Húnavaka - 01.01.2018, Qupperneq 38

H Ú N A V A K A 36
komst að því síðar að þessar tvær kýr voru síðustu kýrnar í öllu Ísafjarðardjúpi
og þær þurftu þá endilega að standa ofan á nýju stönginni minni, ja hérna.
Ég sá að það var ekkert frekar fyrir stöngina að gera þannig að ég hélt áfram
að glíma við laxinn sem enn hékk á og var honum landað skömmu síðar. Það
er skemmst frá því að segja að ég fékk einn lax í viðbót en allt á spúninn. Þegar
ég kom heim brosandi út að eyrum og sýndi konu minni aflann, maríulax og
tvo til, þá var víst einnig nokkur skeifa á andliti mínu þegar ég sagði henni að
nýja flugustöngin hefði brotnað.
Ég átti leið síðar um sumarið í verslunina sem seldi mér stöngina og ræddi
þar við sölumanninn sem hafði selt mér hana. Var ég nokkuð niðurdreginn við
söguna en sölumaðurinn sagði við mig að þetta gengi ekki. Auðvitað hefði
þessi stöng átt að vera kýrheld. Svo snerist hann á fæti og kom með nýja handa
mér alveg gjaldfrjálst. Síðar átti þessi verslun eftir að verða gjaldþrota. Hvort
það var vegna gjafmildi sölumannsins veit ég ekki.
Ég átti eftir að reyna nokkur sumrin eftir þetta að ná fyrsta flugulaxinum en
það gekk seint. Ég fékk laxa á spúna, devon og svo á maðk en fyrsti flugulaxinn
ætlaði bara ekki að koma.
Það var ekki fyrr en ég flutti á Blönduós sem hlutirnir fóru að gerast. Eins
og alþjóð veit þá eru nokkrar af bestu laxveiðiám landsins hér á þessu svæði
og góður félagi minn var yfirleiðsögumaður í Miðfjarðará. Bauð hann mér að
koma einn eftirmiðdag og veiða með sér þar sem veiðimaður sem var
væntanlegur ætlaði ekki að koma fyrr en daginn eftir. Ég var yfir mig spenntur
er ég mætti í veiðihúsið í miðdegishlénu því að félagi minn hafði sagt mér að
mikið væri af laxi í ánni og veiðivon því góð. Skyldi fyrsti flugulaxinn koma
núna?
Við áttum Vesturána og byrjuðum neðarlega án þess að fá fisk en urðum
varir samt sem áður. Er við komum á veiðistað rétt neðan við Hlíðarfoss þá
byrjaði ég með rauðan frances nr. 12. Í fyrsta kasti var hann á. Þetta var
fallegur nýgenginn lax, um 4 pund, sem ég landaði. Þar með var fyrsti
flugulaxinn kominn á land og hann var jafnstór maríulaxinum.
Eftir þetta varð ekki aftur snúið, ég var heltekinn. Ég er búinn að veiða víða
Við veiðar á Svæði 2 í Blöndu.