Heimsmynd - 01.06.1987, Blaðsíða 43

...næ ekki uppí það þegar menn eru að tala um að leyfa svona byggð að lifa. Hér skilar hvert
mannsbarn 300 til 400 þúsundum í gjaldeyristekjur á ári meðan hver Reykvíkingur er með nokkur
þúsund. Ölafur Ragnarsson sveitarstjóri með ríkið í baksýn. Uppbygging hvergi meiri; 17 hús f smíð-
um á síðustu áramótum!
Heimamenn eru ekki langt í burtu frá
neinu heldur að dedúa í trillunum sínum,
hugsa um bræluna og veiðina. Una glaðir
við sitt og græða peninga. Finnst stutt að
skreppa suður en hafa þangað ekkert að
gera og fara hvergi ...
Klukkan sex í bítið á laugardegi tínast
útlensku ungmeyjarnar, innfæddu
mömmurnar og gömlu ömmurnar í frysti-
húsið og skera fisk. Einhverjir byrjuðu
fyrr í vélasalnum og strákarnir úr hljóm-
sveitinni hanga í tækjunum og bíða eftir
fiskinum. Inni í Gamla kaupfélaginu sit-
ur gamli sveitarstjórinn og reiknar út tap-
ið á kaupfélaginu sem fór á hausinn í
vetur ...
VELMEGUN ÓVÍÐA MEIRI
Djúpivogur gengur inn í Búlandsnesið
að norðanverðu. Sunnan við ganga Ham-
arsfjörður og Alftafjörður inn í landið en
Berufjörður norðan við. í plássinu eru á
fimmta hundrað íbúar og hefur þeim
fjölgað ört á síðustu árum. Verslun hefur
verið rekin á þessum stað öldum saman,
fyrst af þýskum og dönskum kaup-
mönnum en síðar kaupfélagsverslun og
nú síðast af Hornfirðingum. Kaupfélagi
heimamanna var lokað vegna skulda um
síðustu áramót og síðan hefur Kaupfélag
Austur-Skaftfellinga haft reksturinn á
leigu. Útgerð og fiskvinnsla eru rekin af
hlutafélaginu Búlandstindi, sem er í
meirihlutaeign Sambandsins.
Velmegun er óvíða meiri; 1986 var
meðalútsvar rúm 37 þúsund á gjaldanda
og 17 einbýlishús voru í smíðum um síð-
ustu áramót. Hvert mannsbarn skilar
þrjú eða fjögur hundruð þúsundum í
gjaldeyri til þjóðarskútunnar á ári. Og
allir vinna mikið. Félagsstarf er með
minnsta móti og gamla félagsheimilið,
sem Eysteinn ráðherra og jafnaldrar
hans byggðu snemma á öldinni, hefur
verið rifið. Lífið er rólegt og hjónafólk
gefur sér tíma til að geta og ala börn,
hvíla sig og fara í messu a sunnudögum.
„Fólkið er fremur hæglátt og berst lítt
á. Flestir eru iðjusamir en vilja vinna svo
sem þeim sjálfum líst hentugast. Margir
kjósa því fremur að eiga sér lítinn bát og
róa einir en vera bátsverjar hjá útgerð-
inni. Aðrir vilja vinna í fiskfrystingu en
mæta ekki nema þegar þeim sjálfum
hentar og verður það allt saman bagalegt
þeim sem fyrir forretningunni standa.
Eru hér af þessum sökum allar vertíðir
Útborgunardagur í frystihúsinu.
HEIMSMYND 43
BRAGI JÓSEFSSON