Heimsmynd - 01.05.1990, Page 11

Skipun lista Framsóknar var átaka- og
tíðindalaus og kringum eina borgarfull-
trúa þess lista, Sigrúnu Magnúsdóttur,
hefur ekki skapast nein spenna. Hann
virðist því stefna á þá kjósendur sem að-
hyllast flokkinn af gömlum vana, en við
það gæti hann misst af ungu kynslóðinni
sem nú fjölmennir væntanlega á kjörstað
í ríkara mæli en nokkru sinni fyrr.
Alþýðubandalagið hefur átt í raunum.
sem endurspegla hatröm innanflokks-
átök og leiddu til ágreinings og klofnings
flokksins um skipan framboðsmála.
Meira að segja gekk erfiðlega að fá fólk
til þátttöku í framboði til forvals flokks-
ins og innan við þrjú hundruð manns
tóku þátt í forvalinu sjálfu. Niðurstöður
þess bentu til að þátttakendur væru
orðnir þreyttir á Sigurjóni Péturssyni
sem oddvita listans og hefðu fremur kos-
ið að sjá Guðrúnu Agústsdóttur þar.
Hann hafði þó aðeins fleiri atkvæði í
fyrsta sætið þótt Guðrún fengi fleiri at-
kvæði samanlagt. Miðað við skoðana-
kannanir má Alþýðubandalagið telja vel
sloppið ef það heldur þessum tveimur
fulltrúum. Þriðja sætið virðist þegar glat-
að áður en kosningabaráttan byrjar.
Ekki bætir úr skák fyrir listanum, að for-
maður flokksins hefur neitað að lýsa yfir
stuðningi við hann og Sigurjón Pétursson
hefur krafist flokksþings í haust til að
hrópa formanninn af fyrir vikið.
Þrátt fyrir eindæma vandræðagang í
kringum prófkjör Nýs vettvangs, sem
andstæðingarnir kalla „gamlan afgang“
eða „nýjan velling“, gæti hann gert sér
vonir um tvo fulltrúa ef skoðanakannan-
ir ganga eftir. Skoðanakönnun fór þó
fram strax að loknu prófkjöri og áður en
þriðji maður listans, Bjami Magnússon,
fór í vel auglýsta og landsfræga „fýlu“ yf-
ir því að hafa ekki náð betri árangri og
ásakaði samherja sína um að hafa unnið
gegn sér með ódrengskap. Of snemmt er
því að segja til um hvort þessi tilraun
geti svo mikið sem náð þeim yfirlýsta til-
gangi sínum að brjóta upp gamlar víglín-
ur á vinstri væng og hleypt nýju lífi í
sameiningarviðleitni A-flokkanna. Borin
von virðist að gera því skóna að þama sé
upp risinn Valkosturinn með stórum staf
við Sjálfstæðisflokkinn í borgarstjóm. í
mjög básúnuðu prófkjöri tóku þátt ívið
færri en tekið hafa þátt í prófkjörum á
vegum Alþýðuflokksins eins hingað til.
Upphlaup Bjarna Magnússonar er
naumast til þess fallið að laða að gamla
kjósendur Alþýðuflokksins, sérstaklega
þegar þess er gætt að með því eru þeir að
ljá atkvæði núverandi borgarfulltrúa Al-
þýðubandalagsins, Kristínu Ólafsdóttur.
Mikið mun því velta á hæfni efsta manns
listans, Ólínu Þorvarðardóttur, sem ekki
hefur hingað til verið flokksbundin, að
geta skírskotað breitt til „félagshyggju-
fólks“ í hinum ýmsu flokkum og þá sér-
staklega að ná til hinna ungu kjósenda,
sem nú eru að kjósa í fyrsta sinn og eru
væntanlega eina aflið sem gæti gert þess-
ar kosningar spennandi.
En bara það, að þrátt fyrir margvísleg-
ar raunir hefur tekist að berja þennan
lista saman, hefur í rauninni uppfyllt
vonir höfunda þessa sambreyskings, sem
starfað hafa í kyrrþey bak við tjöldin:
Alþýðubandalagið er klofið niður í rót
og líkumar á því að stríðandi fylkingar
geti rúmast í sama flokki öllu lengur hafa
minnkað að sama skapi. Það fer svo eftir
kosningaúrslitunum hvort þessi hreyfing
verður að óstöðvandi skriðu, sem leitt
gæti til samruna A-flokkanna fyrir næstu
kosningar eða hvort þetta verður enn ein
tilraun vel meinandi fólks, sem bara
rennur út í sandinn að loknum kosning-
um vegna undirtektaleysis grasrótarinnar
við kallinu. Vissulega er þetta merki um
flokkakerfi í upplausn, flokkakerfi sem
ekki endurspeglar veruleikann heldur er
í hrópandi andstöðu og mótsögn við
hann. En skipulagsform eru lífseig og
hanga lengi saman af gömlum vana.
„Grasrótin" er stundum vel til þess fallin
að velta í rústir en venjulega þarf mark-
vissa forystu til að byggja á ný.
Allt bendir því til að í þessum kosn-
ingum verði lítt tekist á um málefni
fólksins í borginni. Þær munu sennilega
fyrst og fremst snúast um endurskipan
fylkinga í þjóðmálum. Sjálfstæðisflokk-
urinn mundi væntanlega vilja gera þær
að prófsteini á óvinsældir ríkisstjómar-
innar og vinsældir Davíðs. Stórsigur
hans nú mundi væntanlega tryggja Davíð
forystuna í flokknum að loknu kjörtíma-
bilinu 1994. Fyrr er hans tími varla kom-
inn, ef dæmið á að ganga upp nú. A
vinstri kantinum geta þær orðið upphaf
og vísir að nýrri uppskiptingu félags-
hyggjufólks í fylkingar, eða bara fram-
hald á dreifingu og sundrungu sem leiðir
ekki til neinnar jákvæðrar samheldni.
Eða getur verið að þorri almennings
sé orðinn hundleiður á flokkavaldi til
hægri og vinstri, áhugalaus um töp og
sigur í þessum leik, finnist ekki sem tek-
ist sé á um neina þá hagsmuni sem al-
menning varða í daglegu lífi eða boðið
upp á neina þá forystu sem menn treysta
til að skapa umgerð um betra og þægi-
legra mannlíf í þessari borg? Guð hjálpi
þá hinum sigurreifu frambjóðendum, ef
verður sólskin og sunnanvindur á kjör-
dag!D
SpmÖ þúsundk!
JQiupum - Ceigjum - seCjum
idarnavagnar
Xprrur
Vðggur
XjmCarúm
Va/jn- og Rtrrupolípr
'Burffarám
HtfCur
óáfranwlúloiognfþrtmmöm
VERSLUNIN PJÓNUSTA I ÞÍNA ÞAGU! SÍMI
BARNALAND NJÁLSGÖTU 65 91-21180
SÍMI 20119 Á KVOLDIN OG UM HELGAR
SCjptipoþjir
‘BakarintCur
HEIMSMYND 11