Húnavaka - 01.01.2018, Page 43

H Ú N A V A K A 41
Þegar við komum til Kenía tók við löng röð í vegabréfsáritunina en
flugvöllurinn leit út eins og bílskúr með hitalögnum út um öll loft. Allt gekk vel
og við fengum að komast inn í landið. Úti beið okkar steikjandi hiti og maður
sem við vorum búin að panta far hjá til að keyra okkur á hótelið. Við þurftum
að komast í apótek til að kaupa svokallað „DEET“ sem er öflugt krem til
varnar moskítóflugum.
Bílstjórinn þurfti reyndar að keyra í gegnum megnið af höfuðborginni
Nairobi, til þess að komast í apótekið, sem var bara stór plús fyrir okkur því
við fengum ókeypis útsýnisferð um borgina í leiðinni. Síðan ók bílstjórinn
okkur á hótelið, Wildbeest Eco Camp, sem voru í raun afgirtar tjaldbúðir, þar
sem við náðum að hvíla okkur og borða. Síðan var bara að gera allt klárt fyrir
morgundaginn því þá yrði lagt af stað í safaríferð.
Morguninn eftir vorum við sótt klukkan sex og ekið í miðbæ Nairobi.
Rosaleg umferðarteppa er á þessum tíma og því tók það langan tíma en
hinsvegar var mjög gaman að skoða borgina. Á leiðinni sáum við bæði
fátækrahverfi og auðmannahverfi sem endurspeglaði gríðarlega stéttaskiptingu.
Síðan var okkur fylgt í safaríbílinn sem átti að fara með okkur um Kenía þvert
og endilangt.
Nína Hrefna fæddist í Reykjavík
en ólst upp á Kirkjubæjarklaustri.
Hún er dóttir hjónanna, Lárusar
Bjarna sonar og Birnu Bragadóttur
og er yngst þriggja systra.
Nína flutti með fjölskyldu sinni
norður í land á unglingsaldri og
lauk grunnskólanámi við Húnavalla-
skóla. Síðan lauk hún námi við
hesta- og félagsfræðibraut Fjöl-
brauta skóla Suðurlands árið 2009
en foreldrar hennar búa nú á
Selfossi.
Þessu næst lagði Nína stund á nám við Hólaskóla og útskrifaðist þaðan sem reið-
kennari með bs. gráðu í reiðmennsku og reiðkennslu árið 2015. Sama ár lauk hún einnig
námi sem viðurkenndur bókari.
Friðrik Halldór fæddist á Blönduósi en ólst upp í Austurhlíð og á Brandsstöðum í
Blöndudal. Hann er sonur hjónanna, Brynjólfs Friðrikssonar og Jóhönnu Helgu Hall-
dórs dóttur og er elstur sex systkina. Friðrik stundaði grunnskólanám við Húnavallaskóla.
Því næst útskrifaðist hann árið 2009 frá Fjölbrautaskóla Norðurlands vestra af viðskipta-
og hagfræðibraut. Eftir það lá svo leið hans í Háskólann á Akureyri þar sem hann lauk
bs. gráðu í viðskiptafræði með áherslu á stjórnun og fjármál, árið 2012. Friðrik hefur
mikinn áhuga á tónlist. Hann semur tónlist, hljóðritar hana og gefur út en einnig hefur
hann tónlist að atvinnu.
Friðrik og Nína eignuðust sitt fyrsta barn, dreng, í mars 2018.