Húnavaka - 01.01.2018, Side 231

229
Aðalfundur var haldinn 27. apríl og voru þar hefðbundin aðalfundarstörf.
Félagið bauð til 1. maí fagnaðar að vanda. Húsfyllir var í Félagsheimilinu á
Blönduósi og góð dagskrá með söng og tónlistaratriðum. Ræðumaður var
Hólmfríður Bjarnadóttir, fyrrverandi stjórnarkona í Stéttarfélaginu Samstöðu.
Dagana 29.-31. maí var útvíkkaður formannafundur ásamt SGS-ung,
haldinn á Hótel Laugarbakka. Vorum við gestgjafar á þessum fundum og
kynntum okkar heimahéruð í mat og kryddi.
Vinnustaðaeftirlitsferðir voru farnar nokkuð ört til að ganga úr skugga um
hvort fyrirtæki séu með vinnustaðarskírteini og ráðningarsamninga í lagi.
Ástandið var nokkuð gott og yfirleitt tekið vel á móti okkur. Lítið atvinnuleysi
er á svæðinu og helstu kvartanir eru mannekla og húsnæðisskortur.
Samstaða bauð félagsmönnum frítt á þrjú námskeið hjá Farskólanum,
snemma vors og önnur þrjú á haustönn. Mæltist það vel fyrir. Félagsmenn
hafa líka verið duglegir að sækja um fræðslustyrki sem félagið á aðild að.
Þann 8. nóvember var haldinn sameiginlegur stjórnarvinnufundur á
Blönduósi með Öldunni stéttarfélagi í Skagafirði og Verslunarfélagi Skagafjarð-
ar. Fundurinn var haldinn til að vega og meta kosti eða galla sameiningar
félaganna á atvinnusvæðinu.
Stjórn Samstöðu skipa: Guðmundur Finnbogason, Aðalbjörg Valdi mars -
dóttir, Stefanía A. Garðarsdóttir og Vigdís Þorgeirsdóttir, ásamt fimm deild-
arformönnum. Félagsmenn Samstöðu eru um 800 talsins.
Guðmundur Finnbogason, formaður.
VATNSDÆLA Á REFLI.
Refillinn mjakast áfram en hingað til hafa tæplega 3 m saumast á hverju ári
frá 2011. Í lok ársins var nánast búið að
sauma 18 m af reflinum. Frá upphafi hafa
1836 nöfn unnið að útsaumi í 4.334 klst.,
þar af 129 nöfn sem saumuðu í 338 klst.
á þessu ári. Sumir gestir koma auðvitað
oftar en aðrir. Það er mjög ánægjulegt
hversu margir hafa áhuga á að setja spor
sín í refilinn og um leið leyfa honum að
mjakast áfram.
Fyrstu tvær teikningarnar eru full-
kláraðar og þriðja teikning nánast full-
kláruð. Ingimundur er sestur að og þar er
komið í sögunni að þau Kolbeinn, Ljót og
Hrollleifur eru kynnt til sögunnar. Næsta
teikning sýnir veiðideilur við Vatnsdalsá
og verður spenn andi að fá áhugasama til
að sauma í fyrstu skráðu veiðideilu lands-
ins. Húnavatn. – Hluti refilsins.