Húnavaka - 01.01.2018, Side 90

H Ú N A V A K A 88
SVERRIR HAUKUR HALLDÓRSSON frá Blönduósi:
Póstburður og fyrsta sumarið
mitt í vegavinnu
Sumarhýran dugði þó fyrir nýju hjóli
Fermingarvorið mitt 1957, þá nýorðinn 14 ára gamall, réð ég mig í fyrstu
alvöru vinnuna mína að mér fannst en það var vegavinna. Ég hafði reyndar í
tvö sumur áður borið út póstinn á Blönduósi, sem nú er kallað að vera bréfberi
en það fannst mér ekki alvöru vinna og lélegt var kaupið, allavega fyrra
sumarið.
Það er auðvitað ekki rétt hjá mér því þetta var töluverð vinna og það fyrir
12 og 13 ára strák. Þegar Norðurleiðarútan að sunnan skilaði af sér póstinum
kl. 3-4 seinnipartinn þurfti ég fyrst að sortera allan póstinn, bæði þann sem fór
í sveitirnar og svo innanbæjar á Blönduósi. Síðan þurfti ég að bera út póstinn
beggja megin ár og var oft langt fram á kvöld að þessu. Föstudagarnir voru
erfiðastir en þá komu Ísafold og Vörður sem mjög margir keyptu.
Fyrra sumarið voru launin 365 kr. á mánuði en sumarhýran dugði þó fyrir
nýju hjóli, því alódýrasta sem þá var á markaðnum en það var Möve-hjól
keypt í Kaupfélaginu að mig minnir og kostaði rúmar 800 kr.
Útburðurinn var mér dálítið erfiður þar til ég gat keypt mér hjólið og varð
ég að fá að láni stórt karlmannshjól en þar sem ég var frekar lítill eftir aldri
náði ég ekki niður á pedalana ef ég sat í hnakknum. Varð ég því að hjóla undir
slá með allan póstinn á bakinu og bögglaberanum. Ég var því orðinn hálf
skakkur og bakveikur þegar þessum tíma lauk.
Möve eigendur voru nú ekki hátt skrifaðir hjá DBS eigendum, keyptum hjá
Sverrir Haukur Halldórsson er fæddur á Blönduósi.
Hann er sonur hjónanna Halldórs Albertssonar kaup-
manns þar á staðnum og Kristjönu Guðmundsdóttur.
Hann ólst upp á Blönduósi ásamt fjórum systkinum og
gekk þar í Barna- og unglingaskólann. Hann flutti til
Reykjavíkur innan við tvítugt og stundaði sjómennsku í
nokkur ár en hóf síðan störf hjá Landsíma Íslands og
starfaði þar í rúm 40 ár, fyrst sem línumaður og síðar
rafeindavirki. Sverrir er kvæntur Dýrunni Steindórsdóttur
og eiga þau tvær dætur.