Heimsmynd - 01.05.1990, Qupperneq 23

þetta þrönga umhverfi hefur skemmt
marga menn sem tiltölulega ungir virka
alveg útbrunnir.“
Um viðskiptalífið almennt segir hann
að síðasti áratugur hafi markað kafla-
skipti. „Það er orðin mun meiri aðgrein-
ing á milli fyrirtækja sem ganga vel og
hinna sem ganga illa. Hér eru þokkalega
fjármögnuð og vel rekin fyrirtæki á með-
an önnur sem rekin eru upp á gamla
mátann ganga illa. Fáir hefðu spáð því
fyrir tólf árum að Húsasmiðjan ætti eftir
að verða stærri en Völundur og sömu
sögu er að segja um mörg önnur ung fyr-
irtæki sem hafa skákað hinum eldri.“
Hann segist vel geta hugsað sér að
eyða því sem eftir er starfsævinnar hjá
Kók, „nema Ásta skilji við mig og ég
verði rekinn,“ bætir hann við brosandi.
„Annars var mér boðið að verða gesta-
prófessor í Singapore þegar ég var þar
um daginn og ég gæti flogið með alla
fjölskylduna og verið þar í nokkra mán-
uði. Hví ekki?“ segir hann og yptir öxl-
um. „Mér væri alveg sama hvar ég væri í
heiminum.“
Hann segist ekki geta hugsað
sér að feta í fótspor föður síns
og fara út í póhtík. „Sem
stendur eru fleiri kerlingar í
þingliði Sjálfstæðisflokks en
Kvennalistanum. Ég var í
stjórn SUS, samtaka ungra
sjálfstæðismanna, en þegar ég
gaf fyrst kost á mér 1981 var mér tekið
afar fálega þar sem faðir minn var í
stjórn Gunnars Thoroddsen og ekki í
náðinni. Þeir vildu ekki sjá svona
komma eins og mig,“ bætir hann við
glottandi. Sjálfum finnst honum það
augsýnilega skammaryrði að vera
kommi. Svavar Gestsson ráðherra og
fyrrum formaður Alþýðubandalags er
náfrændi hans og vinur föður hans.
„Hann er einn af þessum heiðarlegu
kommum,“ segir Lýður, „þótt hann hafi
ömurlega hallærislegar skoðanir."
Elsta dóttirin tyllir sér hjá föður sín-
um. Hún heitir Sigrún, er ellefu ára og
dökk á brún á brá. „Með augun hennar
mömmu minnar,“ segir hann og horfir á
hana aðdáunaraugum. „Hún,“ segir
hann og á við móður sína, „innrætti mér
það að heiðarleiki væri mikilvægastur af
öllu og það að skila sínu dagsverki í sátt
og samlyndi við aðra menn.“
Hættulegasta vopnið í veski konunnar
er blóðrautt frá Astor