Heimsmynd - 01.06.1987, Qupperneq 112

ÞYSK VIN
Vín vínsins vegna — ekki matarins
eftir Einar Thoroddsen
{
Fátt er eins leiðinlegt og ostahnífur
sem sker ekki. Það væri þá helzt miðherji
sem skorar ekki eða dýrt vín sem er vont.
Til að koma í veg fyrir það síðastnefnda
eru sett alls konar vínlög, ekki sízt í
Þýzkalandi. Þar voru lögin svo flókin og
garðarnir svo margir, að jafnvel Þjóð-
verjum ofbauð, og þeir einfölduðu regl-
urnar að mun þannig að einstökum görð-
um fækkaði úr nálægt tuttugu þúsundum
í um tvö þúsund og sex hundruð. Þetta
var árið 1971 og enn eru ekki allir með
allt á hreinu varðandi þýzk vín, allra sízt
ég-
Vestur-Þýzkaland skiptist í ellefu vín-
héruð (Anbaugebiet) og verða nokkur
þeirra nefnd hér. Hverju héraði er skipt í
svæði (Bereiche), deildir (Grosslagen),
sem eru mismunandi stórar, og svo að
lokum í einstaka garða (Einzellagen). Til
dæmis eru þrjú svæði í Mosel-Saar-Ruw-
er (Mósel á daglegu máli). Svæðið í miðj-
unni er kallað Bereich Bernkastel en
dæmi um deild er Bernkastler Badstube
þar sem í eru fimm garðar. Þeirra fræg-
astur er Bernkastler Doktor sem hefur
að sögn mikinn lækningamátt enda kost-
ar ein flaska þaðan svipað og lyf með
fullri álagningu.
Svœðavín eru venjulega þokkaleg vín, 1
sem meiða engan en hafa ekki mikið til
málanna að leggja. Grosslage á að vera
betra enda afmarkaðri, en beztur er
garðurinn enda gjarnan dýrastur. Þá veit
maður líka hvað maður hefur og borgar
fyrir það. Einzellage tryggir þann stíl sem
vínið er þekkt fyrir að hafa. Góðæri eða
harðæri geta þó breytt miklu um bragð
og gæði vínsins. í
f Þýzkalandi skiptist vín í tvo flokka,
gæðavín (Qualitátswein) og borðvín (Taf-
elwein). Borðvín getur verið þýzkt að
uppruna eða keypt í Evrópubandalags-
löndum og blandað í Þýzkalandi. Auk
þess eru til landvín (Landweine), sem eru
VINSMAKK
Ég lenti um daginn á vínsmakki á vegum
þýzksfyrirtækis, sem heitir Deinhard. Þarna
voru tveir flokkar vína, annars vegar frá
Mosel og hins vegar Rínarvín. Aðalstöðvar
Deinhard eru þar sem Mosel rennur í Rín, í
Koblenz, enda hefur fyrirtækið talsverð
umsvif á svæðinu og er með stærstu útflytj-
endum þýzkra vína.
Átta vín voru drukkin og hér á eftir fara
umsagnir mínar:
Móselvín:
Deinhard Green Label 1985
Bereich Bernkastel (fæst á íslandi)
Óvenju bragðmikið miðað við venjulegt
Qualitðtswein. Góð bragðending og gott
jafnvægi. Þægileg sýra og viss þokki.
Kaseler Nieschen Riesling Kabinett '83
Qualitatswein mit Prádikat
Grannt vín og þokkafullt. Ennþá ungt með
grænleitum blæ. Góður ilmur þótt lítill sé.
Góð bragðending og jafnvægi.
Bernkastler Badstube Riesling Kabinett
'85
Qualitátswein mit Prádikat
Þéttog mikið bragð. Dálítið lokað. Á eftir að
þroskast enn. Mjög gott jafnvægi, mikið vín
en ekki mjög langt eftirbragð. (Fulltrúi Dein-
hards segir að þetta vín sé þroskað og eigi
ekki eftir að batna. Árgangurinn 1981 er
svona.)
RÍNARVlN:
Bereich Johannisberg Riesling 85
Qualitátswein (fæst á íslandi)
Mjúkt og gott bragð. Þægilegt vín í góðu
jafnvægi. Frekar stutt eftirbragð. Gefur ekki
sömu áhrif og Green Label.
Rudesheimerberg Roseneck Riesling
Kabinett 82
Quatitátswein mit Prádikat
Lítið vín sem er ekki áhrifamikið en í góðu
jafnvægi. Dvergakyns en rétt skapað.
NAHE:
Schlossbockelheimer Felsenberg Reisl-
ing Spátlese 83
Qualitátswein mit Prádikat
Mjög skemmtilegt vín með góða bragðend-
ingu og gott hold á beinum. Sýran endist
vel en sjálf fyllingin hverfur tiltölulega fljótt.
Þess vegna gætir ójafnvægis sem kemur þó
ekki að sök.
112 HEIMSMYND