Ófeigur - 15.07.1947, Qupperneq 32

32
ÓFEIGUR
stjórninni, til að geta komist í nógu innilegt samband
við þá menn, sem Ingimar líkir nú vikulega við njósnara
og föðurlandssvikara í hverju þingstjórnarlandi. Þegar
Ingimar sá að ég myndi ófáanlegur til að fara í hring-
dansinn með gistivinum ritaði hann um mig vinsamleg
eftirmæli og tók fram, að ekki yrði ,,útskafið“ að ég
hefði áður fyrr gert ýmislegt til gagns, en nú þótti hon-
um, sem sú saga væri búin. Þegar einn af helztu mönn-
um í stjórn Kea er orðinn svo ruglaður í ríminu, að hann
langar til að skipta á Vilhjálmi Þór og Áka við forstöðu
atvinnumálanna, var ekki furða þó að slíkan mann
langaði til að skafa út minningar um það sem aðrir,
honum fjarstæðari samferðamenn, kunnu að hafa gert
til gagns, ef þeir vildu ekki fylgja með, út í sortann.
Síðasta viðvörun, sem Dagur birti eftir mig, hét „Gull-
skýið“. Þá varaði ég borgarana í landinu við að villast
á Stalin og Kristi. Ráðleggingin var skafin út í það
sinn. I fimm ár hafa þjóðstjórnarflokkarnir þrír sam-
fylkt um landstjórn eða vinmæli við flokkinn, sem
blöð borgaranna kalla nú föðurlándssvikara. Og hver
er svo árangurinn ? Aðstaða landsins er sú, að 585 miljón-
imar, sem þjóðin átti, þegar bezt lét, eru eyddar og það
svo gersamlega, að á útmánuðum í vetur varð ísland
að biðja um 26 miljóna gjaldeyrislán, í því landi þar
sem þjóðin hafði fórnað blóði og auði til að bjarga heim-
inum frá allsherjarundirokan. Fjárhagur ríkisins er svo
erfiður, að námsmönnum með fastan ríkisstyrk, hefur
verið synjað um yfirfærslur. I öllum hörmungum Dana
greiddu þeir ætíð af höndum hin samningsbundnu
hlunnindi í sambandi við Garðstyrkinn.
Nokkur dæmi nægja til að sýna, hvernig kommúnistar
hafa varið auði þjóðarinnar. Þegar Áki tók við atvinnu-
málunum, af Vilhjálmi, kostuðu allar síldarverksmiðjur
ríkisins 12 miljónir og áttu miljón í sjóði. Áki hefur
byggt tvær frámunalega lélegar viðbætur með ónýtu
mjölhúsi og lýsisgeymum, fyrir 50 miljónir, allt í skuld.
Og þessi hóflausa eyðsla mun liggja eins og farg á síld-
ariðnaði landsmanna í heilan mannsaldur. Áki hefur
gengið svo frá flugvallarmálunum, að þar er á árs parti
búið að eyða 10 miljónum í minna en ekki neitt. Brynjólf-
ur hefur eytt í viðgerð á gömlu timburhúsi í Kaldaðar-
nesi 730 þús. Þetta átti að vera sjúkrahús fyrir áfengis-
sjúklinga. Nýlega voru þar þrír vistmenn og hey keypt