Morgunblaðið - 27.06.2019, Side 58

FÓTBOLTI
Andri Yrkill Valsson
yrkill@mbl.is
„Ég er að koma heim reynslunni rík-
ari,“ sagði knattspyrnumaðurinn Gísli
Eyjólfsson í samtali við Morgunblaðið í
gær, en þá var tilkynnt að hann væri
kominn aftur heim í Breiðablik eftir
lánsdvöl hjá sænska B-deildarliðinu
Mjällby.
Gísli, sem er 25 ára gamall, átti raun-
ar að vera úti allt tímabilið og var búinn
að vera í byrjunarliðinu í níu af 14 leikj-
um liðsins sem er í öðru sæti deild-
arinnar. Þjálfarinn Milos Milojevic,
sem þjálfaði Víking R. og Breiðablik
hér á landi, tjáði honum hins vegar að
félagið ætlaði að finna annan leikmann í
stöðuna.
„Ég átti gott spjall við Milos og það
var tekin sameiginleg ákvörðun, þeir
höfðu ekki mikinn áhuga á að klára
lánssamninginn og ég hafði þá heldur
ekki áhuga á að vera áfram ef ég myndi
spila minna. Það var til mikils ætlast af
mér, en svo var ég bara meðalleik-
maður sem gerði engar rósir og skoraði
ekki einu sinni mark,“ sagði Gísli, sem
sló í gegn með Blikum í fyrra.
„Svíarnir eru miklu skipulagðari og
það er minna um einstaklingsframtak,
sem er meira hérna heima. Maður fær
minni tíma á boltann og slíkt. Ég hefði
getað gert betur og aðlagast hraðar,
en það fór sem fór. Ég lærði samt
mjög mikið á þessu hálfa ári úti og
held að ég sé mun þroskaðri og betri
manneskja eftir þennan tíma.“
„Ekki séns“ að fara beint í liðið
Breiðablik er í harðri toppbaráttu,
stigi á eftir KR, og Gísli verður lögleg-
ur með Blikaliðinu þegar þau mætast á
mánudag. Á hann von á því að komast
beint í liðið hjá Blikum?
„Nei, ekki séns. Ég spilaði 90 mín-
útur fyrir þremur dögum en þarf
örugglega að sætta mig við bekkjar-
setuna til þess að byrja með enda eru
margir sem standa sig vel. En ég ætla
sannarlega að koma mér inn í liðið og
gera einhverja hluti hérna,“ sagði
Gísli, sem er ekkert búinn að huga að
næstu skrefum.
„Ég ætla aðeins að anda hérna
heima fyrst og á von á barni í desem-
ber. Ég ætla að vinna bikar með
Breiðabliki, það er óklárað verk hjá
mér síðan í fyrra, og svo tek ég bara
stöðuna þegar þar að kemur.“
Á óklárað verk
eftir með Blikum
 Gísli Eyjólfsson snúinn aftur heim
Morgunblaðið/Eggert
Heimkoma Gísli Eyjólfsson sló í gegn með Blikum og ætlar sér nú titil.
58 ÍÞRÓTTIR
MORGUNBLAÐIÐ FIMMTUDAGUR 27. JÚNÍ 2019
Vandaðir kælivökvar fyrir málmvinnslu
FOSSBERG
Dugguvogi 6 • 104 Reykjavík • www.fossberg.is • 5757600
 Hornamaðurinn Bjarki Már Elísson
er í úrvalsliði 5. og 6. umferðar í
undankeppni EM karla en Evrópska
handknattleikssambandið hefur valið
bestu leikmennina úr þessum tveimur
síðustu umferðum undankeppninnar.
Bjarki skoraði ellefu mörk í seinni hálf-
leik gegn Tyrkjum í Laugardalshöll en
Ísland gulltryggði sér þar sæti í loka-
keppninni.
 Kvennalið Hauka í körfuknattleik
hefur fengið til liðs við sig bandaríska
leikmanninn Brooke Wallace. Hún er
22 ára gömul, leikur sem miðherji og
er 188 cm á hæð. Hún lék með há-
skólaliði Kentucky State síðasta vetur
og var þar með 13 stig og 11 fráköst að
meðaltali í leik.
 Svíinn Ola Lindgren hefur verið
ráðinn þjálfari karlalandsliðs Finna í
handknattleik. Hann hætti störfum
sem þjálfari Kristianstad í Svíþjóð í
janúar eftir að hafa unnið fjóra meist-
aratitla með liðinu á sjö árum. Hann
var landsliðsþjálfari Svía ásamt Staff-
an Olsson á árunum 2008 til 2016.
Eitt
ogannað
KNATTSPYRNA
Mjólkurbikar karla, 8-liða úrslit:
Kaplakriki: FH – Grindavík ................ 19.15
Kópavogsvöllur: Breiðablik – Fylkir .. 19.15
Meistaravellir: KR – Njarðvík ............ 19.15
1. deild karla, Inkasso-deildin:
Varmárvöllur: Afturelding – Grótta ... 19.15
Nettóvöllur: Keflavík – Leiknir R ...... 19.15
2. deild karla:
Sauðárkr.: Tindastóll – Völsungur...... 19.15
3. deild karla:
Valsvöllur: KH – KV ............................ 19.15
Borgarnes: Skallagrímur – Kórdrengir.. 20
Sindravellir: Sindri – Höttur/Huginn...... 20
Í KVÖLD!
