Heimsmynd - 01.05.1989, Side 76

Gestur á Oak Room með humarrétt
framreiddan af David Chambers sem
þiggur ráðleggingar frá franska
meistarakokkinum Michel Lorain.
kenningu í Michelin handbókinni. Veit-
ingasalurinn er stórglæsilegur, klæddur
hunangslitri, ástralskri eik og í loftum
hanga innfluttar kristalljósakrónur frá
Vín. Andrúmsloftið er hátíðlegt með
píanó- og fiðluleik í bakgrunni og gest-
irnir ríkir arabar, Japanar eða Bretar.
Þjónustan er með fádæmum góð, nokkr-
ir þjónanna franskir en yfirþjónninn,
Anthony Gear, alúðlegur Breti með
hlýlega og fágaða framkomu.
atreiðslumeistarinn á Oak
Room er breskur, David
Chambers, en hann nýtur
ráðlegginga frægs fransks
matreiðslumeistara, Michel
Lorrain, og saman hafa þeir
hannað matseðil þar sem
boðið er upp á hefðbundinn
franskan mat annars vegar og
hins vegar frumlega franska rétti. Þá er
einnig listi með einfaldari sérréttum eins
og ostrum vöfðum í spínatblöð með
kampavínssósu.
Við völdum frumlegu hlið matseðilsins
á Oak Room og getum því ekki dæmt
um hvernig Le Boeuf Bourguignon au
Bon Vin Rouge bragðast í aðalrétt eða
gæsalifur á heitum brauðhnúð í forrétt.
Vínlistinn á Oak Room þykir einn sá
dýrasti í London. Við fengum okkur glas
af Pommery kampavíni fyrir matinn en
áður en forrétturinn kom var borinn
fram lax í tartarhlaupi. í forrétt fengum
við La Salade de Rougets aux Artichauts
Aromates, sérkennilegur rauður smáfisk-
ur með þistilhjörtum og ferskum krydd-
jurtum (9 pund), fallegur diskur en við
mælum frekar með La Galette de Lang-
oustines á l’Indienne (10 pund). Þessi for-
réttur, grillaður humar í gulri rjómasósu
með indverskum kryddum, var álíka
góður og hann var fallegur.
f aðalrétt fengum við Le Canard
Sauvage et son Petit Feuilleté d’Huitres
(15 pund), léttsteikt villiandarbringa í
Burgundy rauðvínssósu með ostrum sem
bragðaðist eins og nafnið hljómar. Hinn
aðalrétturinn var L’Assiette de Gibier
Grande Chasse aux Champignon Sau-
vages (16 pund), og þessi réttur er ekki
fyrir grænmetisætur! Þetta er valin villi-
bráð, þrjár tegundir, sín með hverri sós-
unni, borin fram með villtum sveppum. í
þessu tilviki voru á diskinum héri, dádýr
og fugl með sama nafni og Quale, vara-
forseti Bandaríkjanna, („en mun
rnýkri," eins og Gear yfirþjónn orðaði
það), akurhæna. Fyrir þá sem eru hrifnir
af villibráð er hægt að mæla með þessum
rétti. Fyrir þá sem lásu sögur um Bamba
litla og eru ekki hrifnir af hérakjöti mæl-
um við með hefðbundna hluta matseðils-
ins en þar er meðal annars hægt að fá
hreinan grænmetisrétt í aðalrétt auk þess
sem sígild frönsk nautasteik stendur allt-
af fyrir sínu. Með þessu drukkum við
Chateuneuf du Pape rauðvín sem við
munum ekki verðið á.
Eftirréttirnir voru frábærir, annars
vegar nougatís og hins vegar súkku-
laðimús í grænni hnetusósu og gott kaffi.
Meridien hótelið var byggt 1908 og
það er óhætt að mæla með kvöldverði á
Oak Room fyrir þá sem vilja gera sér
dagamun og njóta þess að borða í fág-
uðu, fallegu umhverfi. Yfirþjónninn
Anthony Gear segist leggja áherslu á af-
slappað, þægilegt andrúmsloft en mark-
miðið utan góðrar matreiðslu á Oak
Room sé endurreisn stfls. „Þess vegna
viljum við að gestir klæði sig upp án þess
að vera með ýktar kröfur í þeim efnum.
Þegar ég var ungur minnist ég þess að
hafa hnýtt á mig þverslaufuna mína áður
en ég fór út á lífið og þá fannst mér ég
geta sigrað heiminn.“ Að fylgjast með
þessum manni í þessu umhverfi sýnir
manni fram á að stundum geta litlir hlut-
ir, eins og þverslaufa, gott kaffi og pínu
kristall hér og þar, gert gæfumuninn.D
76 HEIMSMYND