Húnavaka - 01.01.2018, Side 35

H Ú N A V A K A 33
HÖSKULDUR BIRKIR ERLINGSSON, Blönduósi:
Maríulaxinn og fleiri til
Ég er búinn að vera með veiðidellu eins lengi og ég man eftir mér. Það er
reyndar ekki svo að ég hafi erft hana frá föður mínum eða móður því hún er
algjörlega áunnin.
Ég er fæddur og uppalinn í Reykjavík, nánar tiltekið í Breiðholtinu en alla
mína æsku og langt fram á unglingsár dvaldi ég hjá afa mínum og ömmu á
Drangsnesi öll sumur. Beið eftir því óþreyjufullur að komast sem fyrst norður
svo að ég kæmist í sauðburð og var illa svekktur ef að ég fékk ekki að taka þátt
í leitum.
Þeir sem þekkja til á Drangsnesi vita að þar er um að ræða hefðbundið
sjávarþorp með bryggju. Ég var ekki hár í loftinu þegar að ég var farinn að
horfa löngunaraugum á bryggjuna því þangað fóru krakkarnir sem voru
orðnir nógu gamlir til að dorga. Afi lagði mér lífsreglurnar, það mátti enginn
fara á bryggjuna nema að vera syndur. Því var ég sendur á sundnámskeið að
Laugarhóli í Bjarnarfirði og þegar ég var farinn að geta bjargað mér þá mátti
ég fara á bryggjuna en aldrei nema undir eftirliti fullorðinna og því að láta vita
af sér fyrst.
Mér er minnisstætt er ég stalst til að fara niður á bryggju áður en að ég varð
syndur í fylgd eldri barna og afi komst að því. Við skulum orða það þannig að
það voru engar líkur á því að ég myndi gera það aftur.
Á bryggjunni var dorgað fyrir kola og marhnút og einstaka sinnum stökk
sjóbleikja á spúninn. Þetta var ævintýraheimur barns og góður grunnur fyrir
Höskuldur Birkir Erlingsson er fæddur 16. júlí 1965 í
Reykja vík þar sem hann ólst upp hjá foreldrum sínum,
Erlingi Birki Ottóssyni frá Borðeyri í Hrútafirði og Gunn-
hildi Höskuldsdóttur frá Drangsnesi. Höskuldur var þó
mörg sumur hjá ömmu sinni og afa á Drangsnesi.
Höskuldur lauk símsmiðanámi hjá Pósti og síma en hóf
störf hjá lögreglunni í Reykjavík 1986 og lauk lögreglu-
skólanámi 1988. Árið 1992 fluttist hann til Hólmavíkur
og starfaði þar til ársins 2001 er hann fluttist búferlum til
Blönduóss og hefur síðan starfað í lögreglunni þar.
Höskuldur er giftur Elínu Rósu Bjarnadóttur og eiga þau
sjö börn úr fyrri hjónaböndum og sex barnabörn.
Á myndinni er Höskuldur með stórlax úr Laxá í Aðaldal.