Skessuhorn - 20.12.2017, Síða 22

MIÐVIKUDAGUR 20. DESEMBER 201722
Fjárhagsáætlun Akraneskaupstað-
ar fyrir árið 2018 og þriggja ára
áætlun 2019 til 2021 var samþykkt
á fundi bæjarstjórnar Akraness 12.
desember síðastliðinn. Einnig var
fjárfestinga- og framkvæmdaáætl-
un samþykkt. Í tilkynningu frá
bæjarstjórn segir: „Sterkari fjár-
hagstaða verður nýtt til eflingar
þjónustu við íbúa og uppbyggingu
innviða í fjárhagsáætlun Akranes-
kaupstaðar 2018.“ Fjárhagsáætlun
bæjarsjóðs fyrir rekstrarárið 2018
gerir ráð fyrir að rekstrarafgangur
muni nema 242 milljónum króna í
árslok og yrði það mesti rekstrar-
afgangur við fjárhagsáætlanagerð á
þessu kjörtímabili.
Miklar framkvæmdir
framundan
Þrátt fyrir að áætlun geri ráð fyr-
ir rekstrarafgangi eru miklar fram-
kvæmdir á áætlun bæjarstjórnar.
Meðal framkvæmda á árinu 2018
eru gatnaviðgerðir við Esjubraut
frá Þjóðbraut að svokölluðu spæl-
eggi, niðurrif Sementsverksmiðj-
unnar, bygging fimleikahúss við
Vesturgötu, bygging frístundahúss
við Garðavöll, uppbygging á Dal-
brautarreit og Skógarhverfi, fram-
kvæmdir við Guðlaugu á Langa-
sandi, kláruð verður hönnun Jað-
arsbakkasvæðis og endurbætur
gerðar í Brekkubæjarskóla svo fátt
eitt sé nefnt. Áætlað er að setja um
3,1 milljarð króna í fjárfesting-
ar og framkvæmdir á næstu fimm
árum án þess að taka lán.
Skuldaviðmið lækkar
Skuldir bæjarsjóðs munu áfram
fara lækkandi samkvæmt áætlun
bæjarstjórnar og er m.a. gert ráð
fyrir því að skuldir samstæðu við
lánastofnanir muni lækka um rúm-
ar 658 m.kr. frá árslokum 2017
til ársloka 2021 og að heildar-
skuldir og skuldbindingar samtals
muni lækka um rúmar 434 m.kr. á
sama tímabili. „Akranes mun halda
áfram að vera vel innan þeirra fjár-
hagslegu viðmiða sem gerð eru til
sveitarfélaga, þ.e. að rekstrarjöfn-
uður síðustu þriggja ára (saman-
lögð rekstrarafkoma á þriggja ára
tímabili) verður jákvæður sem
nemur 1.075 m.kr. í árslok 2017
mun nema 1.243 m.kr. í árslok
2018. Fjárhagsáætlunin gerir jafn-
framt ráð fyrir því að rekstrar-
jöfnuður muni nema rúmum 983
m.kr. í árslok 2021 þrátt fyrir um-
talsverðar fjárfestingar í innviðum
bæjarins á þeim tíma,“ segir í frétt
Akraneskaupstaðar.
Skuldaviðmið sveitarfélagsins,
þ.e. heildarskuldir og skuldbind-
ingar A- og B- hlutans sem hlutfall
af reglulegum tekjum mun einnig
fara lækkandi samkvæmt fjárhags-
áætlun bæjarins. Áætlað skuldavið-
mið sveitarfélagsins í árslok 2017
mun nema 70,8% en hámark sveit-
arfélaga er 150% af reglulegum
tekjum þess. Fjárhagsáætlun Akra-
nes gerir ráð fyrir því að skuldavið-
miðið fari áfram lækkandi og muni
nema rúmum 50% í lok árs 2021.
Veltufjárhlutfall samstæðunnar er
mjög sterkt og nemur 1,8 en veltu-
fjárhlutfall segir til um hversu vel í
stakk búið sveitarfélagið er til þess
að mæta nauðsynlegum greiðslum
á næstu 12 mánuðum og á helst
ekki að vera undir 1,0 til lengri
tíma litið. Veltufjárhlutfall sveit-
arfélagsins mun þá fara lækkandi
á tímabili fjárhagsáætlunarinnar í
samræmi við aukna fjárfestingu en
verður þó áfram yfir 1,0 og áætlað
er að veltufjárhlutfallið nemi 1,3 í
árslok 2021.
Óbreytt útsvar
Í fjárhagsáætlun næsta árs er gert
ráð fyrir óbreyttu útsvari á árinu
2018, eða 14,52% og að gjaldskrár
hækki í samræmi við áætlaða vísi-
töluhækkun neysluverðs, eða um
2,2%. Sorphreinsunar- og eyð-
ingargjald verður óbreytt á árinu
2018 og álagningarprósentur fast-
eignaskatts verða lækkaðar.
Samkomulag um
lífeyrisskuldbindingar
Á degi fullveldisins var undirritað í
fjármálaráðuneytinu samkomulag
um tekjufærsla 894,8 m.kr. vegna
uppgjörs á lífeyrisskuldbindingum
Höfða. Það mál hefur hvílt þungt
á forsvarsmönnum bæjarfélags-
ins og léttir að samkomulag hafi
náðst við ríkissjóð. „Sérstaklega
mikilvægt var að þar tókst að verja
hagsmuni Akraneskaupstaðar með
að tryggja endurskoðun eftir fimm
ár ef lífaldur eða launaþróun hefur
verið óhagfelld Akraneskaupstað.
Jafnframt fékkst staðfest krafa
Akraneskaupstaðar um að ríkið
greiði 147 mkr. hlut Höfða vegna
breytinga á lífeyriskerfi opinberra
starfsmanna (A-deildir sjóðanna)
sem samþykkt var um síðustu ára-
mót og tóku gildi í júní síðastliðn-
um,“ segir í tilkynningu frá Akra-
neskaupstað.
Bæjarstjóri segir bjarta
tíma framundan
Að sögn Sævars Freys Þráinssonar
bæjarstjóra er rekstrarafkoma árs-
ins í ár að stefna í að vera afar góð
og því mikilvægt að viðhalda þeim
árangri næstu árin en nýta jafn-
framt til sóknar fyrir bæjarfélagið
og frekari eflingu grunnþjónustu
fyrir íbúa. „Sóknarfærin okkar hér
á Skaganum eru gríðarleg. Til að
mynda tækifæri til að fjölga íbú-
um með að gera nýja íbúðarreiti
byggingarhæfa og með lækkun
álagningarstofna fasteignaskatta
ætti það að takast vel til að laða að
ný fyrirtæki. Þá er gert er ráð fyr-
ir uppbyggingu á 36 íbúðum fyr-
ir tekjulága einstaklinga í samstarfi
við Bjarg íbúðafélag og er einnig
gert ráð fyrir að allt að fjórðung-
ur af þeim íbúðum geti nýst fyrir
fatlaða eða einstaklinga í félags-
lega kerfinu. Jafnframt er hugað
að búsetukjarna fyrir fatlaða sem
og uppbyggingu á aðstöðu fyrir
félagsstarf aldraða. Hvað íþrótta-
starf varðar þá er Akraneskaupstað-
ur að auka stuðning við íþrótta-
starf með hækkun tómstunda-
framlags og með beinum framlög-
um til íþrótta- og tómstundafé-
laga. Uppbygging fimleikahúss og
íþróttamannvirkja á Jaðarsbökkum
mun gefa aukin tækifæri fyrir efl-
ingu íþróttastarfsins. Jafnframt er
áhersla hjá bænum að efla þjón-
ustu við bæjarbúa og viðhalda og
bæta ferðamannasegla ásamt því
að stíga fyrstu skref í uppbyggingu
íþróttamannvirkja á Jaðarsbökk-
um. Tímarnir framundan eru afar
spennandi.“
mm
Sterkari fjárhagur bæjarsjóðs
og framkvæmdir framundan

