Húnavaka - 01.01.2018, Qupperneq 227

225
Bókasafnið heldur úti Facebooksíðu þar sem birtar eru fréttir og myndir.
Safn kostur er mikið tölvuskráður og upplýsingar aðgengilegar á www.leitir.is.
Katharina A. Schneider, forstöðumaður.
KARLAKÓR BÓLSTAÐARHLÍÐARHREPPS.
Starf Karlakórs Bólstaðarhlíðarhrepps var viðburðaríkt á ár -
inu svo ekki sé meira sagt. Eftir þrotlausar æfingar frumflutti
kórinn verkefnið „Bó og meira til“, á fyrri hluta ársins við
góðar viðtökur. Voru tónleikar haldnir á Blönduósi, Hvammstanga og svo í
Miðgarði í Skagafirði og voru þeir vel sóttir.
Í apríl tók kórinn þátt í Heklumóti á Dalvík ásamt fjölda annarra karlakóra
af norðurhluta landsins sem teygir sig frá Vestfjörðum og austur á Hérað.
Mjög skemmtilegt, frábær dagskrá ásamt hátíðarkvöldi.
Samkvæmt venju er rólegt hjá kórnum yfir sumarið, þó höldum við ávallt
okkar hátíðargrill í júní en þess utan er venjan að hvíla starfið þar til í október.
Nema núna! Kórnum var boðið að taka þátt í nýjum þætti á Stöð 2 sem myndi
bera nafnið „Kórar Íslands“. Fyrsti þáttur átti að vera í byrjun september.
Nú voru góð ráð dýr, bændur á fjöllum og ekki varð séð að við næðum að
manna kórinn nema þannig að enginn mætti detta út. Það fór þó svo að við
náðum í mannskap og mættum galvaskir í fyrsta þáttinn suður á Kefla-
víkurflugvöll í stærðar skýli sem búið er að endurgera sem stúdíó á vegum
Sagafilm. Þeirri ferð lauk þannig að kórinn okkar komst áfram eftir að hafa
sungið „Í fjarlægð“ og þurfti því að mæta í undanúrslit.
Þá var farið að fjölga verulega í kórnum. Í undanúrslitaþættinum söng
kórinn lagið „Gæfa hestamannsins“ sem samið er af stjórnanda kórsins,
Skarphéðni Einarssyni og tenórnum Benedikt Blöndal. Okkur til mikillar gleði
þá komumst við einnig áfram og því voru úrslit framundan.
Karlakór Bólstaðarhlíðarhrepps fagnar sigri.