Skessuhorn - 20.12.2017, Page 42

MIÐVIKUDAGUR 20. DESEMBER 201742
er vitað til þess að aur hafi verið veitt úr lóninu. Leirinn og
setlögin sem safnast hafa fyrir í lóninu á upptök sín á vatna-
svæði Skorradalsvatns, meðal annars framburður úr Skarðs-
heiði. Fyrirtækið hafði veturinn áður sótt um framkvæmda-
leyfi til að hefja mokstur úr botni lónsins, en ekki fengið því
úthlutað m.a. þar sem veiðiréttareigendur við ána töldu það
varhugavert að moka upp úr lóninu svo skömmu fyrir upphaf
veiðitímabils. Engu að síður ákveð ON að hleypa öllu vatni
úr lóninu. Aurnum var veitt í ána á þremur dögum og fylltust
allir veiðistaðir árinnar, seiði drápust og ekkert varð af laxveiði
í ánni í fyrrasumar. Orka náttúrunnar skapaði sér með þessu
skaðabótaskyldu.
Gott heyskaparsumar
Veðrátta í sumar var með ágætum. Vorið fremur milt og hæfi-
leg úrkoma. Af þeim völdum varð sumarið gott til heyskapar
á Vesturlandi. Víða hófst fyrsti sláttur í byrjun júnímánaðar
og dæmi um að bændur heyjuðu tún sín þrisvar. Sömuleið-
is var kornuppskera ágæt. Heyfengur er því mikil að vöxtum
og gæðum.
Stykkishólmsbær þrjátíu ára
Mánudaginn 22. maí síðastliðinn fögnuðu íbúar Stykkishólms
þrjátíu ára afmæli bæjarins. Þennan dag árið 1987 staðfesti
Alexander Stefánsson, þáverandi félagsmálaráðherra, tilskip-
un um bæjarréttindi Stykkishólmshrepps sem upp frá þeim
degi varð Stykkishólmsbær. Sama dag tók Sverrir Hermanns-
son, þáverandi menntamálaráðherra, fyrstu skóflustunguna að
íþróttamiðstöð bæjarins. Í tilefni afmælisins var efnt til ljós-
myndasýningar í Amtsbókasafninu um haustið þar sem hægt
var að sjá myndir úr leik og starfi í Stykkishólmi í gegnum
árin.
Nýtt Þórsnes í Hólminn
Fyrirtækið Þórsnes ehf. í Stykkishólmi festi kaup á nýju Þórs-
nesi SH. Kom skipið til hafnar í Stykkishólmi frá Noregi
snemma í júní síðastliðnum. Gerðar voru breytingar á milli-
dekki eftir heimkomuna, en meðal annars var slægingarlín-
unni breytt. Hægt er að gera nýtt Þórsnes bæði út á línu eða
sem netabát.
Nýtt fiskvinnsluhús GRun
Um sjómannadagshelgina voru teknar hátt í sjötíu skóflu-
stungur að nýju fiskvinnsluhúsi Guðmundar Runólfssonar í
Grundarfirði. Til verksins voru fengin börn á staðnum og þau
vopnuð skóflum hófu gröftinn. Nú í desembermánuði hófust
síðan framkvæmdir af krafti. Nýja fiskvinnnsluhúsið verður
búið fullkomnum tækjabúnaði til bolfisksvinnslu. Meðal ann-
ars var í sumar gengið frá samningum um kaup á tveimur nýj-
um vatnsskurðarvélum, nýrri flæðilínu fyrir bolfisk, pökkun-
arlínu og vinnslulínu fyrir karfa. Eftir stækkun vinnslunnar
verður hægt að vinna 75-80% meira en í núverandi vinnslu-
húsi, eða 30 til 35 tonn á dag, en með svipuðum fjölda starfs-
fólks. Fram kom í frétt Skessuhorns í sumar að samningurinn
fæli í sér sölu Marels á fullkomnasta tækjabúnaði sem fyrir-
tækið hefði hannað fyrir íslenska fiskvinnslu.
Fann mannskjálka í fjöruferð
Íbúi á bænum Höfn I í Melasveit var á gönguferð í fjörunni
með syni sínum um miðjan júnímánuð þegar þau gengu fram
á kjálkabein úr manni efst í fjörunni. Kjálkanum var stungið í
poka og og farið með hann heim og haft samband við lögreglu
sem tók beinið til rannsóknar.
Reykhólahreppur þrítugur
Flestir tengja 4. júlí við sjálfstæðisdag Bandaríkjanna en dagur-
inn er einnig merkilegur fyrir Reykhólahrepp þar sem sveitar-
félagið varð til á þeim degi, 4. júlí árið 1987. Þá voru samein-
uð sveitarfélögin Geiradalshreppur, Gufudalshreppur, Reyk-
hólahreppur, Múlahreppur og Flateyjarhreppur. Varð hrepp-
urinn því þrítugur síðastliðið sumar og var afmælinu fagn-
að með grillveislu og hátíðardagskrá í Hvanngarðabrekku á
Reykhólum.
