Ófeigur - 15.08.1951, Blaðsíða 49

ÖFEIGUR
49
Eldvatnið á almennum skemmtisamkomum.
Grænlendingar gefa áfenginu þetta velvalda heiti.
Áfengisnotkun Islendinga er méiri háttar þjóðarböl.
Hér er á opinberum samkomum, meiri skrílsskapur um
nautn áfengra drykkja heldur en vitað er til í nokkru
landi með sambærilega almenna menningu. Fyrir tveim
árum var eg í Róm á almennri útisamkomu í stór-
um skemmtigarði. Þetta var á uppstigningardag í fögru
veðri. I garðinum var talið að vera mundu á þessum
degi um hundrað þúsund konur, karlar og börn. Ég
lét berast um allan garðinn með mannstraumnum. Allir
voru glaðir að sjá. Þetta var í landi þar sem vín er
haft um hönd daglega á hverju heimili. En þar sá ekki
vín á neinum manni. Þannig á að fara með vín og
ekki öðruvísi. Um sama leyti gerðist heima á íslandi
allólíkt dæmi um óskemmtilega vínnotkun í góðri, sunn-
lenzkri sveit. Fólkið í þessari byggð hafði fyrir nokkr-
um árum komið sér upp myndarlegu samkomuhúsi.
Karlmenn í sveitinni gáfu í þessu skyni 1200 dagsverk
til húsgerðarinnar og sýndu með þeirri fórn mikinn
þroska og lofsverðan áhuga. I góðu veðri þetta sama
sumar var skemmtisamkoma heimamanna í þessu húsi
og seldur aðgangur í sambandi við fjársöfnun til fé-
lagslegra þarfa í sveitinni Þá koma á þetta mannamót
margir drukknir menn úr næstu þorpum og frá höfuð-
staðnum. Þeir géra aðsúg að samkomunni og hleypa
henni upp. Næsta morgun var varla nokkur rúða heil
í öllu húsinu. Hinir ölóðu menn höfðu grýtt húsið og
ráðizt inn í hóp heimamanna, sem skemmti sér með
dansi og söng, en þessir dónar gerðu allt skemmtana-
líf heimamanna að ófæru. Stundum reynir sveitafólk-
ið að setja hina drykkjuóðu menn í poka eða niður
í djúpar heyhlöður, en núverandi ríkisstjórn hefur
óheimilað þá sjálfsvörn, og er það kapítuli út af fyrir
sig. Stundum reynir fólk að bjarga lífi og limum sinna
samkomugesta með því að fá að láni 2—4 lögreglu-
þjóna frá Reykjavík, til að halda friði á mannamót-
um, en það er dýrt, og í því er engin úrlausn. Auk
þess telja slíkir lögreglumenn sér ekki fært að gera
meira en hindra að hinir ölóðu gestir brjóti niður hús
eða limlesti samkomugesti. Þrátt fyrir hóp slíkra lög-
gæzlumanna er eftir mikið af skrílskap hinna drukknu,