Húnavaka - 01.01.2018, Qupperneq 120

H Ú N A V A K A 118
tengja þessa viðburði biðskákinni og jafnvel velgengni í mótinu eftir það. En
eins og áður er sagt sá hann strax nýja leið morguninn eftir, sem tryggði
honum jafntefli í biðstöðunni þótt hann hefði áður talið hana tapaða. Þarna
var lagður grunnur að þeim sinnaskiptum Jóns sem hann lýsir svo: „Nú get ég
ekki neitað lengur. Ég var ekki einn í ráðum.“
Sannfæring Jóns hafði auðvitað einhver áhrif á mig. En fyrir mína parta sá
ég heldur ekki neina bresti í þessari frásögn sem gefa tilefni til þess að draga
hana í efa.
Jón ræddi það aldrei við mig hversu mörgum eða hverjum hann ætlaði að
segja þessa sögu utan fjölskyldunnar. Ef til vill engum nema mér. Ég bara veit
það ekki. Það barst heldur aldrei í tal á milli okkar hvort fara skyldi með þessi
mál sem trúnaðarmál eða hvort heimilt væri að segja frá þeim opinberlega. Ég
fór því frekar varlega með þessa frásögn en sagði þó Sigurði H. Péturssyni, sem
ég bað ítrekað um að leita hvort hann fyndi ekki skrifbókina þar sem hann
skráði skákir sínar á minningarmótinu. Því miður tókst það ekki og taldi
Sigurður líklegt að bókin hefði glatast í flutningum en gaman hefði verið að sjá
í góðu tómi skák hans við Jón Hannesson, ekki síst biðstöðuna og framhald
hennar. Ég sagði þetta einnig Jóni Torfasyni skákmeistara sem fannst frásögn-
in það merkileg að hún þyrfti að koma fyrir almenningssjónir. Ég sagðist í
sjálfu sér ekki hafa beðið um neina heimild til þess en lét þess getið að betra
væri að hafa samband við ekkju Jóns, Ástu Magnúsdóttur. Það gerði hann
veturinn 2016 og þá staðfestir hún veigamikla þætti í minni frásögn.
Að sjálfsögðu hafa þessi atvik öll verið rædd innan fjölskyldunnar en þess
má geta að Jón blandaði aldrei Ástu konu sinni inn í samtal sitt við mig.
Hér lýkur frásögn Pálma. Ásta Magnúsdóttir, kona Jóns, nú til heimilis að Kirkjuhvoli á
Hvolsvelli, staðfesti þessa frásögn þegar ég átti tal við hana veturinn 2016. Hana minnir
að þær Stella hafi setið saman í eldhúsinu og verið að spjalla saman, eftir að Jón var
genginn til hvílu, þegar Stella sá svip af manninum í stofunni og þaut inn til föður síns.
Eins og Pálmi rekur átti Jón Hannesson mjög glæsilegt mót og sigraði örugglega í þessu
fyrsta minningarmóti Jónasar og Ara, hlaut 7 vinninga af 9 mögulegum. Næstir komu
Sævar Bjarnason og Jón Torfason með 6 en síðan Sigurður H. Pétursson áðurnefndur,
Hjörleifur Halldórsson og Gylfi Þórhallsson með 5 vinninga.
JT.