Ársrit um starfsendurhæfingu - 2016, Qupperneq 20

RÁÐGJAFAR VIRK
HLUSTA, HVETJA OG VIRKJA!
Þ
essi öflugi ráðgjafahópur gegnir afar mikilvægu hlutverki í starfsemi VIRK. Ráðgjafar halda
utan um alla þræði í samskiptum einstaklinga í þjónustu, tryggja gott upplýsingaflæði og
stuðla að samhæfingu í öllu starfsendurhæfingarferli viðkomandi einstaklings. Þeir veita
stuðning, ráðgjöf og hvatningu með áherslu á styrkleika einstaklingsins. Ráðgjafar bera
ábyrgð á gerð og eftirfylgd einstaklingsbundinna starfsendurhæfingaráætlana sem þeir bera síðan
undir þverfaglegt teymi sérfræðinga á þriggja mánaða fresti. Þeirra starfi fylgir nokkur skráningarvinna
sem unnin er samkvæmt útgefnum verkferlum í gæðahandbók VIRK.
Tíu ráðgjafar gegna því hlutverki að vera tengiliðir ráðgjafa. Miðað er við að einn ráðgjafi sé
skilgreindur sem tengiliður ráðgjafa hjá þeim stéttarfélögum/samtökum þar sem þrír eða
fleiri stöðugildi ráðgjafa eru til staðar. Ákvörðun um hvaða ráðgjafi gegnir þessu hlutverki er
tekin í samstarfi VIRK og stéttarfélaga.
Ráðgjafar VIRK eru 48 talsins í 45 stöðugildum
og starfa hjá stéttarfélögum um allt land
Ráðgjafar og starfsfólk VIRK sóttu forseta Íslands heim á haustdögum 2015.
20 virk.is