Fjárhagsáætlun Akraneskaupstaðar
samþykkt í bæjarstjórn
SK
ES
SU
H
O
R
N
2
01
7
Atvinnutækifæri
á Snæfellsnesi
Félags- og skólaþjónusta Snæfellinga auglýsir
eftir starfsfólki í eftirtalin störf:

Félagsleg liðveisla •
Frekari liðveisla •
Stuðningsfjölskylda - skammtímaþjónusta•
Starfsmaður í Ásbyrgi í Stykkishólmi •
Laun skv. kjarasamningi sveitarfélaganna og við- •
komandi stéttarfélags.
Skemmtileg og krefjandi störf með frábæru fólki•
Starfsmaður þarf að geta hafið störf sem fyrst. •
Íslenskukunnátta skilyrði.
Umsóknir er tilgreini menntun og fyrri störf ásamt
sakavottorði og nöfnum 2ja umsagnaraðila berist
skrifstofu FSS, Klettsbúð 4, 360 Snæfellsbæ eða
á netfangið sveinn@fssf.is
Frekari upplýsingar veitir Sveinn Þór Elinbergsson,
forstöðumaður í síma 430 7800.

Karlar jafnt sem konur eru sérstaklega
hvattir til að sækja um!

Umsóknarfrestur er til 12. janúar 2018
Forstöðumaður
Gaman saman
um áramótin
Fjölskyldan saman
18 ár a ábyrgð