Heimsmynd - 01.05.1990, Page 46

unnudagsmorgunn í kjallara-
íbúð við Ægisíðuna. íbúðin
M H er lítil, en notaleg og
■ ■ skemmtilegt sambland gam-
alla og nýrra húsgagna setur
á hana sérstakan svip. Hús-
ráðandinn er líka sérstök.
Grönn, glæsileg og sjálfsör-
^Hugg kona sem greinilega veit
■■ ^Hhvað hún vill og er vön því
■■ jH^að fá það sem hún vill. Helga
Benediktsdóttir heitir hún, er
arkitekt sem vinnur sjálfstætt
og rekur, ásamt þremur systrum sínum,
verslunina Gegnum glerið sem sérhæfir
sig í listrænum húsgögnum og húsbún-
aði.
Hún segist alltaf hafa haft áhuga á
arkitektúr og hönnun fyrir heimili og því
hafi það verið kærkomið tækifæri að
stofna þessa verslun, þar sem hún selur
meðal annars hluti hannaða af kunningja
hennar, breska arkitektinum Peter
Leonard. Annars hrífst hún mikið af ít-
alskri hönnun og segir ítali gleggsta
dæmið um það að nauðsynlegt sé að
koma kennslu í fagurfræði inn í skóla-
kerfið: „Það vantar algjörlega alla fagur-
fræðilega fræðslu í skólum hér. Teikn-
ing, söngur og handavinna voru kölluð
aukafög þegar ég var í skóla og alveg
undir hælinn lagt hvort fólk mætti í þau
yfir höfuð. Ég fann það best þegar ég
var‘að stúdera listasögu í arkitektúmám-
inu hversu mikla undirstöðu mig skorti í
því að skynja þróunina og samhengið í
listinni. ítalir byggja á stórkostlegri
menningu, alast upp við frábæran arki-
tektúr allt í kringum sig og læra að meta
fegurðina frá bamæsku. Enda eru þeir
mjög framarlega í allri hönnun og hugsa
alltaf um það að hlutimir séu fallegir fyr-
ir augað. Fagurfræði er flókið hugtak en
í mínum huga kemur fegurðin best fram
þegar hlutir eru hannaðir þannig að
notagildið, efnið og formið harmonera
vel saman. Ég er ekki hlynnt því að
skreyta hluti skrautsins vegna og finnst
síð-módernisminn, sem hefur verið svo
sterkur undanfarið, allt of yfirborðs-
kenndur. Það verður allt að spila saman
og formið má ekki taka yfir á kostnað
notagildisins. Það er lítið gagn að því að
hlutir séu smart ef ekki er með góðu
móti hægt að nota þá. Ég er mest fyrir
einfalda, stílhreina hluti sem taka mið af
efninu sem þeir eru gerðir úr fyrst og
fremst.“
Helga er gift Jónasi R. Jónssyni og á
eina uppkomna dóttur og segist ekki al-
mennilega vita sjálf hvaða lífsstíl hún
hafi: „Eg fylgi auðvitað að einhverju
leyti tíðarandanum og stefnan er sú að
slá af kröfunum sem gerðar hafa verið
undanfarið. Það er sveifla í átt að húm-
anisma núna og í samræmi við það fer
fólk að hugsa meira um andlega og lík-
amlega vellíðan. Ég er mjög fylgjandi
líkamsrækt, þótt ég sé ekkert mjög dug-
leg við að stunda hana þessa stundina,
H
I__wLelga
Benediktsdóttir
heitir hún, er
arkitekt sem
vinnur
sjálfstœtt og
rekur, ásamt
þremur systrum
sínum,
verslunina
Gegnum glerið
sem sérhœfir
sig í listrœnum
húsgögnum og
húsbúnaði.
nema sundið. Við hjónin byrjum flesta
morgna á því að fara í sund og það gerir
mann miklu færari um að takast á við
daginn. Maðurinn minn er á kafi í því að
rækta heilsuna og það er hann sem tínir
matvæli með aukefnum í upp úr körf-
unni hjá mér þegar við erum að versla.
Það gengur þó ekki svo langt að við sé-
um á tómu heilsufæði. Hann er stórkost-
legur kokkur og mesta furða að ég skuli
ekki vera öll á þverveginn. Við gerum
mikið af því að fá til okkar vini og kunn-
ingja í mat og þá gjaman til að prófa eitt-
hvað nýtt og spennandi. Maðurinn minn
hefur mjög gaman af tilraunamennsku í
eldhúsinu og mér finnst líka mjög spenn-
andi að reyna eitthvað nýtt.
Matargerð er mikið áhugamál hjá
okkur og þá helst framandi fæði, ind-
verskt, kínverskt eða tælenskt. Sushi-
réttirnir japönsku eru líka mjög góðir og
einmitt tilvalið fyrir okkur Islendinga
með þennan góða fisk að notfæra okkur
matreiðsluaðferðir annarra þjóða til að
gera hann meira spennandi, í stað þess
að borða hann alltaf soðinn eða steiktan.
Á veitingahúsum erlendis eru fiskréttirn-
ir oftast dýrustu og fínustu réttirnir, en
hér heima finnst mörgum asnalegt að fá
sér fisk þegar farið er út að borða. Þetta
er þó sem betur fer að breytast og marg-
ir farnir að hafa áhuga á því að nýta bet-
ur ýmsar fisktegundir sem áður þóttu
ómeti. Það er nú ekki svo langt síðan
humrinum var hent og það getur vel ver-
ið að ýmis sá fiskur sem fólk ekki vill
borða núna verði í framtíðinni álitinn
álíka lostæti og humar.“
Góðum mat tilheyrir gott vín og Helga
er einnig áhugamanneskja um léttvín:
„Ég er mest fyrir þurr vín, frönsk eða ít-
ölsk, en hef minna dálæti á þeim þýsku,
þau eru of sæt. I víninu eins og í matnum
finnst mér gaman að prófa nýjar tegund-
ir og geri mikið af því. Við komum sam-
an vinirnir og smökkum vín og berum
saman, ræðum galla þeirra og kosti og
höfum mikla ánægju af því. Einn vinur
okkar keypti nýlega vínyrkjubúgarð í
Frakklandi og það verður spennandi að
fylgjast með því hvemig honum gengur í
þeim bransa.“
Helga lauk prófi í arkitektúr frá Uni-
versity of Southern California í Los Ang-
eles fyrir þremur árum og hafði þá verið
búsett í Bandaríkjunum í sex ár. Hún
segir það hafa verið erfitt að koma heim,
en hún hefði þó ekki viljað setjast að í
Bandaríkjunum: „Það var margt sem
maður saknaði fyrst eftir heimkomuna,
sérstaklega fann ég fyrir því hvað vöru-
úrvalið er miklu minna hér. Ég var í ei-
lífum samanburði fyrsta árið eða svo, en
svo aðlagast maður íslenskum lifnaðar-
háttum aftur. Það var veðrið og skamm-
degið sem fór mest í taugarnar á mér eft-
ir að ég kom heim og að geta ekki verið
meira utan dyra. Veðurfarið í Kaliforníu
á mjög vel við mitt skaplyndi og ég við-
urkenni að ég sakna þess svolítið ennþá.
Ég vil hafa dimmt á nóttinni og bjart á
daginn og sumarbirtan hér á nóttinni
ruglar mig svolítið í ríminu.“
46 HEIMSMYND