Morgunblaðið - 27.06.2019, Síða 64

64 MENNING
MORGUNBLAÐIÐ FIMMTUDAGUR 27. JÚNÍ 2019
www.gilbert.is
VELDU ÚR MEÐ SÁL
101 Afmælisútgáfa
Ragnheiður Birgisdóttir
ragnheidurb@mbl.is
Íslenska tónlistarkonan Sara Pét-
ursdóttir, betur þekkt sem Glowie,
samdi við útgáfurisann Columbia
Records fyrir rúmum tveimur árum
og nú hefur fyrsta EP-plata hennar,
„Where I Belong“, litið dagsins ljós.
Glowie flutti til London til þess að
sinna starfi sínu í byrjun júní á síð-
asta ári. „Ég tók þá ákvörðun af því
að það var orðið mikið að gera úti og
orðið dýrt að fljúga endalaust fram
og til baka. Svo er líka gott að kynn-
ast kúltúrnum og tónlistinni hérna
úti og bara vera nálægt fólkinu sem
ég er að vinna með. Það gerði allt
miklu auðveldara og ég held að
þetta hafi verið hárrétt ákvörðun.
Þetta er líka búið að vera ótrúlega
gaman.“
Um lífið í London segir Glowie:
„Stundum koma dagar þar sem er
brjálað að gera og stundum koma
margir dagar í röð þar sem það er
lítið að gera. Þá fæ ég tækifæri til að
hafa það náðugt og næ kannski að
fara í stutta ferð til Íslands til þess
að hitta fjölskylduna.“
Búin að kynnast frábæru fólki
Glowie segir að síðustu tvö ár hafi
einkennst af mikilli tilraunastarf-
semi. „Ég er búin að vera að vinna
með mismunandi fólki, kynnast öll-
um þessum frábæru lagahöfundum
og upptökustjórum og prófa mig
áfram.“ Í upphafi ferlisins vann Glo-
wie með Pálma Ragnari Ásgeirssyni
en nú hefur fjölgað í hópi samstarfs-
fólks. „Ég er búin að finna fleiri sem
mér líkar rosalega vel við. Ég er til
dæmis að vinna mjög mikið með
góðu fólki frá Stokkhólmi. Ég er líka
rosalega hrifin af stelpu sem heitir
Tayla Parx. Við spjöllum mikið sam-
an og finnum hugmyndir að nýjum
lögum. Það er gott að velja sér fólk
sem maður treystir, þekkir vel og
líður vel með.“
Glowie lýsir því að þegar hún hafi
skrifað undir samninginn við Col-
umbia Records fyrir rúmum tveim-
ur árum hafi hún lítið vitað hvernig
tónlistarbransinn virkaði. „Þetta var
allt rosalega flókið en ég var með
mikið af góðu fólki í kringum mig.
Ég er með góðan lögfræðing sem ég
treysti. Þetta er ekki samningur sem
bindur mig of lengi og að sögn lög-
fræðingsins míns er þetta mjög góð-
ur samningur.“
Rússíbani síðustu tvö ár
Söngkonan segir samninginn við
Columbia Records hafa verið frá-
bært tækifæri. „Ég er enn þá að
reyna að koma mér niður á jörðina,
þetta er svo ótrúlegt. Þetta er frá-
bært fólk og frábært fyrirtæki.“
Hún segist hafa haft sterka hug-
mynd um hvernig svona stórt út-
gáfufyrirtæki í útlöndum kæmi fram
við listamenn en svo hafi reynslan
reynst önnur. „Ég hafði heyrt svo
margar hryllingssögur um hvernig
þetta virkaði. Þetta er auðvitað
þannig sums staðar en mín reynsla
með Columbia Records er að þau
styðja við bakið á mér, vilja vita
hvernig mér líður, hvort ég sé
ánægð með það sem við erum að
gera og hvað mig langar að gera.
Mér finnst æðislegt að þau vilji hug-
myndir frá mér,“ segir Glowie.
„Fyrstu tvö árin eru búin að vera
svolítill rússíbani af því að það hefur
tekið mig tíma að læra á bransann,
hvernig það er að vinna með öðru
fólki í svona stóru útgáfufyrirtæki.
