Heimsmynd - 01.06.1992, Blaðsíða 56

NAFN
LÍNA RUT KARLSDÓTTIR
ALDUR 26 ára
STAÐA OG HAGIR Förðunarfræðingur. í sambúð með Antoni Antonssyni. A eitt barn
sem verður tveggja ára í júlí og eitt á leiðinni, sem á einnig að fæðast júlí.
HÆÐ 175 sentímetrar
ÞYNGD Venjulega um 60 kíló en vegna ástandsins er ég 74 kíló.
HVERT ER VIÐHORF ÞITT TIL LÍKAMA ÞÍNS? „Það er engin spurning, maður á að
leggja rækt við líkama sinn, þá líður manni miklu betur.“
HVERNIG HELDUR ÞÚ ÞÉR í FORMI? „Ég er skorpumanneskja. í dag finnst mér það
nógu mikil líkamsrækt að vera ólétt. í raun er vinna mín ágætis líkamsrækt. Svo hef ég verið
í Myndlista- og handíðaskólanum undanfarin 3 ár og hef haft mest gaman af því að mála
stórar myndir. Það er góð líkamsrækt.“
HVERNIG ER MATARÆÐI ÞÍNU HÁTTAÐ? „Ég borða allt sem mig langar í og á það
til að detta í sjoppufæði, sérstaklega þegar ég vinn svo mikið eins og ég hef gert undanfarið
ár.“
HEFURÐU ALLTAF VERIÐ í FÍNU FORMI? „Ég er eins og jó jó, sveiflast um fimm
kíló til og frá en ég hef alltaf verið mjög hraust.“
HVAÐ RÁÐLEGGUR ÞÚ ÖÐRUM? „Að stíga aldrei á vigt.“
Á HVAÐA HLUTA LÍKAMANS LEGGURÐU MESTA ÁHERSLU ÞEGAR ÞÚ ERT
AÐ KOMA ÞÉR í FORM? „Maga, rass, læri, brjóst og handleggi.“
HVERJR ERU VEIKLEIKAR ÞÍNIR? „Þeir eru mismunandi frá degi til dags. Stundum
finnst mér það vera augun, stundum nefið. Það fer allt eftir því hvernig ég vakna á morgn-
ana.“
HVAÐ ERTU ÁNÆGÐUST MEÐ í ÚTLITI ÞÍNU? „Ég er ánægðust með það að hafa
getað gengið með börn án þess að ummerki þess sjáist á líkama mínum. Ég hef alveg losnað
við slit bæði á brjóstum og maga og ég vona að ég sleppi einnig nú.“
56 HEIMSMYND