Ófeigur - 15.08.1951, Side 4

4
ÖFEIGUR
ræktunina. Nú fyrir skömmu lét Marshall-stofnunin at-
huga skilyrði fyrir slíkri lántöku, og er fullvíst, að
trúnaðarmaður Vestmanna endurtók fyrri yfirlýsingar
um að hér mundi öruggara í framtíðinni að treysta
á moldina en sjávargagnið. Má vera, að þessum manni
hafi verið kunnugt um, að nokkuð á annað hundrað
bátar innlendir sækja mjög fast í landhelgina með
ýmiskonar botnvörpur nótt eftir nótt og ár eftir ár.
Þar við bætast svo togarar, innlendir og einkum út-
lendir, í hundraðatali, sem reyna að sópa fiskimiðin.
Slík meðferð á miðunum spáir ekki góðu.
*
Ef áburðarverksmiðja sú, sem Bandaríkin ætla nú
að byggja hér á landi, verður að veruleika, og ef Banda-
ríkin leggja auk þess nokkurt fé í ræktun landsins,
mætti svo fara, að talsverð stefnubreyting yrði í við-
horfi landsmanna til atvinnuskilyrðanna í landinu. Fram
að þessu hefur mjög mikið af fjármagni sveitanna
streymt að sjávarsíðunni með landnemum úr sveit-
inni. Síðan hefur ríkisvaldið gert metin enn ójafnari
með því að leggja fé, sem nemur hundruðum milljþna
í veiðiskap og síldarverksmiðjur, og starfrækt þær með
stöðugu tapi. Samhliða þessu eru fiskimiðin rúin með
gegndarlausri rányrkju. Mætti svo fara, að sú kynslóð,
sem nú er að vaxa upp í landinu og er vön að heyra
talað um landbúnað eins og fyrirbæri frá fyrri öldum,
verði áður en kvöldar, framherjar í stórfelldu land-
námi, þar sem amerískar vélar þurrka og slétta landið
og áburðarverksmiðja, reist að mestu fyrir ameríska
fjármuni, hjálpar íslenzkum höndum til að nema og
rækta hin víðlendu mýra, móa og sandaflæmi, sem
enn eru að mestu óbyggð og til lítilla nota.
Sízt er að vanþakka, að ýmsir athafnamenn í ís-
lenzkum kaupstöðum gera nú myndarlegar tilraunir
með stórfelda ræktun í byggðum landsins og hafa mjög
ólík viðfangsefni. Sigurður Ó. Björnsson, prentsmiðju-
stjóri, á Akureyri, hefur keypt jörðina Selland, fremst
í Fnjóskadal og byggt þar einstaklega fallegt einnar hæð-
ar hús, í þeim stíl, sem smekkgóðir menn nota í byggð-
um Kaliforníu. Allt í kring um hinn nýja bæ hefur
Sigurður plantað birki og barrtré, svo að sá trjástofn