Heimsmynd - 01.05.1989, Qupperneq 73

Indverskir staðir eru einna vinsælastir
af austurlenskum matsölustöðum í
London. Bombay Brasserie á Bailey’s
hótelinu rétt hjá Gloucester Road
brautarstöðinni er í hópi þeirra bestu.
Staðurinn er innréttaður í anda
nýlendutímans og kostuðu
innréttingarnar eina og hálfa milljón
punda.
eru fleiri veitingastaðir, meðal annars
vínbarinn Deals (þar sem Fergie var
stödd sama kvöld og við vorum þarna),
en einn eigenda er Linley markgreifi,
sonur Margrétar prinsessu.
INDVERSKUR MATUR
Af hveiju eru Lundúnabúar heillaðir
af indverskum mat? Af því að hann er
kryddaður, saðsamur og öðruvísi, en
það eru mexíkanskir og afrískir réttir
líka og ekki njóta þeir svipaðra vinsælda.
Hver er þá ástæðan? Ofboðslegt fram-
boð sem kallar á eftirspurn? Eitthvað er
það en indversk veitingahús eru bókstaf-
lega út um allt í London, allt frá fábrotn-
um take-away stöðum upp í glæsilegustu
veitingahús borgarinnar. Sumir forðast
að tala um indverska veitingastaði, frek-
ar eigi að kalla þá suður-asíska þar sem
margir hverjir séu í eigu annarra en Ind-
verja og í mörgum indversku eldhúsanna
séu kokkarnir frá Bangladesh sem er allt
annar handleggur.
Margir íslendingar, sem dvalið hafa
langdvölum í London, sakna helst ind-
versku staðanna þegar þeir minnast
heimsborgarinnar. Aðrir sækja ind-
verska veitingastaði vegna fjölbreyttra
grænmetisrétta sem er vissulega í takt
við tíðarandann og minnkandi kjöt-
neyslu. í öllu falli er indversk matargerð-
arlist í London á háu stigi. Verðlagið
spannar allan skalann og það er aragrúi
af ódýrum, góðum stöðum. Hafi fólk
tíma í stórborginni er upplagt að fara að-
eins út fyrir borgina (Brick Lane, South-
all og Wembley) og borða á stöðum sem
Asíubúar velja sjálfir.
Indversk máltíð samanstendur af
mörgum réttum sem dreift er á borðið
og það er eina leiðin að borða indversk-
an mat, að smakka á öllu. Indverjar líta
á máltíðina sem sameiginlega athöfn.
Með þessu móti gefst tækifæri til að
bragða á ólíkum réttum sem bæta hverjir
aðra upp. Með indverskum mat á bæði
að panta hrísgrjón og brauð. Ef fólk vill
ekki hrísgrjón er ráðlagt að panta tan-
doori nan-brauð. Þá er jafnframt bent á
að sósa er ekki í öllum réttunum. Setja
skal hrísgrjónin til hliðar við réttinn og
þurrka burt síðustu leifar sósunnar með
brauðinu, áður en næsti réttur er prófað-
ur.
blað með soja- og plómusósu og vorlauk.
Það var mjög gott líka, sérstaklega sós-
an, og lambið einnig sem er matreitt
þannig að engin fita er eftir. (Þessi réttur
kostar 8 pund). Því næst fengum við
stórar rækjur með handunnum núðlum
sem eru léttsteiktar meðan hrært er í
(kostar tæp 7 pund).
Snilldin við kínverska matreiðslu er
einmitt fólgin í því að hræra við steik-
ingu, gufusjóða, bæði í opnu og lokuðu
íláti og blanda saman hráefnum og
kryddum en það kallar Mr. Lo að hrá-
efni gangi í hjónaband. Hann segir kín-
verskan mat einkennast af því að vera í
senn sterkur, kryddaður, léttur, bragð-
mikill en ferskur um leið.
Nýi staðurinn hans Ken Lo, sem ber
sama nafn og er við Chelsea höfnina í
suðvesturhluta London, er afar fallegur.
Hann er á tveimur hæðum og málaður í
ljósgulum lit, sem Mr. Lo segir að sé lit-
ur keisaranna. Á neðri hæðinni er lögð
áhersla á Dim Sum sem eru kínverskir
smáréttir en þeirra er neytt á öllum tím-
um sólarhrings og njóta mikilla vinsælda
í kínahverfum London, New York, Tor-
onto, San Fransisco og Los Angeles.
Með Dim Sum eru ekki borin fram hrís-
grjón. Réttirnir eru djúpsteiktir eða
gufusoðnir í lokuðum bastkörfum. Mr.
Lo bauð okkur upp á Dim Sum máltíð
og í kjölfar hennar lét hann bera fram
gufusoðinn karfa og ljúffengan hörpu-
skelfiskrétt. (íslenskir matreiðslumeist-
arar mættu margir hverjir huga að því
hvernig kínverskir kokkar gufusjóða
hörpuskelfisk þannig að hann er mjúkur,
ekki seigur!)
Kínverjar drekka ekki vín með matn-
um nema við hátíðleg tækifæri og þá oft
brandy. Þar sem rauðvín eða hvítvín er
ekki eðlilegur þáttur kínverskrar máltíð-
ar er upplagt að drekka te eða bjór með
matnum. Kínverski bjórinn, sem er vin-
sælastur í London, heitir Tsing Tao.
Að sögn Kenneth Lo er aðeins
eitt orð á kínversku, jiu, yfir
bjór, vín og brennda drykki.
„Á veitingahúsum í Hong
Kong, Singapore og Taiwan er
algeng sjón að sjá vel klædda
Kínverja með margar viskí-
flöskur á borðinu rétt eins og
um borðvín væri að ræða en
margir þeirra halda að skoskt vískí sé
breskt vín og gúlpa því í sig. Að mínu
viti hefur ekki náðst samband milli kín-
verskrar matargerðarlistar og létts víns
þótt margar tegundir fari ágætlega með
ýmsum réttum," segir Ken Lo.
Á efri hæð veitingahússins við Chelsea
Harbour er fínni matseðill, þar sem sér-
stök áhersla er lögð á fisk- og sjávarrétti
og grænmetisrétti frá ýmsum héruðum í
Kína. Útsýnið yfir höfnina er frábært,
þar dóla litlar snekkjur við akkeri og
skýjakljúfur fylgist með í næturhúminu
en á efstu hæðinni býr Michael Caine
sem stundum skreppur út í Dim Sum. I
sömu byggingu og veitingahús Ken Lo er

HEIMSMYND 73