Ófeigur - 15.07.1947, Page 68

68
ÓFEIGUR
kosningu. Síðan kusu Sjálfstæðismenn Barða. En eftir
þessar aðfarir var Eysteinn svo „knekkaður“ að hann
gaf upp alla vörn. Var komið máttleysi og fýla í liðið og
var nú engu aðhaldi beitt móti frekju Barða. Sagði hann
að Bernharð skyldi nú sýna að í honum byggi mikill
þróttur og heimta af Eysteini að vera bæði varaforseti í
sameinuðu þingi og aðalforseti í efrideild. Var þróttur
svo mjög dreginn úr Eysteini, að hann lét Barða ráða
þessu og er Bernharð nú tvöfaldur í roðinu. Hefur slíkri
sæmd ekki verið hlaðið á einn mann, nema Jón Sigurðs-
son og Pétur biskup endur fyrir löngu. Hafa þeir mágar
færst allmikið í fang. Það er bót í máli, að sá siður er á
kominn, að þingforsetar og nokkrir aðrir fyrirmenn,
geta fengið til risnu og glaðningar úr áfengisverzlun
ríkisins, nálega ókeypis marga þá drykki, sem mjög auka
orku manna og kjark í erfiðleikum. Áki Jakobsson skuld-
aði fyrir þau meðul 5000 kr. hjá ríkinu, þegar hann
hvarf úr ráðherrastólnum. Má af því sjá, að hann hefur
veitt vel sínum liðsmönnum. Verður að vænta þess að
Bernharð og Barði afli sér vina og orku með sama móti.
Getur Barði haft að fordæmi reynslu úr síðasta stríði,
því að það var mikill siður, að foringjar gáfu dátunum
hæfilegan áfengisskamt áður en byrjað var á hættu-
legum áhlaupum. Barði og Eysteinn eru báðir nokkurs
þurfandi í þessu efni. Skortir Barða næstum ætíð kjark
til að greiða atkvæði um vandasöm mál en ráðleysi Ey-
steins í forsetamálinu er með þeim hætti, að honum
hefði á því augnabliki, verið þörf aðfengins hugrekkis
og andagiftar. Mistök Framsóknar í þessu máli hafa
skaðleg áhrif fyrir stjórnina og hin vandasömu störf
þingsins. Eru væringar og gagnkvæmar ásakanir milli
borgaraflokkanna út af þessu furðulega mágaherhlaupi.
Þá skiptir það miklu máli, fyrir vinnubrögð þingsins, að
hafa til forustu í stærri deildinni, vinsælan verkstjóra vel
fallinn til forustu, en ekki mann, sem vantar flest er með
þarf á þeim vettvangi. Eru líkur til að þessi forseta-
barátta verði nokkuð söguleg, áður en þeim málum
lýkur.