Samstarfið er komið á rosalega góð-
an stað í dag, við erum alveg komin í
takt og það gengur ótrúlega vel.“
Þegar Glowie var að byrja að
syngja, um 9 ára gömul, hafði hún
stóra drauma um söngferil. „Ég var
ekkert að hugsa um hvað væri
mögulegt og hvað ekki. Ég vissi að
ég ætlaði að verða söngkona í fram-
tíðinni og var með hausinn í skýj-
unum. En á unglingsárunum var ég
að kljást við kvíða og þunglyndi og
var búin að gefast upp á þessum
stóru draumum.“ Hún segir að vin-
konur sínar hafi hvatt sig til þess að
taka þátt í Söngkeppni framhalds-
skólanna árið 2014 og hún látið til-
leiðast. „Það var góð ákvörðun því
það opnaði rosalega margar dyr og
þá hófst það ferli að verða sú sem ég
er í dag. Þetta var mjög óvænt.“
Glowie segist oft vera spurð um
framtíðarmarkmið sín og drauma en
segist ekki velta sér mikið upp úr
slíku. „Ég er rosalega ánægð með
það sem ég er að gera í dag; að búa í
London, vera sjálfstæð og vinna í
tónlistinni minni. Svo ég er bara að
einbeita mér að því sem ég er að
gera núna og ekkert mikið að hugsa
um framtíðina. Mig langar að halda
áfram að gera það sem ég er að gera
af því að það veitir mér svo mikla
hamingju.“
Segir sögu sem skiptir máli
Á glænýju EP-plötunni er að
finna úrval af því sem Glowie hefur
unnið að undanfarin tvö ár. „Við er-
um búin að prófa ýmislegt. Við end-
uðum með fullt af lögum sem voru
frekar ólík og okkur langaði bara að
gefa eitthvað út og sýna fólki að
hverju við höfum verið að vinna,“
segir Glowie og bætir við: „Ég valdi
lög sem passa best við minn per-
sónuleika og minn stíl og myndu
segja einhverja sögu sem skiptir mig
máli.“
Á EP-plötunni er að finna eins
konar þroskasögu söngkonunnar. „Í
fyrsta laginu, „Where I Belong“, er
ég svolítið einmana og berskjölduð.
Svo fæ ég meiri útrás fyrir reiði í
næsta lagi, „Cruel“. Í þriðja laginu,
„Who’s Gonna Stop Me“, er ég búin
að losna við reiðina og leyfi engum
að stoppa mig í því sem ég er að
gera. Fjórða lagið, „Body“, er um að
elska sjálfan sig, vera sáttur við sig
og sinn líkama. Með síðasta lagi
plötunnar, „I’m Good“, þá læt ég alla
vita að ég sé á góðum stað, ég þurfi
ekki að fylgja neinum reglum heldur
ætli ég bara að vera ég. Mér finnst
skemmtilegt að það verði svona
flæði í gegn. Í byrjun er maður brot-
inn en svo finnur maður sjálfs-
traustið aftur,“ segir Glowie.
Milli allra laganna á plötunni
koma stuttir millikaflar þar sem Glo-
wie talar til hlustenda. „Þegar ég var
að setja þessi lög saman og var að
ákveða í hvaða röð þau ættu að vera
þá langaði mig að byggja ákveðinn
heim í kringum plötuna og gera eitt-
hvað sem myndi binda hana saman
og koma skilaboðunum enn frekar á
framfæri. Ég fór í gegnum alls kon-
ar upptökur og viðtöl sem ég átti og
fann brot sem ég gat notað.“
Glowie segist vera að vinna að
nýju efni og muni bráðlega taka upp
nýtt tónlistarmyndband. „Það má
búast við nýju efni í lok sumars. Við
skulum bara segja það. Ég vil ekki
segja of mikið.“
Hitar upp fyrir Ed Sheeran
Glowie mun hita upp fyrir tónleika
Ed Sheeran á Laugardalsvelli 10. og
11. ágúst ásamt hinum vinsælu tón-
listarmönnum Zöru Larsson og
James Bay. „Það er mjög spennandi.
Ég mun eyða talsverðum tíma í að
skipuleggja þetta og gera það eins
flott og ég get.“
Söngkonan segist telja það vera
kost að hafa alist upp á Íslandi. „Mér
finnst eins og það sé meira frelsi á
Íslandi til þess að vera skapandi,
gera eitthvað öðruvísi og taka
áhættu. Það eru ekki jafn margar
reglur og hérna úti, þar sem maður
þarf að reyna að fitta inn. Ísland er
góður staður til þess að finna sig
sem listamann.“
Það er hægara sagt en gert að
skara fram úr í tónlistarbransanum
og því fylgir mikil samkeppni. „Ég
finn alveg fyrir samkeppni. Það er
alltaf þannig í tónlistarbransanum.
En persónulega þá finnst mér það
ótrúlega leiðinlegt. Það er svo mikil
tímasóun. Mér finnst að listamenn
ættu frekar að vera vinir og hvetja
hver annan áfram í staðinn fyrir að
vera alltaf að bera sig saman. Það er
miklu skemmtilegra að gera þetta
saman frekar en að vera alltaf í ein-
hverri keppni um vinsældir.“ Glowie
leggur áherslu á að maður eigi að
vera maður sjálfur. „Við erum öll svo
ólík og eigum ekki að vera að herma
eftir hvert öðru til þess að ná sama
árangri. Allir eiga að geta verið þeir
sjálfir og gert það sem þeir vilja og
svo eigum við bara að styðja hvert
annað og vera góð hvert við annað.“
Allir eiga að mega vera þeir sjálfir
 Tónlistarkonan Glowie gefur út EP-plötuna „Where I Belong“ hjá útgáfurisanum Columbia
Records  Flutti til London til að sinna tónlistinni  „Þetta er búið að vera ótrúlega gaman“
Söngkona „Mig langar að halda áfram að gera það sem ég er að gera af því að það veitir mér svo mikla hamingju.“