Húnavaka - 01.01.2018, Side 190

188
VEÐRÁTTAN.
Árið heilsaði með fremur hlýjum suðlægum áttum en oft töluverðum vind -
strekkingi. Undir lok janúar varð hægara. Úrkomulítið var í mánuðinum og
nánast snjólaust í byggð. Jörð var víða klakalaus og færð á vegum góð. Áfram
var svipað tíðarfar lengst af í febrúar en kólnaði þó nokkuð undir lok mán-
aðarins og var það vel, því gróður var byrjaður að lifna í betri túnum.
Mars fremur hægviðrasamur og þannig tíðindalítill. Færð á vegum lengst af
með ágætum og útigangshross áttu góða ævi. Í apríl var nokkuð skakviðrasamt
og fremur svalt þar til að undir lok mánaðarins gerði afar hlýja daga og kom
hraður og góður vorbati. Austlægar áttir voru óvenju ríkjandi í maí með hæfi-
legri úrkomu og oft hlýju veðri, einkanlega inn til héraðsins, svo öllum gróðri
miðaði hratt fram. Sauðburðartíð var með ágætum og lambfé sleppt eftir
hendinni. Hvassara og kaldara var í útsveitum. Í lok mánaðarins gekk í miklar
rigningar og blotnaði jörð mjög og stóð það veðurlag fram yfir mánaðamótin.
Upp úr hvítasunnu gekk til norðanáttar og kólnaði. Fljótlega gekk aftur til
austlægra átta og var oft strekkings hvasst í utanverðu héraðinu sem gerði það
að verkum að gæftir voru stopular og erfiðlega gekk að sinna æðarvarpi.
Fyrstu bændur hófu slátt um 10. júní. Þurrkar voru stopulir og rigndi eitt-
hvað flesta sólarhringa og gekk svo fram í júlí. Grasspretta var góð og gekk
heyskapur furðu vel, þökk sé rúllutækninni en þurrheyskapur, eins og tíðkaðist
fyrir fáum áratugum, hefði gengið mjög erfiðlega. Eftir miðjan júlí kom óvenju
hlý vika og fór hiti þá flesta daga yfir 20 stig, allavega í innsveitum.
Ágúst reyndist sæmilega veðragóður en úrkomusamur, einkanlega seinni
Fréttir og fróðleikur
Sólarlag á Blönduósi. Ljósm.: Gyða Ölvisdóttir.