Herskip sigldu um sundin
Íbúum við Hvalfjörð og nágrenni brá í brún að morgni föstu-
dagsins 23. júní þegar herskipalest sigldi inn Hvalfjörð og að
Hvítanesi, við sunnanverðan fjörðinn. Eðlilega var íbúum
brugðið, því ekkert hafði verið greint frá viðburðinum í fjöl-
miðlum í aðdraganda hans þrátt fyrir að utanríkisráðuneyt-
ið og Landhelgisgæslan hefðu undirbúið hann um nokkurra
mánaða skeið. Siglingin var farin í friðsamlegum tilgangi, til
að minnast þessa að í júnílok voru 75 ár liðin síðan hin sögu-
fræga herskipalest PQ17 sigldi frá Hvalfirði áleiðis til Kóla-
skaga í Rússlandi með vistir þegar stríðið á austurvígstöðvun-
um stóð sem hæst. Af þeim 35 skipum sem lögðu af stað kom-
ust aðeins ellefu á áfangastað. 153 skipverjar fórust af áhöfn-
um þeirra 24 skipa sem Þjóðverjar sökktu. Varðskipið Þór fór
fyrir skipalestinni og þegar komið var til móts við Hvítanes
flutti Guðlaugur Þór Þórðarson utanríkisráðherra nokkur
orð, minntist fallinna skipverja og hetjudáða þeirra sem með
skipalestinni fóru.
Frábært ár hjá Valdísi Þóru
Valdís Þóra Jónsdóttir, atvinnukylfingur úr Golfklúbbnum
Leyni á Akranesi, lék afar vel á árinu 2017. Í júlímánuði komst
hún fyrst íslenskra kylfinga inn á US Open, Opna bandaríska
mótið í golfi, sem er eitt fimm risamóta keppnistímabilsins.
Seinna í sama mánuði hampaði hún Íslandsmeistaratitlinum
í golfi í þriðja sinn og frammistaða hennar var afburða góð á
LET Access mótaröðinni og LET Evrópumótaröðinni, þeirri
sterkustu í Evrópu. Sínum besta árangri á sterkustu mótaröð
Evrópu náði hún á næstsíðasta mótinu. Hafnaði í þriðja sæti
og tryggði sér 53. sæti á stigalista mótaraðarinnar og tryggði
sér áframhaldandi keppnisrétt á næsta tímabili.
Bundið í bagga
Þó baggaheyskapur heyri víðast hvar sögunni til eru enn til
bændur sem heyja hluta túna sinna með þessari aðferð og
finnst enginn heyskapur hafa verið fyrr en bundið hefur verið
í nokkra bagga. Sú er einmitt raunin á Harrastöðum í Dölum,
þar sem bundið var í bagga á liðnu sumri sem oft áður. Á með-
fylgjandi mynd má sjá hvar Fannar Þorbjarnarson slakar á og
nýtur veðurblíðunnar í heyskapnum.
Gott ár hjá Jakobi og Mána
Fjórðungsmót hestamanna var haldið í Borgarnesi í sumar en
mótsstaðurinn á Kaldármelum hefur nú verið aflagður. Óhætt
er að segja að mikil og almenn ánægja hafi verið með hvernig
til tókst með mótið og er keppnissvæðið í Borgarnesi og um-
gjörðin öll sögð til fyrirmyndar. Þeirri ánægju lýstu jafnt gest-
ir, keppendur sem og mótshaldarar sem Skessuhorn ræddi við
í mótslok. Þá var hestakosturinn á mótinu mjög góður, bæði á
kynbóta- sem og keppnisvellinum. Mótið gekk vel og frábærir
knapar og góðhross sýndu þar listir sínar. Þá fór heimsmeistara-
mót fram í Hollandi í sumar. Vestlendingar áttu þar sömuleiðis
góðu gengi að fagna. Á uppskeruhátíð hestamanna í lok október
voru veittar viðurkenningar fyrir góðan árangur í hestaíþróttum
á árinu 2017. Stærsta viðurkenning kvöldsins kom í hlut Jakobs
Svavars Sigurðssonar úr Hestamannafélaginu Dreyra á Akra-
nesi, en hann var valinn Knapi ársins 2017. Jakob var einnig val-
inn íþróttaknapi ársins og tilnefndur til verðlauna í tveimur öðr-
um flokkum. Það var síðan Máni Hilmarsson úr Hestamanna-
félaginu Skugga í Borgarnesi sem var valinn efnilegasti knapinn
árið 2017 en hann átti frábært sumar líkt og Jakob.
Framhald á næstu opnu
Fréttaannáll ársins 2017 í máli og myndum