Helena Rut Örvarsdóttir, landsliðs-
kona í handknattleik, er gengin til
liðs við SönderjyskE sem leikur í
dönsku B-deildinni. Helena lék með
Dijon í efstu deild Frakklands
seinni hluta síðasta tímabils en áður
hálft annað ár með Byåsen í norsku
úrvalsdeildinni. Helena er 25 ára
gömul rétthent skytta og lék áður
með Stjörnunni. SönderjyskE hafn-
aði í öðru sæti dönsku B-deild-
arinnar í vetur en féll út í undan-
úrslitum umspils um sæti í úrvals-
deildinni þar sem liðið hefur lengst
af leikið undanfarin ár.
Helena komin
til Danmerkur
Morgunblaðið/Eggert
Danmörk Helena Rut Örvarsdóttir
er komin í þriðja landið á einu ári.
Sigurður Gunnar Þorsteinsson, sem
var í stóru hlutverki hjá ÍR í úrvals-
deildinni í körfuknattleik í vetur, er
búinn að semja við franska C-
deildarfélagið Orchies um að leika
með því á næsta keppnistímabili.
Þetta er mikil blóðtaka fyrir ÍR-
inga sem áður misstu Matthías
Orra Sigurðarson í KR en þeir töp-
uðu fyrir KR í úrslitaeinvíginu um
meistaratitilinn í vor þar sem Sig-
urður og Matthías voru lykilmenn.
Sigurður, sem er þrítugur miðherji,
hefur áður leikið sem atvinnumað-
ur í Grikklandi og Svíþjóð.
Sigurður fer
til Frakklands
Morgunblaðið/Eggert
Frakkland Sigurður Gunnar Þor-
steinsson er farinn frá ÍR.
Halldór Örn Tryggvason verður aðalþjálfari karlaliðs
Þórs í handknattleik á komandi keppnistímabili. Geir
Sveinsson verður faglegur ráðgjafi handknattleiks-
deildar Þórs og stýrir uppbyggingarstarfinu. Þetta til-
kynntu Þórsarar í gær og leiðréttu með því upphaflega
frétt af heimasíðu sinni sem birtist þar í fyrrakvöld og
var á þá leið að Halldór og Geir yrðu í sameiningu þjálf-
arar Þórsliðsins. Geir er búsettur í Þýskalandi en verður
Halldóri innan handar þaðan og sagði við mbl.is í gær að
hann kæmi hugsanlega einnig nokkrum sinnum til
Akureyrar vegna starfsins næsta vetur.
Þór hefur tekið við af liði Akureyrar sem féll úr
úrvalsdeildinni í vor. Geir var þar aðalþjálfari seinni hluta tímabilsins en
var þá ráðinn í stað Sverre Jakobssonar.
Ráðgjafi en ekki þjálfari
Geir
Sveinsson
Stefán Gíslason er óvænt hættur sem þjálfari karlaliðs
Leiknis R. í knattspyrnu. Þessi fyrrverandi atvinnu- og
landsliðsmaður, sem starfað hefur sem þjálfari síðustu
ár, hefur ákveðið að taka við þjálfarastarfi í Belgíu.
Frá þessu var greint í fréttatilkynningu frá Leikni í
gær en ekki er ljóst hvaða starfi Stefán tekur við. Hann
lék með OH Leuven í Belgíu á síðustu tveimur árum at-
vinnumannsferilsins, til ársins 2014, eftir að hafa einnig
leikið í Noregi, Danmörku og Austurríki.
Stefán tók við Leikni í fyrrahaust eftir að hafa áður
þjálfað Hauka. Leiknir er í 7. sæti í 1. deild eftir átta um-
ferðir. Sigurður Heiðar Höskuldsson, sem verið hefur
aðstoðarþjálfari Leiknis, tekur nú við sem aðalþjálfari liðsins og er leit haf-
in að nýjum aðstoðarþjálfara.
Stefán snýr aftur til Belgíu
Stefán
Gíslason
Handknattleiksmarkvörðurinn Sveinbjörn Pétursson
sem hefur varið mark Stjörnunnar undanfarin þrjú ár
hefur ákveðið að leggja skóna á hilluna. Í viðtali við
hann á mbl.is í gær kom fram að hann hefði glímt við
bakmeiðsli síðan hann lenti í bílslysi í fyrravetur og það
væri aðalástæðan fyrir þessari ákvörðun. „Ég reyndi að
harka af mér á síðasta tímabili en nú get ég ekki meira,“
sagði markvörðurinn m.a. í viðtalinu.
Sveinbjörn er 30 ára gamall, uppalinn Þórsari og lék
með HK og Akureyri og þá lék hann með þýska liðinu
Aue undir stjórn Rúnars Sigtryggssonar, þjálfara
Stjörnunnar, frá 2012-16 áður en hann gekk í raðir
Garðabæjarfélagsins. Hann á ellefu leiki að baki með íslenska A-landslið-
inu. gummih@mbl.is
Hættur af völdum bílslyss
Sveinbjörn
Pétursson